Muôz oz pêz luz jos chox lok uô iz jos nhoz thax tsav tox siêz Sơn La: px jông siêz viv huôv tsar

          Jos Kết hay, xã Phiêng Pằn muôx chôngz tsôngv px mênhx cxưx tsơưs nênhs Xinh Mun nhoz uô nênhx. Lơưr tsưr ziv sik côngv, jos Kết Hay, jos Cò Hày, Kéo Lồm thiêz Pá Liềng sik côngv yênhx jos Kết Hay yiêz, muôx cxaz ntâu ziv chuôz zis tốngv box mênhx cxưx Hmôngz sik đros nhoz uô nênhx. Tix lâuk Vì Văn Phiếu, tsôngv px jos Kết Hay puz pâuz, qir thơưx pox nhuok cux lok six cxơưx viv thâuv sik côngv zuôr lok six đar, muôx chôngz mênhx cxưx sik đros nhoz uô nênhx. Thâuv tâu yax mông, heik kriê, jênhv pov no zos chủ trương huv đros, paz têx mênhx cxưx sik côngv jông, sik paz max huôv tsar kinh têr, viv li lênhx tưs cux thôngx ziv. “Phêv liv tiv zix zos têx mênhx cxưx li vênhx huôv, nhiês muôx nhiês vênhx huôv txơưr. Phêv liv tiv oz zos sik côngv, jos đar đuô, cêr muk lok phêv liv đuô. Lok chủ trương sik côngv jêx jos, tsôngv px lok six thôngx ziv, taz sik xar njôngr têz qơưk tsov cưv txos cêr muk lok, tsov cưv lok vênhx huôv mênhx cxưx chiê muk lok zôngx ziv đuô”.

          Zơưv Muôk Xênhv Thox chuôz zis, mênhx cxưx Hmôngz nhoz jos Kéo Lồm, đhâu thâuv sik côngv jos Kết Hay. Txix ntơưv tsêr muk txos tsênhv qơư jos yiêz muôx muôx nhos 5 cei cêr, phênhv ntâu zos cêr ar viv li lax muk lok đuô thâuv ntêx. Taz sik, zơưv cux thôngx ziv đros têz qơưk li chủ trương, thôngx cxix xar njôngr chính quyênx tiv phaz tsov cưv yưv pênhr, kho đuô cêr muk lok chiê tsôngv px muk lok zôngx ziv đuô. Zơưv Muôk pheiz kênh: “ Chủ trương sik côngv mak cur lok six thôngx ziv, taz sik yuôr 1 ntu cêr muk txos tsêr vênhx huôv tsi zôngx ziv muk, zos cêr ar. Cur xar njôngr têz qơưk paz uô cêr muk lok chiê pox nhuôk zôngx ziv muk lok đuô”.

          Đhâu thâuv sik côngv taz viv hành chính cấp xã, Phiêng Pằn yênhx iz hâur têx xã lox đar tiv zix tỉnh Sơn La, đar 320 cei cêr ntâu mênhv chêx, jênh số 24 cxênhz ntâu lênhx nênhs, muôx 5 mênhx cxưx sik đros nhoz uô nênhx zos Thái, Hmôngz, Choz Tsiz, Xinh Mun thiêz Khơ Mú. Lơưr tsưr ziv sik côngv, xã Phiêng Pằn tưz txu grês txix 45 grês yuôr 26 jêx jos. No zos jênhv vưv tsi zôngx ziv viv muôx ntâu jêx jos nhoz đêz, lax muk lok tâu txos, tsôngv px nhoz uô nênhx tsi chêx chôngk. Zơưv Hoàng Hữu Phong, Phưv Chủ tịch UB xã Phiêng Pằn puz pâuz: “Đros têx jêx jos nhoz đêz, tsôngv px nhoz tsi chêx chôngk, thiêz têx jêx jos sik côngv hâur têx mênhx cxưx sik côngv li Thái, Hmôngz, Xinh Mun, hâur ntu zuôr txos xã zuôr tror thor yưv pênhr côngz thiêz têx tsaz yênhx têz qơưk li qơư tsov txos hâur ntu yưv pênhr, tiv zix zos cêr muk lok zôngx ziv đuô trâu tsôngv pox nhuôk, tiv oz zos cxiv tsa tsêr vênhx huôv chiê zôngx ziv đuô hâur pox nhuôk li côngz xưv xênhz huôx”.

          Txơưv hâux lưv sik côngv tưz uô hlôngr yiêz ntâu lok thax tsav qơư xênhz huôx, vênhx huôv thiêz cêr muk lok txos tsênhv qơư jêx jos, tsênhv qơư xã ntâu ziv chuôz zis, taz sik đros chinhz yênhx sik côngv siêz, tsôngv px têx mênhx cxưx xã Phiêng Pằn heik taz, tỉnh Sơn La heik cxuô tưz thôngx ziv đros chủ trương tror sik côngv đuô jêx jos, tuêv jông phố.

          Pox nhuôk njênhs njôngr, đhâu thâuv sik côngv, têz qơưk zuôr tror tsov cưv yưv pênhr uô cêr zaoz thôngz, tsêr vênhx huôv thiêz têx jêx jos nzor truôx tul, muôx cxaz têx theox chênhv huôv tsar truôx tul./.

Trấn Long-Txâur Vax cxeik nhênhv

Paz ngaz tuk jông zav nox phax tar trâus tưx zav nox hâur chêix ntux sor

           Chiê por vêv đas jos hâur chêix ntux sor, tsuv uô jông trơưk tsưr ziv “Nox siêr, hâuk bâu”. Zuôr chor zav nox tsênhv nhôngk pâuz tsênhz qơư, uô chor zav nox cov siêr jông (jêx tưv kik tiv zix 70 tưv). Tsik chiê chor zav nox trâu đrâuv tuv tsês chiê ntêr đuô 2 six hơưv, nzuôr têk cov hur txix xaz phongx thiêz tsês chiê jông zav nox cov tsik trâus tưx.

          Đrav kaz no zos têx tsưr ziv tsênhv tsênhz thiêz zôngx ziv chiê phax tar trâus tưx zav nox hâur chêix ntux sor:

           1. Xêir tsov thiêz tsês chiê zav nox

        Xêir zuôr chor zav nox yiêz jông, pâuz tsênhz qơư ntơưv chor qơư muôx côngz bê. Tsik zuôr chor zav nox ntiv hâur têik tưz su, pluôr lok sik tsư tsik jông.

        Tsês chiê: Tsês chor zav nox sênhv trâu hâur tuv txiêk đhâu ciês nox tas. Tsik chiê têx zav nox trâu saz đrâuv tuv tsês chiê ntêr đuô 2 six hơưv.

         Qơư tsês têx zav nox: Tsik tsês ntâu zav nox trâu hâur tuv txiêk cov chor zav nox txiêk siz huv, jêx tưv tuv txiêk kik đuô 4 tưv thiêz tuv uô đêx yênhx poz jêz kik đuô 18 tưv.

          2. Uô thiêz nox hâuk ngaz tuk

         Nzuôr têk thiêz vêv xênhz: Nzuôr têk cov hur txix xaz phongx thâuv uô ntêx thiêz đhâu xưv lik têx zav nox, cux li uô ntêx zuôr nox hâuk. Nzuôr cov hur si têx triêv, los chav, thiêz kror chuz.

         Tsik nox têx zav nox tsênhv nhôngk: Tsik nox têx zav nox li njêl kâuz, nem kâuz, lok sik nyar chiêx zuôr uô chor caz moz huôv xênhz lok six hênhr hâur chêix ntux sor.

       Tsik chiê caz moz siz cik: Zôngv têx triêv, los chav sik txơưr chiê cxôngr têx zav nox nhôngk (grêix, njêl) thiêz zav nox tâu uô siêr (jâuz, grêix tưz uô siêr). Tsik tsês chor zav nox nhôngk thiêz siêr uô cê trâu hâur tuv.

          Uô siêr thiêz râuz cov sor: Uô cov siêr jông chor grêix, njêl, tsiêx đêx. Thâuv tror nox chor zav nox kuz, tsuv râuz cov bâu muôx oz pêz phênhv uô ntêx zuôr nox.

          3. Xưv lik thâuv trâus tưx

          Thâuv muôx yưv têx kror li xênhr siêz xar ntuôr, moz plaz, thox plaz lok sik cuz, tsuv:

         Tso tsês tsik sir zôngv têx zav nox xav tiêk muôx tưx.

        Cxaz nzir đêx: Hâuk ciês cuô đêx Oresol lok sik hâuk ntâu đêx hur chiê paz trâu luz chêr tsik trâus pôngz plox đêx.

          Muk njuôk shuôk: Muk ciês trâu têx qơư y têr jê tiv zix chiê njuôk shuôk, chơưv kho zos pov trâus moz hnhar, ntuôr tsik so, lok sik uô cuz siêz./.

Hồng Việt-Lik Thox cxêik nhênhv