VOV4.Mnông- Ntŭk kan dak si lam ntur neh mhe an gĭt mbra ƀư du rơh rƀŭn nchră uănh năl nău săk rnglăy n’hanh đăp mpăn bâh vaccine njrăng Covid-19 Sputnik-V yor Nga ƀư tâm pơh aơ, lôch âk khay mô hoch geh uănh năl pă an ntop dŏng ntil vaccine aơ ta rnoh an dŏng ndal tâm nău njrăng Covid-19. Ntoh ngơi ta năp báo chí, nuĭh kơl kan Tổng giám đốc WHO Mariangela Simao an gĭt, aƀaơ, hôm nha an geh bmơh nchră tay nău đah ntŭk kan ƀư vaccine Sputnik-V bâh Nga mpeh ăp nău an geh uănh năl geh tât nău uănh năl ta ăp ntŭk nkra ƀư. Rnôk khay 10, kruanh n’gâng kan dak si Nga Mikhail Murashko lĕ an gĭt lĕ rngôch ăp nău jêr geh tât mbơh dăn dŏng Vaccine Sputnik-V ta WHO lĕ geh nklơi doh. Aƀaơ, WHO lĕ pă an dŏng ngăch ndal 6 ntil Vac cine njrăng rdâng Covid-19.

Nuĭh rblang: Thị Đoắt