Thiếu tá Hoàng A Liền: Zos iz lênhx công an uô tâu truôx jông luôs hâux lưv tir thêir, zok nriêr chor nênhs zuôr muôs zax zênhz

Thiếu tá Hoàng A Liền- Phưv tsar phòng Cảnh sát hình sự, Công an tỉnh Lai Châu uô tâu 10 ntâu shông hâux lưv tir thêir, zok nriêr tâu ntâu txuz chor nênhs zuôr muôs zax zênhz chox lok tik cêr cxâuv: “Cur hnor moz sâuv xuz pưs. Cur sêiz zơưv co tsênhv tuôr traz triêv ntơưv têk gâus cur, cur muôz têk thêir thiêz txênhz traz triêv co; zơưv co tuôr tụ co triêv, cur tuôr tuk hniêr triêv, oz lênhs siz txênhz traz triêv ntos trâu hâur har poz cưk, thâuv co cur xar tiêk, chiêx thiêz tuôs car qơưx”.

Lênhx txir nênhx zuôr luôs trâus tuôs thâuv hmo ntux lok nas co zos Thiếu tá Hoàng A Liền – Phưv Tsar phòng Cảnh sát hình sự Công an tỉnh Lai Châu. Đhâu jiês tir thêir, ntêk cxov tsik muôx suôz fov, Vav Xênhv Shôngx – lênhx nênhs zuôr muôs zax zênhz nto bê nhoz Tây Bắc hâur txuz zuôr muôx zax zênhz zos Nguyễn Thanh Tuân thiêz Nguyễn Văn Thuận sơưr thơưx tưz trâus cxov đros 6 đêiv zênhz đơưz. Chox lok đros ntơưv Vav iz saz zos Thiếu tá Liền trâus saz sâuv xuz pưs, oz cxêik têk pov lok ntâu nyar.

Tsôngv fôngx zưs sơưr đơưk hmor yuô! Chuyên anr 0419V zos chuyên anr Thiếu tá Hoàng Văn Liền njiz ntâu phiv liv, txơưv tix lâus tưz trâus saz thiêz lok ntâu nyar ntơưv cxuô jiês ntêk cxov chor nênhs zuôr muôs zax zênhz ntơưv har jôngr lâul nhoz thax tsav Lóng Luông, Vân Hồ, Sơn La. Chuyên anr 1522G ntêk cxov zơưv Jôngr Xênhv Shôngx tsênhv uô trâu tix lâus njiz ntâu cêr cxơưx đuô thâuv Jôngr gra 40 đêiv zênhz đơưz tuôx trâu qơư muôs, jôngr tsênhv gra trơưr đros iz traz triêv thiêz:“Thâuv nưk gra 40 đêiv zênhz đơưz tuôx, cur uô tiz jông nus: “Cox muôx triêv tsik cav muôz trâu cur kir hlêik hnaz sêiz sêz zos zav huv đaz tsi”. Thâuv co xar cov zuk tuôr tâu nưk traz triêv, cur tsuôk xar tiêk, zos zuk tsik qênhz yuôx jông chiê lênhx nênhs co thâu triêv lok mak sơưr đơưk zuôr trâus trâus saz. Cur tưz xar tiêk, txơưv trâus saz cux sik trâus tuôs, cux zos zuk iz lênhx, tsik chiê traz triêv co uô ruôr hiêv txos chôngz lênhx nênhs hâur Ban chuyên anr”.

Đhâu ntâu jiês hmôngr jông tsênhv muôx txox siê nhoz, sâuv Thiếu tá Hoàng A Liền luz chêr muôx lok six ntâu kror trâus saz sâuv xuz pưs, hâur siêz thiêz đraz kâuv. Co zos têx kror puz pov tâu txos hâur cxuô jiês tix lâus sir jos tir thêir thiêz ntêk cxov chor nênhs zuôr muôs zax zênhz.

10 shông sir jos tir tar chor nênhs zuôr muôs zax zênhz nhoz thax tsav ntus đriv, Thiếu tá Hoàng A Liền tưz qênhz yuôx, yơưz phơưz tâu yênhx puô txuz zuôr muôs zax zênhz. Muôx 10 ntâu jiês tix lâus luz chêr tưz trâus pôngz trox nyar, trâus đôngs nyar, to têx grêix zâu đhâu yênhx hmo muk sêiz jor hâur har jông, har tsuôs. Hâur cxuô jiês muk zok nriêr, tir thêir, ntêk cxov chor nênhs zuôr muôs zax zênhz, cêr chiêx thiêz cêr tuôs siz bâus jok; taz sik công an Hoàng A Liền siêz cux truôx bo uô tâu tiêr luôs hâux lưv zok muôz. Đại tá Phạm Hải Đăng – Phưv Giám đốc Công an tỉnh Lai Châu hêik pâuz:“Hoàng A Liền thâuv tưs cux uô ntêx hlo trâu cxuô luôs hâux lưv zok muôz, tsuv tâu kruôk txos hâur phongz yaox phax tar chor nênhs uô cxâuv chêi zuôr muôs zax zênhz, chor hluôk tsuv tâu cơưv shâuv, uô trơưk, viv truôx tuk trâu ntus đriv têz qơưk”.

Tsôngv fôngx zưs sơưr đơưk hmor yuô! Hâur 10 ntâu shông đhâu, txix shông 2015, Hoàng A Liền uô hâux lưv qênhz yuôx tir thêir chor nênhs zuôr muôs zax zênhz, Công an tỉnh Lai Châu. Muôx ntâu jiês tix lâus tsik hnar trik yo công an. Muôx ntâu jiês uô lênhx nênhs zuôr muôs zax zênhz, gra zax zênhz muk trâu têx qơư zuôr muôs zax zênhz; têx jiês uô lênhx nênhs zok nriêr zuôr muôs  nhux tưv, têx thâuv uô lênhx nênhs tsar yêz mêir thâux xa kruô.

Luôs hâux lưv tir thêir chor nênhs zuôr muôs zax zênhz, uô cxâuv chêi têz qơưs nhoz thax tsav ntus đriv Lai Châu tsênhv yuôr ntâu phiv liv. Taz sik txơưv muôx ntâu jiês trâus saz, Thiếu tá Hoàng A Liền cux tsênhv tror sir jos uô truôx jông hâux lưv tsưx phưv truôx tuk trâu jêx jok. Hli 8 shông 2025, hâur jiês txêik jênhv côngz bê “Công an nro têz qơưk sik tưr uô truôx jông hâux lưv zok muôz” Thiếu tá Hoàng A Liền hêik pâuz nzir:“Cur tsuôk zos iz lênhx côngz an nhoz thax tsav faz Bắc đros tsưr ziv siêz xar njôngr tiêk “Tsik chiê cxuô jêx jos nhoz hâur thax tsav Lai Châu trâus cêr pôngz siêz, viv zax zênhz. Cur xar njôngr: Hâur ntu zuôr txos no, thâuv cur chor mê nhuôv hloz lox, hâur thax tsav qơư no zuôr tsik muôx zax zênhz, tsôngv px sđ zuôr muôx luz nênhx vav mênhx đuô”./.

Tsôngv ...yuô! Ntâu lênhx nênhs xar tiêk, tsuôk têx lênhx nênhs zuôr muôs zax zênhz thiêx uô cxâuv chei têz qơưk, taz sik tsênhv tsênhz, zos lênhx nênhs tưs tsuôk zos thâux gra, jeik tsês lok sik thâux gra zax zênhz txix qơư no muk qơư txơưr cux zos uô cxâuv chei têz qơưk. Pir li, muôx lênhx nênhs heik paz gra iz luz hnaz, iz poz huv, iz luz balô lok sik hnaz tax txix xã no muk xã txơưr zos trâus qênhz pov hâur hnaz co muôx zax zênhz cux zos uô cxâuv chei têz qơưk zuôr muôs zax zênhz tsi trơưk chei. Txơưv muk tơư, muk yêz meir, yêz ô tô lok sik xa đhâu yêz thâux kruô, yêz thâux hax huv...puôr lênhx trâus xưv bluôk, tik cêr cxâuv trơưk chei têz qơưk tso tơưv.

          Chei têz qơưk cui tênhv tsênhz mênhx: Lênhx nênhs thâux gra tsi trơưk chei tsơưr zax zênhz zuôr trâus tik cêr cxâuv txix 3 txos 7 shông tux. Zos thâux gra ntâu, tsưr tsix lok sik thâux gra đhâu ntus đriv mak zuôr trâus tik cêr cxâuv ndê txos 20 shông tux lok sik trâus cơư tux tas iz tiêv nênhx. Đrâuv co tsênhv zuôr trâus xưv bluô nhiêx txiêx thiêz sâu tsês têx chuôz zênhx chuôz tas.

          Pox nhuôk sđ tsuv ndo njôngr: Tsi paz thâux gra têx poz huv, chuôz zênhx tsi pâuz tsênhz, thiêx tsik uô puôk tsuôx, ruôr hiêv txos zuk luz nênhx nox nhoz muk lok hâur niêx hnuz.

          Thâuv pov muôx lênhx nênhs zuôr muôs, thâux gra zax zênhz lok sik hâuz zâuv đros zuôr muôs, thâux gra zax zênhz, pox nhuôk tsuv hêik ciês trâu Công an lok sik hâu nov ntơưv qơư pâuz chiê tir thêir, paz phênhv por vêv txiv ngaz jêx jos truôx tul, por vêv tsôngv px luz nênhx tsâu sor, shir phaz./.