VOV4.M’nông – Rmôt kan dak si lam ntŭr neh (WHO) lĕ ndơ̆ nău đă bu ur dôl bŭn mô lah an kon pu ân chuh vaccine njrăng Covid-19. Tĭng WHO, du đêt mĭn njêng an saơ, ăp nuĭh me dơi chuh vaccine njrăng n’gang Covid-19 mbra deh dơi chŏl njrăng n’gang Covid-19 n’hanh ăp nău chŏl aơ dơi geh bah me an kon gay mât njrăng ăp oh bê. Yor nê, ăp nuĭh way kan bah WHO an lah, ăp bu ur bŭn mô lah jêh deh kon an chuh vaccine an kon pu tay. WHO đă ăp chính phủ an ndơ̆ bu ur bŭn an tâm rmôt kơl lor gay chuh vaccine, yor bu ur bŭn geh nău ntưp Covid-19 âk n’hanh rgâl mbăn lơn. Aơ lah nău mbơh dơi uănh, yor nău lư way an lah bu ur dôl bŭn mô lah an kon pu mô geh chuh vaccine njrăng Covid-19, đêt đŏng âk dak lĕ mô an bu ur bŭn n’hanh kon pu luh bah dih nuĭh dơi chuh.

Nuĭh rblang: Y Sưng Phê Ja