VOV4.M’nông: Tổng Giám đốc Nhih pah kan dak si lam ntŭr neh (WHO) Tedros Adhanom Ghebreyesus lah rjăp, bol ma ăp nău rgâl mhe bah nsum mpôl lam ntŭr neh tâm rơh rdâng lơh nuh srê Covid-19, nuh srê hôm tât krit nji n'hanh dôl tâm rnôk dŭt klach rvê đŏng. Ăp dak mô tŏng tơm vaccine njrăng n'gang nuh srê Covid-19 dôl tâm rdâng đah nău tât nuĭh ji jru lăp nhih dak si n'hanh  khĭt âk. Tĭng WHO, tâm pơh rlău aơ, hŏ geh nklăp 2,6 rkeh nuĭh ntưp nuh srê Covid-19 n'hanh nklăp 54 rbăn nuĭh khĭt dơi năl lam ntŭr neh. Wa Tedros Adhanom Ghebreyesus lah rjăp, trong dŭt uĕh gay rdâng lơh đah nuh srê Covid-19 lah ntop kơl ăp dak tâm nău tâm pă tâm ban geh vaccine, ndrel ăp ndơ ndrôm săk mât njrăng êng nơm , uănh năl mham, ndơ dŏng kan dak si êng ƀa ƀă./.

          Nuĭh rblang: Điểu Thân