Huôv tsar truôx têx txux chi vênhx huôv jông ntơưv qơư chiê cxiv uô cxuô qơư, ndis uô, si sêiz shuôk têz qơưs ntơưv Kbang, Gia Lai

Têx hnuz hâur kaz shôngk shông, tsôngv box Bahnar nhoz jok Mơ Hra, xã Kông Lơng Khơng, huyện Kbang, tỉnh Gia Lai shir phaz lus tok tsôngv kruô nhoz Hà Nội tuôx. Kruô jông siêz, shir phaz tâu nox têx mor trax, grêix keiz cxiêz thiêz hâuk chơưr zos tsôngv box chuz uô tâu đros trâu têx suôz đruôl tôngx, nxêz tôngx đror shơư suôz luôs, sik thav pêv, heik luk lov jêv ntưk. Niêv lâul Lê Thị Phương, nhoz Hà Nội tuôx heik pâuz: “No zos jiês xuz thơưx cur tuôx Gia Lai, cux zos jiês xuz thơưx cur tâu buôk ti seiz pov đruôl tôngx nxêz tôngx Tây Nguyên. Thiêz lar heik zos muôx chor tuz nxeik nhuôs zâu nthuôr uô lov jêv lok six jông cơưk, seiz njiê tsi đhuôr li”.

Đros trâu jok Mơ Hra, xã Kông Lơng Khơng, huyện Kabang, tỉnh Gia Lai tưz cxiv tsa têx jok ju lix côngv thôngx nênhs Bahnar, muôx: Kdang (xã Kông Lơng Khơng), Stơr (xã Tơ Tung), Kon Bông (xã Đak Rong) thiêz Chiêng (thị trấn Kbang). Lâul jok Đinh Mưnh nhoz jok Mơ Hra, xã Kông Lơng Khơng heik pâuz: “Pêz bax uô qơư txeik tok kruô tuôx nhoz, so zos tsêr tsar lơưx chiê tuôx nhoz pư, chuôz zis zuôr uô jâuz mor nox trơưk li zuk heir nênhs phôngz cxưx, co zos muôz têx cxur blêx têz lok uô nox, cxov njêl lok cxiêz, chuz chơưr trâu kruô hâuk, heik cưr cxiêx, nthuôr uô lov jêv trâu kruô seiz. Lơưr lok six nhiêv cơưk. Zos kruô tuôx txos mak xar pư luz tsêr tưs cux tâu hur si. Cur zos lâul jok, cur muôx txơưx jênhv đros sơưr đơưk tsuv sir jos huôv tsar uô cxuô zav phưx vưv tsôngv kruô”.

Niêv lâul Trần Thị Bích Ngọc-uô hâux lưv hâur Ủy ban xã Kông Lơng Khơng, huyện Kbang heik pâuz,  luôs hâux lưv por hưv tsês têx txux chi vênhx huôv thâuv nzor tâu moz siêz uô jông chiê paz tsôngv box huôv tsar ju lix truôx: “Đhâu luôs hâux lưv uô ju lix côngv thôngx mak têx di sản, txux chi cêr nênhx phôngz cxưx, vênhx huôv cux tâu tsôngv box cxiv uô đuô,por hưv tsês li: Đruôl tôngx nxêz tôngx, hiêz tơưz, liêz lêr, uô pax ntâuz, xơưs tsôngk yo hnar. Tsôngv box sir jos cê por hưv, tuôr tsês têx txux chi vênhx huôv jông tsi chiê  pôngz plox, thiêz cux cê huôv tsar ju lix chiê hu zâuv chôngz lênhx ntâu tus kruô tuôx ndis seiz têz qơưk uô si. Đhâu ntơư zuôr paz muôx nzir phênhv sâu tâu trâu tsôngv box sơưr đơưk hâur jok”.

Tsi tiêk chor jok ju lix, nhoz têx xã muôx ntâu tsôngv box heir nênhs tsơưs uô nênhx nhoz, luôs hâux lưv por hưv tsês têx txux chi vênhx huôv chiê phưx vưv huôv tsar ju lix cux tsênhv tâu fuô uô. Zơưv Trần Xuân Nam, Chủ tịch Ủy ban Lơ Ku, huyện Kbang heik pâuz:“Têx jêx jok muôx tsưr ziv bax, por hưv tsês nênhs Bahnar têx txux chi vênhx huôv tsi chiê pôngz plox. Iz chas ntơư, pêz nthuôr uô nzir tsôngv box faz Bắc li: Heir nênhs Hmôngz, nênhs Tày iz cxiê txux chi vênhx huôv thiêz, chiê muôx ntâu zav đuô phưx vưv tsôngv kruô, tsôngv pêx xênhv sơưr đơưk. Lar heik zos hâur têx hnuz tsiêz, xã tsưr tsix uô si lov jêv ntơư, chiê hu zâuv cưr tix nênhx tsa, tsôngv lax pêx xênhv cxuô jêx jokBahnar tuôx đros côngv cêr lov jêv ntâuk đruôl tôngx nxêz tôngx. Chênhr viv li, iz cxiê jok hâur thax tsav tưz muôx tsưr ziv por hưv, tuôr tsês têx txux chi vênhx huôv tsi chiê pôngz plox”./.

VOVTN-Riê Lâux cxeik, nhênhv

Pak đêx Quỳnh Nhai-zos qơư ndis uô si, sêiz shuôk têz qơưs nhoz thax tsav faz Bắc

“Niêv pak đêx Quỳnh Nhai” zos pak đêx tênhv tênhz Sơn La thiêz zos qơư tâu Tỉnh ủy Sơn La xêir tsov uô qơư nto côngz bê huv đros pak đêx tênhv tênhz lox pir li hur si pêz têz qơưs. Pak đêx tênhv tênhz co muôx đêx pur tas nro hâur suôv qơư niêv đêx đas li huyện Quỳnh Nhai, Mường La, Thuận Châu tỉnh Sơn La. Hâur ntơư “pak đêx” nhoz đruôz đraz niêv đêx đas huyện Quỳnh Nhai, xav qơư sâuv blêiv đêx đar muôx 10.500 ha, ntêr 70 cêik. Qơư pak đêx no, muôx đêx pur ndis cxuô luz por trôngz lox zâu, muôx jôngr ntông sâuv têx hâur trôngz. Zos tsôngv kruô muk txos trâu qơư ndis uô si Quỳnh Nhai, tsuv muk txos tus qox Pá Uôn hla đhâu niêv đêx đas, zos tus qox siêz tiv iz pêz têz qơưs Việt Nam. Tus qox co nhoz sâuv txox cêr 279,  ntêr 1.400 thiêr, siêz 103,8 thiêr, đar 9 thiêr, muôx 11 tus ndêx xi măng cxênhv truôx khor, tus qox co txâuk 2 hax yêz zôngx ziv muk lok đhâu

Txix tus qox Pá Uôn, đhâu 40 phênhz chêix yêz gox đêx, tsôngv kruô thiêx muk txos trâu luz por trôngz jông jav nhoz thax tsav jos Hát Lếch, xã Chiềng Ơn, muk sêiz shuôk pak đêx Uy Phong – qơư ndis uô si HTX Quỳnh Nhai. Co zos iz qơư pak đêx muôx cxuô trôngz jông jav lox zâu huv đros tsôngv kruô siêz nhiêv thiêz tsêr muôs cxuô zav hax huv, muôx qơư ntâuk bôngr têk sâuv đêx, qơư tu zus njêk….Zơưv Là Văn Phong, thơưx sêiz car HTX Quỳnh Nhai shir phaz lul hêik pâuz tiêk, qơư pak đêx co tâu HTX cxiv tsa hli 2 shông 2017. Hâur ntu nhiv kruôr cxiv uô tâu, tsuôk zos tsar gox chox kruô muk lok sêiz shuôk niêv đêx đas; đhâu iz ntu tov kaz, tâu huyện muôz pênhr nhiêx paz, HTX thiêx cxiv uô, kriz đar qơư ndis uô si, muôx 3 luz yêz gox đêx oz yôngx, thâux xa kruô muk lok ndis uô si hâur thax tsav li: Mường La - Quỳnh Nhai; Quỳnh Nhai - Mường Lay (Điện Biên); pos Nguyễn Thục Anh – iz lênhx kruô nhoz tỉnh Thanh Hoá tuôx ndis uô si shir phaz lul hêik pâuz:”Zos jiês xuz thơưx tuôx trâu Quỳnh Nhai, cur sêiz pov thax tsav qơư no muôx chuô lax nziês đros trâu cxuô qơư jông jav huv đros tsôngv kruô siêz nhiêv”

Đros trâu luôs hâux lưv kriz đar cxuô qơư ndis uô si, sêiz shuôk têz qơưs sâuv niêv pak đêx tu zus shuôz njêk, huyện Quỳnh Nhai tưz cxơưz cxiz cxuô tsưr tsix muôz pênhr nhiêx tuôx cxiv uô cxuô qơư ndis uô si sâuv niêv pak đêx chiê tsôngv kruô tuôx sêiz shuôk. Xav txos trâu nhiv no, tưz muôx iz cxiê Công ty muôz pênhr nhiêx cxiv uô cxuô qơư ndis uô si. Zơưv Lò Thanh Thuỷ, Phưv Chủ tịch UB huyện Quỳnh Nhai hêik pâuz: “Hâu nov huyện Quỳnh Nhai tsênhv zuôr chêx chôngk cxiv uô cxuô qơư ndis uô si hâur niêv pak đêx tênhv tênhz Sơn La, txuôk đros têx muôx ntơưv qơư. Iz chas co, huyện cux tsênhv chêx chôngk cxiv uô cxuô qơư ndis uô si côngv thôngx trâu cxuô xã li Mường Chiên muôx đêx sor zôngx ziv tsês trâu tsôngv kruô tuôx sêiz shuôk, ndis uô si”.

Phưv Chủ tịch huyện Quỳnh Nhai Lò Thanh Thuỷ cux hêik pâuz tiêk, hâur ntu jông yax zos muk sêiz shuôk, ndis uô si trâu niêv pak đêx Quỳnh Nhai txix hli 9 txos hli 4 shông tov kaz, viv ntu ntơư zos ntu pak đêx pur, zos tsôngv kruô muk ndis uô si trâu luz chêix co, tâu sêiz pov cxuô zav jông jav huv đros tsôngv kruô siêz nhiêv. Thiêz co cux zos ntu kriz uô ntâu ntênhk hội vênhx huôv trâu tsênhv qơư. Ntơư zos hêir nênhs poz ziz đơưz ntênhk hội nzuôr plâuz hâu, ntênhk hội tưr tsar fuôx gox đêx cxôngx nzor, ntênhk hội ndo txiêx njis niêv thiêz txir côngz bê tu lox hloz tiêr nênhx. Chênhr zos li hêik ntơư, thâuv tsôngv kruô tuôx sêiz shuôk txos thax tsav qơư co, cux huv đros tsôngv kruô nhiêv thiêz nhoz trơưr tsôngv kruô siêz tsik plox./.

                 Tsu cxêik nhênhv-Thu Thùy-Trấn Long, CQTT Tây Bắc