VOV4.M’nông – Rmôt kan Dak si lam ntŭr neh mbơh ntơm rdêng ăp ndơ dak si njrăng n’gang Covid-19 an Triều Tiên tă bah ndrâm dak lêng Dalian bah Trung Quốc. Nău mbơh aơ an saơ Triều Tiên dơi pơk lhoi ăp trong uănh nđôi n’har bri an tâm khay bah năp. Triều Tiên lĕ rhăt jăp ăp nău uănh nđôi n’har bri kơp bah rnôk srê ntoh ta Trung Quốc, ƀư nău rdêng ndơ dak si mô dơi ƀư. Nău mbơh bah Rmôt kan dak si lam ntŭr neh lah rjăp, gay ntop kơl Triều Tiên ăp ndơ dak si an njrăng n’gang srê Covid-19, Rmôt kan dak si lam ntŭr ntơm rdêng rlău ndrâm dak lêng Dilian. Bộ Thống nhất Hàn Quốc mô geh nău lah mpeh nău mbơh bah Rmôt kan dak si lam ntŭr neh, yơn lah rjăp geh nău ntoh nău mhe dăch aơ mpeh Triều Tiên ntơm pơk mpông n’har bri ta dak lêng đah Trung Quốc.

Nŭih rblang: Y Sưng Phê Ja