VOV4.M'nông: Nhih pah kan dak si lam ntŭr neh (WHO) nar 4/6 mbơh njrăng lor, lam ntŭr neh mbra mô geh nău rơh rơh rdâng lơh nuh srê COVID-19 lah ăp dak geh ndrŏng mô ngăch tâm pă vaccine. Tĭng nuĭh tă ơm gĭt kan nsŏng kan gưl têh nhih pah kan dak si lam ntŭr neh Bruce Aylward, trong nchrăp bah Mỹ tâm pă dŭt đêt 80 rkeh dĭng vaccine njrăng n'gang COVID-19 an ăp dak ach o lơn lah "du njuat ntơm hăn khlay", yơn lam ntŭr neh hôm ŭch geh tay ngăch dŭt âk dĭng vaccine đŏng gay trok tay tâm ntŭk mô tŏng pă bah Ấn Độ, tâm ban kơt nău mbrơi nkai tâm trong ƀư njêng. An tât aƀaơ, ăp dak geh ndrŏng hŏ ton rgop 150 dĭng ma bôk nău kan tâm  pă COVAX. Yơn lah, tĭng wa Bruce Aylward, ntul rlong lah ân ngăch ƀư jêng ngăn ngăn ăp nău ton dja gay njêng luh nău mha êng tâm nău ƀư mbrơi ntưp rêng bah nuh srê./.

Nuĭh rblang: Điểu Thân