VOV4.M'nông: Nhih pah kan dak si lam ntŭr (WHO) mhe aơ hŏ kuăl jă ăp Nhih máy tơm njêng vaccine Covid-19 der n'hao rnoh khlay ndal, mât rnoh khlay dah găp, lôch geh nău lư an lah 2 nhih máy njêng dak si Mỹ mbra n'hao rnoh khlay tăch đah Liên minh châu Âu (EU). Lah tâm rơh hop báo ta Thụy Sĩ, wa bu ur Mariangela Simao - kruanh kan têh nhih pah kan WHO mât uănh mpeh nău dơi tât đah dak si, vaccine n'hanh dak si uănh năl, ăp nhih máy njêng dak si lơn âk hŏ n'hao rnoh dăng ƀư njêng, âk ntil nhih máy n'hanh n'hao nău dơi ngăch rêng ƀư njêng, nău dja mbra jêng tât rnoh khlay hŭch mô di lah hao. Tĭng mpôl kruanh WHO, ntŭk tăch rgâl vaccine aƀaơ geh nău ŭch dŏng dŭt âk rđĭl đah rnoh geh tơm pă tăch, jêng nău dŭt khlay lah ăp công ty ân geh trong kơl rnoh khlay dah găp, tâm di./. 

Nuĭh rblang: Điểu Thân