Chinhr quyền oz cấp ntơưv Lai Châu: Iz shông paz cxơưz trâu huôv tsar truôx đrênhk

Txix tsênhv qơư xar yiêz txos cxuô jêx jok tox siêz, têx hlôngr yiêz tâu sêiz pov njôngr hâur luz nênhx niêx hnuz; zoz thôngz, y têr, zoz zux jux juk tâu yưv pênhr uô cxix cxuô; tâu vav tiêk bôv mêir yiêz zuôr paz pênhr jos trâu huôv tsar kinh têr-xar hôiv thiêz hlôngr yiêz pêx xênhv luz nênhx. Zơưv Đỗ Văn Thủy, Bí thư Chi bôv Tôv dân phố sôr 9, phường Tân Phong, shir phaz hêik pâuz:

“Lai Châu zos iz luz tỉnh tox siêz, ntus đriv, pêx xênhv luz nênhx yuôr ntâu txov nhêv. Cur vav tiêk ntu zuôr txos, tỉnh cux li Đảng thiêz Têz qơưk zuôr tror muôx chủ trương, tsênhv chêi paz ntâu đuô trâu pêx xênhv luz nênhx”.

Đhâu kho đuô, tas nro tỉnh yuôr 42 cơ quan cấp tỉnh thiêz 38 xar, phường tâu tsưr tsix, uô ntov jông lơưr tsưr ziv yiêz. Yênhx cxênhz canr bôv, công chức tâu kho đuô huv đros trâu jênhv vưv yiêz. Chôngz canr bôv hluôk sêi đrơưv sưv đros tênhv qơư uô hâux lưv yiêz, zuôr uô tâu nzir têx jênhv vưv chiê phưx vưv trâu pêx xênhv jông đuô. Pos Lò Thị Thiết, chuyên viên Văn phòng Ủy ban xar Than Uyên, Lai Châu puz pâuz:

“Hâur qênhx shênhx hlôngr yiêz tsưr ziv chinhr quyền 2 cấp. Cur zuôr sir jos uô têx jênhv vưv thiêz gra siêz txơưx jênhv, sir jos cơưv shâuv, cơưv nzir txux chi uô hâux lưv chiê uô cov tiêr jông têx jênhv vưv tâu choz”.

Tưz tsik zos paz uô ntov jông tsưr tsix bôv mêir, hâux lưv kho đuô taz viv hành chính tsênhv paz muôx huôv tsar yiêz trâu cxuô thax tsav qơư: Xar lox đar đuô, pênhr jos tsêx trung đuô, paz jông chiê cxiv tsa chor thax tsav uô hax huv, zaz zâuv yưv pênhr thiêz sir zôngv khoa học kỹ thuật trâu uô nox. Zơưv Đoàn Việt Hoàng, Phưv Ban cxiv tsa Đảng, Đảng ủy xar Bình Lư heik pâuz:

“Kho đuô têx taz viv hành chính cấp xar paz cxuô kror trâu cấp xar xav jênhv đuô chiê huôv tsar kinh têr. Pêz tsêx trung trâu hâux lưv huôv tsar, bax têx hax huv cux li huôv tsar kỹ thuật hâur uô nox”.

Đhâu 1 shông kriz uô chinhr quyền oz cấp, tỉnh Lai Châu tsênhv yuôr têx cêr txov li muôx tsik tâu txâuk chor canr bôv uô iz cxiê kror hâux lưv, iz cxiê canr bôv txux chi công nghệ thôngz mông tsênhv kik, hạ tầng thax tsav tox siêz tsênhv tsik tâu cxix cxuô. Chor hâux lưv uô tsar ndê ntâu, chôngz lênhx canr bôv tsuv uô nzir ntâu kror hâux lưv yiêz. Tâu kriê nzir txux chi thiêz sir zôngv công nghệ thôngz mông hâur xưv lik têx hâux lưv viv li bôv mêir jux juk uô tâu hâux lưv truôx jông. Tas nro tỉnh nhiv no muôx 17.196 canr bôv, công chức, viên chức tâu chiê lok uô côngz xưv ntơưv 38 xar, phường. Tỉnh Lai Châu tror tsêx trung uô tiêr tsưr tsix bôv mêir, gra siêz tsơưr lươngv chor canr bôv, sir jos hlôngr yiêz sôr, phêiz cấp, phêiz vax huôv đros qênhz yuôx, sêiz kaz. Zơưv Lê Xuân Tiến, Phưv Giám đốc Tsênhv qơư phưx vưv hành chính công tỉnh Lai Châu puz pâuz:

“Sâuv thax tsav tas nro tỉnh nhiv no 100% têx ntâuz ntơưr hành chính puôr lênhx tâu uô ntơưv Tsênhv qơư phưx vưv hành chính công tỉnh, cux li Tsênhv qơư phưx vưv hành chính công têx xar. Đhâu co, pêx xênhv, doanh nghiệp zuôr xêir tsov tâu Tsênhv qơư phưx vưv hành chính công zôngx ziv tiv zix, chiê muôz têx ntâuz ntơưr hành chính txos trâu chor cơ quan muôx vax huôv đơưk kho têx hâux lưv uô lơưr cui tênhv”.

Thâuv chinhr quyền sưv jê pêx xênhv đuô, txơưx jênhv tsênhz mênhx đuô thiêz pênhr jos tâu kriz uô jông đuô, co cux zos thâuv nền tảng tâu huôv tsar uô truôx jông thiêz paz cxơưz cxiz trâu jiês hlôngr yiêz tror tau sir jos uô muôx tsiv gri jông đuô hâur têx shông zuôr txos./.

Khắc Kiên-Lik Thox cxêik nhênhv

Sơn La sir jos phax tar zuôv têx nhuôs zâu uô đaz uô tuôs, trâus moz pôngz đêx, trâus moz trâus saz

Tỉnh Sơn La nhiv no muôx 400 cxênhz ntâu lênhx nhuôs zâu tsi tâu muôx 16 shông, tsav zuôr xar 30% jênh sôr. Têx shông đhâu, cxuô cấp, ngênhx thiêz cxuô thax tsav qơư hâur tỉnh thâuv tưs tưz moz siêz txos luôs hâux lưv por hưv, tsoz phưz thiêz choz kriê têx nhuôs cêr uô nênhx jông, taz sik, cux tsênhv muôx iz cxiê lênhx nhuôs zâu trâus zuôv uô đaz uô tuôs, trâus pôngz đêx, trâus moz trâus saz. Chênhr viv li ntơư, cxuô chuôz zis thiêz tas nro xã hội tsuv sir jos phax tir thêir truôx đuô, sik đros tsoz phưz, por hưv têx nhuôs zâu chiê chor tuz nhuôs muôx iz qơư nox nhoz truôx tuk thiêz jông.

Zuôv nhuôs zâu uô đaz uô tuôs-Zos têx lar heik txos:

Trơưk li thôngz sâu, hâur 6 luz hlik hâur shôngk shông 2026, tas nro tỉnh Sơn La muôx 13 txuz, 14 lênhx nênhs, đros thiêz 14 lênhx nhuôs zâu hnuz nhôngs txix 6-16 trâus zuôv uô đaz uô tuôs, trâus ntâuk tsiv, hâur co muôx 12 lênhx zos nhuôv nxeik, 02 lênhx nhuôv tuz.

Qir tiv chênhr muôx yưv têx tsi jông li heik sâuv, zos viv chuôz zis, lênhx nênhs tsoz phưz nhuôs zâu tsi yuô muôx tsưr ziv por hưv, moz siêz txos têx mê nhuôv. Iz chas ntơư, nhoz hnuz nhôngs no, têx mê nhuôv tsi yuô tâu pâuz tsưr ziv por hưv zuk tus khênhx, khênhr njênhs, mnôngs trơưk luôs lưv tus heik, nziêk đas li uz li no uô têx nuv tsi trơưk chei. Iz cxiê chuôz zis muôx mê nhuôv trâus zuôv uô đaz uô tuôs, taz sik tsi heik trâu cơ quan muôx vax huôv pâuz viv nyei thiêz txax muôs....

Iz chas zuôv uô đaz uô tuôs, chor mê nhuôv zâu tsênhv njiz trâus iz cxiê têx tsi jông txơưr đuô li đrav kaz:

Trâus ntos, trâus cuz hnhiêz, ntos yêz, kâus tưx, trâus têx tsiêx tov, pôngz đêx, tênhv cuz..... Hâur co, lok cheix ntux sor, nhuôs zâu trâus pôngz đêx khênhr muôx yưv ntâu đuô. Thôngz sâu hâur 05 shông jê lok no, tas nro tỉnh Sơn La muôx 3 cxênhz ntâu txuz nhuôs zâu njiz trâus têx tsi jông li heik sâuv, phênhv ntâu zos trâus pôngz đêx, ntos yêz, trâus cuz hnhiêz.... Hâur ntơư, zuôr xar 8% lênhx nhuôs zâu hâur tas nro têx nhuôv zâu trâus li heik co trâus tuôs, zuôr xar iz đraz zos tiv trâus pôngz đêx.

Txix têx li heik ntơư, chuôz zis, tsêr cơưv ntơưr thiêz xã hội tsuv moz siêz txos tsoz phưz, por hưv têx nhuôs zâu, chiê txo grêk tsơưs tsi jông muôx têx yưv siv:

Chiê phax tar zuôv têx nhuôs zâu têx uô đaz uô tuôs, chuôz zis tsuv sir jos choz kriê nzor cêr uô nênhx trâu chor nhuôs zâu chiê pâuz por hưv zuk tus khênhx, luz đros chêr, tsi chiê luôs lưv tus cor txos, zuôv uô đaz uô tuôs; Muôz qơư njênhs njôngr chiê têx mê nhuôv jông kriê cxuô zav thâuv njiz trâus tsi jông ntơưv tsêr cơưv lok sik sâuv mạng xã hội. Tsuv moz siêz txos thâuv mê nhuôv trâus nyei lok sik tsi xar nhoz jê, chuôs njiz iz tus nênhs sưv pâuz tưs; Tsi tâu tso siêz chiê mê nhuôv đros têx lênhx nênhs tsi txâuk njênhs nhoz, kriê têx mê nhuôv tsưr ziv zis, tsi lênhk txeik chor nênhs tsi pâuz tsênhz bê lok sik têx tus siz sưv siz pâuz têx huv, nhiêx txiêx muôz puz lok sik nziêk đas muk trâu qơư tsi muôx lênhx nênhs.....

Đros trâu têx li heik co, tsêr cơưv thiêz cxuô tsưr tsix đoanx thêv đros hâu nov cxuô cấp tsuv tsưr tsix têx jiês yax kriê tsi so ntơưv qơư pêx xênhv nhoz thiêz hâur tsêr cơưv ntơưr; tsưx phưv truôx thiêz sir jos yax kriê Têz qơưk Tổng đài por hưv nhuôs zâu 111 chiê cxuô lênhx pêx xênhv lok sik nhuôs zâu muôx têx hu tâu tuôx thor paz max thâuv njiz trâus tsi jông; chor lưv lươngv muôx vax huôv  tsuv lênhk txeik, xav jênhv sei đrơưv têx mông heik pâuz lok trâus ntâuk tsiv, zuôv nhuôs zâu uô đaz uô tuôs thiêz muôz tik cêr cxâuv cov txos qơư trơưk đreiv chei têz qơưk cui tinhv.

Nhuôs zâu têx lênhx zuôr cxơưz paz têz qơưk hlôngr yiêz, huôv tsar hâur ntu zuôr txos. Moz siêz, tsoz phưz thiêz por hưv nhuôs zâu tsi tiêk zos txơưx jênhv, hâux lưv zov chênhr, tsênhv zos cxuô lênhx cxuô tus hâux lưv, cêr moz siêz txos, chiê hâur luz nênhx niêx hnuz, chor nhuôs zâu puôr lênhx tâu nox nhoz shir phaz lus, truôx tuk thiêz muôx tas nro chuôz zis đros trâu côngv thôngx cêr hluz./.

Thu Thùy-Riê Lâux cxeik, nhênhv