Tsoz chos paz txu grês cêr pluôk trâu tox siêz Lai Châu

“Pov pox nhuôk hâur jos, hâur xã chos ntâu viv li cur chuôz zis cux truox siêz txeik pênhr zuôr nôngz zuz, qir zuôv lok tsêz chos”.

          “Pêz tưz yax mông, vênhv tôngv tsôngv box hâur jos hlôngr yiêz mênhv chêx liêx têz chos sâu tsi tâu siêz chiê hlôngr chos tsoz chos txơưr, tiv zix zos txir lưk hmaz”.

          Co zos tix lâuk Cháo Xênhv Zax thiêz Bí thư Chi bộ Sử Xênhv Chảo, nhoz jos Nậm Dê, xã Sơn Bình, huyện Tam Đường, tỉnh Lai Châu li pheiz kênh lok zav tsoz chos yiêz no nhoz hâur jos.

          Txơưv nhiv kruôr tâu chox lok chos tâu 2,3 shông, taz sik txos nhiv no, tsoz txir lưk hmaz tưz jux jus khav tênhv tâu qơư sơưr hâur hlôngr yiêz tsoz chos trâu pox nhuôk hâur jos, xã. Zos tsoz chos zôngx ziv chos, huv đros qiv hơưv, ar têz nhoz tox siêz thiêz six hơưv sâu truz ntêr, tsoz txir lưk hmaz tsi taz paz chuôz ndê yar lengx, chêx cuk kinh têr mak tsênhv txu grês hâux lưv khov txos têx tsoz chos chax chês muox tsiv grê kis nhoz tiv phaz.

          Niêv lâuk Tăng Thị Hạnh chuôz zis zos 1 hâur 5 ziv chuôz zis cxaz chuôz chos txir lưk hmaz lơưr trâur nuv sik côngv xuz thơưx hâur jos Tuêv 4, xã Hồ Thầu, huyện Tam Đường. Đros 3 cxênhz yiv ndis txir lưk hmaz chos txix shông 2019, đhâu 2 shông sâu txir, iz shông niêv lâuk chuôz zis muôx phênhv sâu zos 100 tsov đeiv. Jênhv pov muôx chêx cuk txix tsoz chos yiêz no, txos nhiv no niêv lâuk chuôz zis tưz hlôngr tas nro mênhv chêx ar têz nxaz thiêz liêx têz ar tsuôk chiê chos txir lưk hmaz.

          Niêv lâuk Hạnh pheiz kênh, chos 1 jiês, zôngx ziv tsoz phưz thiêz sâu đê tâu ntêr zos lik zơưx niêv lâuk ntiêr pox nhuôk li ar têz tsuôs hâur jos chiê hlôngr chos txir lưk hmaz. Txix chuôz zis li mênhv chêx qir thơưx tsuôk muôx 2-3 cxênhz yiv ndis, txos nhiv no chuôz zis tưz muox 40 hecta ntâu txir lưk hmaz thiêz HTX tâu yênhx lix tưz paz pox nhuôk nôngx mênhx sik côngv tsiv uô truôx vênhs đuô:

“Shông no, ntu nhiv kruôr đhâu cur chos cxaz tâu 1hecta ntâu thiêz nhiv no chuôz zis tưz đăng cir chos tâu zuôr xar 13 hecta. Tsênhv tsênhz cur pov tsoz txir lưk hmaz no zos uô txax 1 jiês taz sik sâu đê tâu ntâu shông. Thâuv huôv târ thiêz sâu đê mak txix hli 4 txos hli 6 thiêz hli 12. Viv li tsoz txir lưk hmaz no pêz sâu đê yênhx shông”.

          Tsoz txir lưk hmaz zuôr tso lok phênhv sâu tsi so hâur 3-4 shông, đros yar lengx fênhx pheiz tax txix 30-40 tênhr iz hecta/iz shông. Khov uô muôx chêx cuk txix sik côngv, sâu zuôr xiv huv tưz tâu công ty taz por sâu zuôr tas hur si trâu pox nhuôk thiêz tsoz txir lưk hmaz zos tsoz chos tsênhv gôngr phênhv lok hâur tiv phaz li yênhx tix.

          Zơưv Nguyễn Văn Hùng, Phưv giám đốc Công ty Cổ phần Txir lưk hmaz Lai Châu puz pâuz: “Pêz uô cxix cxuô têx njiêz luv sik côngv đros têx tuêv sik hux jos hâur ntu uô. Txix hâux lưv paz nôngz zuz, qir zuôv, yuôx por vêv đrox tsuôs thiêz paz tsưr ziv tsoz phưz thiêz sâu zuôr xiv huv trâu pox nhuôk thâuv pox nhuôk sâu đê. Txix hâur shôngk shông 2024 txos nhiv no niêv ciêz txir lưk hmaz muôs tâu grê hâur têx shôngk jê ntơưv no. Ntu  no pêz cux sâu zuôr txir lưk hmaz đros grê muos siêz đuô grê cam kết hâur hôx thôngx sik côngv”.

          Uô HĐ tỉnh Lai Châu li Nghị quyết 07 thiêz HĐ huyện li Nghị quyết 13, shông 2019 huyện Tam Đường krêz uô hâux lưv chos siv txir lưk hmaz. Txix mênhv chêx qir thơưx 5 hecta, txos nhiv no ntơưv tiv phaz tưz huôv tsar chos tâu 400 hecta, chêx chôngk nhoz têx xã Hồ Thầu, Thèn Sin, Sơn Bình thiêz thị trấn Tam Đường. Lơưr chiz coaz chuyên môn li ntâuk grê, txir lưk hmaz huv đros qiv hơưv, ar têz ntơưv têx tiv phaz thâuv hloz lox, huôv tsar jông, txi txir lox, txir jông gâux…

          Zơưv Hoàng Đình Quân, Giám đốc Tsênhv qơư jix vuv kôngz nuv huyện Tam Đường puz pâuz, txơưv nhiv kruôr chox lok chos taz sik tsoz txir lưk hmaz tso pov chêx cuk jông lok huôv tsar kinh têr thiêz tso lok phênhv sâu truôx tul. Lơưr huyện Tam Đường li số laov qênhz yuôx ziv chuôz zis pluôk, kaz shôngk shông 2021 tiv phaz muôx muôx nhos 32% ziv chuôz zis pluôk, taz sik txos nhiv no tưz txu grês yuôr 12%: “Nhiv no grê txir lưk hmaz sâuv thax tsav truôx tul thiêz mênhv chêx krêz chos yiêz yênhx shông puôr lênhx chuôz ndê, pox nhuôk đăng cir chos lok six ntâu. Thiêz txos nhiv no txir lưk hmaz tưz chox lok chêx cuk jông, gôngr phênhv chuôz cxaz phênhv sâu trâu pox nhuôk thiêz txu grês cêr pluôk sâuv thax tsav huyện”.

          Tsi taz zos tsoz chos paz txu yeiz cxuôv pluôk, txir lưk hmaz tưz thiêz tsênhv yênhx tsoz chos paz tsôngv box uô bluô nux truôx vênhs. Đros hâux lưv sik côngv uô muôx chêx cuk, txir lưk hmaz tưz gôngr phênhv coaz tsôngv hâur hâux lưv muôz siêz chêx cuk hâur tsiv uô kôngz nuv lơưr saz hax huv chêx chôngk, chox lok kinh têr siêz, txix co paz tsôngv box muôx jênhv sâu thiêz jux jus hlôngr yiêz tsôngv box têx mênhx cxưx nhoz tox siêz li cêr cor cav uô kôngz. Zos tâu krêz uô đêz đar muôx chêx cuk, txir lưk hmaz zuôr yênhx iz hâur têx tsoz chos coaz tsôngv paz huôv tsar KTXH trâu têx jêx jos nhoz tox siêz, gôngr phênhv lok hâux lưv cxuôv yeiz thiv pluôk truôx vênhs nhoz Lai Châu./.

Khắc Kiên-Txâur Vax cxeik nhênhv