VOV4.M'nông: Nhih pah kan dak si lam ntŭr neh (WHO) nar 29/12 mbơh njrăng lor geh ma nău tât njêng săk mhe Omicron hôm dŭt âk tâm rnôk rnoh nuĭh ntưp Covid-19 lam ntŭr neh hŏ hao 11% tâm pơh bah năp nơh. Ma ăp ndơ an saơ, njêng săk mhe Omicron geh rnoh ngăch ntưp rêng dăng lơn rđĭl đah njêng săk Delta, đah rnoh ngăch hao rlău 2 tơ̆ ntơm bah 2 tât 3 nar n'hanh rnoh nuĭh ji jru hao ngăch năl geh ta du đêt dak. Tĭng nhih pah kan lam ntŭr neh, rnoh ngăch ntưp njêng săk mhe Omicron mbra lah tă bah nău dơi der dăng chŏl n'hanh nău dơi ntưp rêng aƀaơ hao ta njêng săk mhe dja. yơn lah rnoh âk nuĭh ntưp hŏ hŭch 29% ta Nam Phi, dak lor bôk năp mbơh ăp nuĭh geh ntưp njêng săk mhe Omicron. Nhih pah kan dak si lam ntŭr neh lah rjăp, ân geh tay tơm nchih rgum gay gĭt rnoh hô bah njêng săk mhe Omicron kơt nău mpơl bôk năp, n'hôr máy mô lah geh ma nău khĭt./.

Nuĭh rblang: Điểu Thân