VOV4.M’nông: Tổng Giám đốc Ntŭk kan dak si bah lam ntur neh (WHO) mhe ntoh nau kuăl jă ăp dak nkra vắc xin njrăng rdâng srê Covid-19 nsrŭng nau mât dŏng nau dơi blau nau kan bah nơm đah vắc xin. Rđau kan ntŭk kan dak si lam ntur neh lah rjăp aơ mô di lah nau kan kơl am ma lah nau kan săk tam bah nau kan kơl n’hao nau nkra vắc xin. Nau kuăl jă bah Tổng giám đốc ntŭk kan dak si lam ntur neh (WHO) geh ndŏ luh tâm rnôk geh srê Covid-19 geh lơn ma khuch hô tâm lam ntur neh, tâm nê geh âk dak tŭp tâm nau mô tŏng vắc xin. Bah năp nau rđau kan bah Ntŭk kan dak si lam ntur neh, Thủ tướng Anh Gordon Brown kŏ ntoh nau kuăl jă ăp dak ân nsrŭng lơi nau mât nau dơi nkra vắc xin Covid-19, ân lah aơ lah nau kan geh nau dơi nkra tât vắc xin tâm Châu Phi ndrel ăp nkuăl neh êng lam ntur neh./.

Nŭih rblang: H’Thi