Tsư ha lơưk têx nduôr nox kaz nhoz ciêz San Thàng

Tuôx ntâu jiês trâu ciêz San Thàng, niêv lâul Chẻo Mí Lai, nhoz xã Sìn Hồ, tỉnh Lai Châu thâuv tưs tưz jông siêz, shir phaz lus thâuv hnor thiêz seiz pov chor pos, têx lênhx niêv lâul uô cxuô zav nduôr nox, hu zâuv kruô zuôr têx nduôr blêx blâuv, poz cưk.... nox siv. Lar heik zos tâu nox tâu têx ntiv cuz thaz tsư kaz, sor so chênhr nênhs Giáy tsiv uô.

“Cur tuôx no pov muôx ntâu zav nduôr nox cơưk. Nhiv no cur zuôr ntâu zav nduôr, taz sik tsi pâuz shor bê hu li chas, cur zuôr lok nox siv”.

 Txix ciês tas cik sơưr nzor, ciêz San Thàng tưz lov jêv ntưk. Txix têx qơư zuôr muôs hax huv kôngz nuv, zav nox zos chor pox niêv vir ndâuk heir nênhs Giáy  tsiv uô mak muôx muôs pur ntiê hâur ciêz. Têx luz nduôr nox tâu muôz cxur blâuv tsiv uô tsi tiêk hu zâuv tsôngv kruô moz siêz txos, zuôr nox siv, tsênhv heik lol pêx xênhv San Thàng luz nênhx, iz luôs hâux lưv uô thâuv nzor tâu por hưv, tuôr tsês tsi chiê pôngz plox đhâu ntâu tiêv. Niêv lâul Hoàng Thị Linh uô têx nduôr poz cưk muôs ntơưv iz câuv ciêz heik kriê li no:

“Zav nduôr poz cưk no zos cur muk zuôr poz cưk lok uô xưz, zuôr lok txos mak muôz đhak, đhak tâu chox muk jov, jov tâu lok li muôz đo shơư suz thax  thiêz krưr blôngx chuz. Zav nduôr no tâu chor lâul iz txưv kriê uô nox đhâu ntâu tiêv lok tax txos nhiv no. Cur chuôz zis luz nênhx khov lok sâuv uô liêx têz thiêz uô têx nduôr nox co muôs. Iz chas muôs hâur ciêz, cur cux muôs đhâu sâuv fabook hur si”.

Nhoz jâuv ntơưv qơư uô nduôr nox, pos Đèo Thị Nghiệp heik, chuôz zis tưz uô zav nduôr nox co tâu ntâu shông lok no ntơưv ciêz San Thàng. Iz jiês uô ciêz, cux sâu tâu txix 400-500 cxênhz đeiv.

Chiê uô tâu iz luz nduôr li no nox, tsuv uô ntâu zav txix: Muôz cxur blâuv tsâu đhâu hmo, bo si đêx, đo shơư cuô trox thiêz muôz chox lok chuz hâur tsu. Thâuv chuz chor mor siêr mak zuôr muôz fmâu chox muk lav, jiêz, tuôr xưk li chor cxur blêx mok thiêz tror gra muk jiêz cov kruôr gis. Txix chor cxur uô tâu yênhx li heik sâuv txos trâu muôz ciz cov su mak zuôr tâu hâu tax muôs cov siz lo, siz blâuv. Thâuv tưs uô tâu li co tas, mav muôz chor cxur ciz ntơư đo shơư suz thax chox muk jov uô nduôr. Pos Nghiệp heik pâuz nzir:

“Xar uô tâu iz cho nduôr li nox cux tsuv tas 2 hnuz. Iz jiês uô nduôr blêx nox, cur uô tas 5-6 cir cxur. Muôx kênh ciêz mak muôs pôngz ntâu, têx ciêz cux muôs tsi yuô tâu. Thâuv ntêx pêz tsuôk uô chor nduôr đơưz xưz, nhiv no uô nzir hur si têx nduôr blêx nyar viv chôngz lênhx nênhs nhiêv nox txos”.

Đros thiêz ntâu lênhx nênhs, tuôx trâu ciêz San Thàng tsi tiêk zuôr muôs hax huv, tsênhv zos nox siv têx zav nox kaz thâuv nzor, pâuz nzir txos tsôngv pêx xênhv tox siêz luz nênhx xênhz huôx, têx txux chi. Iz luz nduôr blêx, poz cưk zos heik lol têx cêr uô nox, nhiêv têz qơưk, tuôr tsês têx txux chi cêr nênhx phôngz cxưx, vênhx huôv jông thâuv nzor tsi chiê pôngz plox.     

    Hâur ntu têz qơưk ziv hnuz ziv hlôngr yiêz, huôv tsar, têx lênhx pox niêv vir ndâuk heir nênhs Giáy nhoz San Thàng cux tsênhv sir jos tuôr tsês têx txux chi, cêr huôv tsar uô nox jông ntơưv qơư trơưk li chor lâul iz txưv chox nox chox uô kriê tsês trâu cxênhx hluôk iz cxênhx đhâu iz cxênhx, iz tiêv đhâu iz tiêv. Thiêz têx zav nduôr blêx, poz cưk nox kaz co cux tsênhv tâu siz kriê uô, hu zâuv chôngz lênhx ntâu tus pêx xênhv thiêz tsôngv kruô zuôr nox siv thâuv txos têx hnuz ciêz, yênhx iz kro jông nhoz thax tsav Lai Châu, paz muôx nzir ntâu zav txux chi vênhx huôv, hu zâuv sơưr đơưk tuôx car ciêz trâu San Thàng./.

Thanh Thủy-Riê Lâux cxeik, nhênhv

Tsuv khơưk kho têx phiv liv chiê huôv tsar qơư ndis uô si jôngr ntông txuôk đros đêx sor nhoz xã Hạnh Phúc-Laox Cai

            Đêx sor ntơưv xã Hạnh Phúc, tỉnh Lào Cai tưz muôx đhâu ntâu tiêv ntưk lok trâu têx ar têz, têx qơư tiêx. Co zos tsênhv qơư muôx liv zôngx ziv cxiv uô qơư ndis uô si, sêiz shuôk têz qơưs, paz phênhv hlôngr yiêz thax tsav qơư nhoz, txix shông 2020, đhâu kriz cxiv uô qơư ndis uô si chuôz zis, zơưv Vũ Mạnh Cường, giám đốc HTX ndis uô si Cường Hải tưz muôz pênhr nhiêx cxiv uô qơư ndis uô si đar 1,2ha. Taz sik, tuôr thênhv txos ntâuz ntơưr hâur ntu cxiv uô:

          Qơư ndis uô si no, tsuv muôx qơư đa đêx sor, viv muôx đêx sor cxơưr tưx ntưk lok trâu hâur pak đêx, tsik tas khơưz yâu hâur ar. Lok sâuv muôs hax huv, pêz tsuôk zos muôs zav nox, sâu mê njik nhiêx nox nhoz, so muk lok ndis uô si. Pêz tok njôngr hâu nov ntơưv qơư muôz ntauz ntơưr chiê pêz thêv sê cov zos đrêiv chêi têz qơưs

       Pos Đào Thị Thùy, zos iz lênhx cxiv uô tsêr tok kruô Na Thẩm nhoz xã Hạnh Phúc cux phêiz kênh tiêk, thax tsav qơư no hâur ntu đrav ntêx tsuôk zos tox trôngz đo, đêx tsik txâuk chos blêx liêx, chos tsoz chos yuôx zêx cux hloz tsik tâuk. Cxuô zav li njuôs shôngz, kok ntông…tsôngv px uô tâu cux tsik muôx lênhx tưs zuôr. Txix zơưv Vũ Mạnh Cường qơư ndis uô si thiêx muôx ntâu chuôz zis tuôx trâu thax tsav qơư no cxiv uô qơư tok kruô ndis shuôk têz qơưs:

        Cux muôx ntâu ban ngành hâur xã Hạnh Phúc đros iz cxiê tỉnh hâur thax tsav tuôx nus txos. Nhiv no cur thiêz px tok njôngr hâu nov xã đros đơưk kho têx phiv liv lok ntâuz ntơưr sir zôngv ar, zôngv đêx sor.

            Trơưk li zơưv Đồng Văn Bảo, sêiz car qơư ndis uô si An La vi ta Trạm Tấu, qơư no muôx 27 qar, txâuk tok 100 lênhx kruô tuôx nhoz so, ndis uô si. Qơưco muôx pak đêx sor, qơư trâu nhuôv zâu ndis uô si, yar tiêx ntâuk ntir pic kleball, qơư juôx chêr. Grê nhiêx 1,5 triệu txos 4,8 triệu iz hmo; taz sik qơư no cux tsênhv cxiv uô tsik tâu tiêr, viv thax tsav qơư no zos ar têz tsêz chos kôngz, tuôr thênhv txos ntâuz ntơưr. Nhiv no tsôngv px sđ tsênhv tok hâu nov xã đơưk kho têx phiv liv lok ntâuz ntơưr:

               Nhiv no, cur tsênhv njiz trâus têx phiv liv lok ntâuz ntơưr ar thiêz nhiv no cur tsênhv đros hâu nov xã đơưk kho têx phiv liv hêik sâu.

          Lar hêik zos, tsuv muôx ntâuz ntơưr sir zôngv hâur đêx sor cxiv uô cxuô qơư đa đêx, nzuôr chêr chiê tok tsôngv kruô ndis shuôk têz qơưs.

       Trơưk li zơưv Trương Mạnh Cường, Phưv Chủ tịch UB xã Hạnh Phúc, txix têx phiv liv co, pêz tsik tâu vax huôv tu thiêz pêz tưz hêik trâu ủy ban tỉnh chiê yax kriê cxuô ban ngênhx nzor qênhz yuôx, đros đơưk kho têx phiv liv, cxơưz cxiz tsôngv px cxiv uô cxuô qơư ndis uô si, sêiz shuôk têz qơưs:

        Hêik trâu hâu nov thênhv siêz, tiv iz zos chox car cxuô sở, ngênhx nzor qênhz yuôx cov tsênhz mênhx têx ar têz, qơư muôx đêx sor chiê yax kriê uô ntâuz ntơưr sir zôngv ar, tsưx phưv hâur đêx sor cov tâu truôx jông.

        Nzor uô cov tsênhz mênhx cov huv đros cui tênhv, khơưk kho têx phiv liv, paz max trâu doanh  nghiệp thiêz px cxiv uô qơư ndis uô si, sêiz shuôk têz qơưs chiê xã tox siêz xã Hạnh Phúc yênhx qơư huôv tsar truôx lok kinh tế huv đros thax tsav qơư nhoz./.

                  Tsu cxêik nhênhv-Đinh Tuấn, CQTT Tây Bắc