VOV4.M’nông – Nău ntrôl chuh vaccine njrăng Covid-19 dôl nsĭt tay âk săk rnglăy uĕh, yơn lah lam ntŭr neh dôl ntơm tâm trong tal 3 bah srê. Nău aơ dơi Tổng giám đốc Rmôt kan dak si lam ntŭr neh (WHO) Tedros Adhanom Ghebreyesus mĭn lah ta rơh rƀŭn ndal bah WHO mpeh uănh lah nu nău srê Covid-19 ta lam ntŭr neh. Tĭng wa Tedros Adhanom Ghebreyesus, pơh bah năp lah pơh tal 4 na nao ntưp Covid-19 ta lam ntŭr neh hao ngăch, rnoh nuĭh khĭt hao đŏng. Nkô̆ nău khlay jêng tât nău hao ndal ăp nuĭh ntưp Covid-19 yor rgâl kaman Delta, geh ntưp âk ngăn nkôp đah kaman SARS-CoV-2. Rlău ma nĕ, nău hao hăn bah nuĭh ƀon lan n’hanh nău mô rjăp bah ăp dak uănh nđôi Covid-19 lah nkô̆ nău jêng tât ntoh trong ntưp srê tal 3.

Nuĭh rblang: Y Sưng Phê Ja