Uô nox thâuv sâu kôngz lôngk tas: Tsôngv box tox siêz muôx nzir phênhv sâu paz trâu luz nênhx

Tsik tsuv tir yar tir nas, tsuôk zos sir jos thiêz uô jông uô, xav iz hnuz, niêv tix Miv Xênhv Hav, nhoz jok Tả Lù, xar Tả Ngài Chồ, huyện Mường Khương, tỉnh Lào Cai cux zuôr nriêr tâu 100 cxênhz txos 200 cxênhz đêiv txix xơưk tsôngk tiêz tsôngk yo. Phênhv sâu no tsik siêz luôx tưs, taz sik hnuz tưs cux sâu tâu, têx hâux lưv ho tâu uô ntâu trâu zar kaz shông, zos six hơưv pox nhuôs nhoz khôngz: “Muôx nzir phênhv sâu txix xơưk tsuôk yo, iz ntu thiêz mak zuôr muôx tâu nhiêx chiê zuôr qir lok chos blêx, chor poz cưk”.

Cux uô hâux lưv xơưk tsôngv box Hmôngz chor tsôngk tiêz tsôngk yo txix ntâu shông no, jê no, niêv tix Chuv Xênhv Hav, jok Máo Chóa Sủ, xar Tả Ngài Chồ, huyện Mường Khương tưz zuôr nzir mêir, chuôz zênhx chiê kriz đar qơư uô thâuv niêv tix tuk txir zos tix lâus Xảo Xênhv Zax cuêz tênhv tsik muk uô nox đêz lơưv mak lok nhoz tsêr chiê đros niêv tix uô têx hâux lưv no. Xav iz hli, niêv tix oz niêv txir sâu tâu muôx 15 triệu đêiv txix hâux lưv xơưk tsôngk tiêz tsôngk yo no: “Cur muk uô nox đêz mak cux tsik tso siêz viv li cur tưz hlôngr chiê uô hâux lưv xơưk tsôngv box Hmôngz têx tsôngk yo. Luz nênhx tsik yuô njiz txov nhêv, phiv liv, cux tâu nhiêx côngz yênhx hnuz, ho txoz cxơưx tâu trâu têx tuz nhuôs thiêz”.

Txix oz pêz ziv chuôz zis xuz thơưx, txos nhiv no, xar Tả Ngài Chồ, huyện Mường Khương, tỉnh Lào Cai tưz muôx 60 ntâu ziv chuôz zis uô hâux lưv xơưk tsôngv box Hmôngz têx tsôngk tiêz tsôngk yo cxôngx nzor. Nênhs zuôr nhiv no muôx lok six chôngz, paz trâu pox nhuôs muôx tâu hâux lưv uô tsik so hâur ntu nhoz khôngz. Hlôngr trâu chox chor tsôngk yo no chox muk muôs ntơưv têx ciêz xưk li thâuv ntêx, pox nhuôs tsênhv jênhv uô têx tsôngk yo txix têx qơưk txơưr xa tuôx li Sơn La, Lai châu…

Zơưv Phuv Xênhv Zax, Bí thư Đảng ủy xar Tả Ngài Chồ, huyện Mường Khương puz pâuz: “Pêz tror yax kriê, hêik paz trâu pêx xênhv phuôx huiz iz cxiê hâux lưv uô cxôngx nzor sâuv thax tsav chiê paz hlôngr yiêz jux juk pox nhuôs li siêz xar, tsik zos tsêx trung trâu uô chor blêx thiêz poz cưk xưz”.

Chiê txo grêk tâu yêiz pluôs truôx đrênhk, vênhv thix zov chênhr tiv zix cux zos paz muôx hâux lưv uô trâu nênhs lox tôngv chiê lơưr muôx tâu phênhv sâu truôx, lơưr tsênhv tsênhz thiêz têx kror zênhx muôx ntơưv thax tsav qơư. No cux zos tsưr ziv paz đơưk kho tâu hâux lưv txo grêk yêiz pluôs nhoz thax tsav pluôs txov nhêv li Tả Ngài Chồ, huyện Mường Khương, tỉnh Lào Cai. Paz muôx nzir tsưr ziv uô nox thâuv nhoz khôngz zos kror paz trâu pox nhuôs hlôngr yiêz đuô luz nênhx, sir jos cov tơưv đhâu yêiz pluôs./.

Thanh Thủy-Lik Thox cxêik nhênhv

Shôngx A Nủ sir jos huôv tsar uô bluô nux

Nuv xênhv Shôngx zos lênhx hluôk nênhs muôx tsưr zv xar tơưv jông, gruôs uô hâux lưv, thâuv tưs cux sir jos hâur cxuô luôk hâux lưv uô txơưv zos hâux lưv mê tiv zix. Txix tu zus, muôv muôs mê, đros iz lênhx hluôk nênhs li siêz sir jos, Nuv xênhv Shôngx tưz truôx siêz hlôngr yiêz tsoz chos, tsiêx tu zus, yưv pênhr cxiv tsa guôx, cơ sở cxuô zav, uô lơưr khoa học kỹ thuật yiêz. Qir thơưx tix lâuk uô tiêr cxix luôk guôx cơư chêx chôngk chiê tu zus buô, keiz, nhux tưv nhux đas đros cxix luôk biogas chiê por vêv tênhx qơư thiêz ndar txos hâux lưv phax tar qênhx shênhx ntor luôx jôngr.

Hli 5/2023, Nuv xênhv Shôngx truôx siêz yênhx lix HTX tu zus xã Lao Chải zos Nủ uô Giám đốc đros tas nro pênhr yưv yênhx lix zos 700 tsov đeiv. HTX nhiv no muôx 32 tul tưv, nhux đas tsiv grê 800 tsov đeiv; thax tsav tu zus đar 90 yiv ndis, đros co zos muôx 70 tul buô hâur co muôx 10 tul niêv buô thiêz 60 tul buô zuôr greix, njuôs xav tsiv grê 237 tsov đeiv.

Viv tox siêz Mù Cang Chải heik cxuô thiêz xã Lao Chải heik taz tsi tâu muôx qơư muôv muôs yuôx thú y lox, tsôngv box tiv phaz muk lok njiz ntâu phêv liv, yênhx tưv lok tu zus tsênhv tsơưs, viv li hli 10/2023, tix lâus Nuv tror krêz 1 qơư muôv muôs yuôx thú y, yuôx cxax chiê phax tar moz ơưk trâu tsiêx cxu.

Khov muôx tsưr ziv uô huv đros, qơư muôv muôs li tas nro phênhv sâu hâur 5 luz hlik huôx tôngv tax 30 tsov đeiv. Thiêz cux đhâu iz luz hli krêz muôs hax huv, Shôngx A Nủ tưz sik côngv tsưr tsix iz lớp pheiz kênh, yax mông tsưr ziv phax tar thiêz kho moz trâu tsiêx cxu, keiz ok, muôz siêz tsưr ziv tu zus trâu tsôngv box ntơưv 2 xã Lao Chải thiêz Mồ Dề, tâu tsôngv box lok six jông siêz sir jos cxaz chuôz.

          Nuv xênhv Shôngx pheiz kênh: “Tsi tâu car xar txos hâux lưv uô bluô nux, taz sik chiê hla đhâu cêr pluôk truôx vênhs, cur thâuv tưs cux xar njôngr nriêr cxuô tsưr ziv khưx phưx têx phêv liv chiê tax tâu tsưr ziv uô. Tsôngv box nhoz tox siêz Mù Cang Chải tsênhv lok six txov nhêv, yênhx côngz lơưv, cur xar pheiz kênh, paz max tsôngv pox nhuôk chiê lơưr muôx đas jos uô lơưr thiêz sik đros sir jos huôv tsar cêr uô nox”.

          Khov muôx tsưr ziv uô jông, sei đrơưv, 2 luz hlik hâur shôngk shông 2024 HTX tu zus xã Lao Chải li tas nro phênhv sâu tax 100 tsov đeiv. Ntu zuôr txos, HTX njuôs xav tror nhênhz chơưv, tu zus nôngz keiz đuz greis tiv phaz; krêz đar niêv ciêz sâu zuôr nôngz tsiêx tu zus; sir jos vênhv tôngv, yax mông tsôngv box phax tar moz trâu tsiêx cxu, keiz ok thiêz muôz siêz tsưr ziv kỹ thuật uô; chos tsoz chos kôngz nuv hur, cxiv tsa cxix luôk guôx cơư chêx chôngk. Đros têx yênhx tix co, Nuv xênhv Shôngx tưz tâu Tỉnh đoàn Yên Bái kruôk zos lênhx hluôk nênhs jông uô lơưr Hloz Hôx têx luk heik kriê thiêz khơưk muôz giải “Cánh cung đỏ” shông 2023.

          Tix lâuk Hà Đức Hải- Bí thư tỉnh đoàn khav tênhv: “Têx shông đhâu, tsưr tsix đoanx jênhv pov, chiê txu grês cêr pluôk truôx vênhs tsuv phuôx huiz têx cxênhx nênhs tsôngv box, hâur co tiv zix zos hluôk nênhs li đas jos. Têx cấp bộ đoàn li jênhv vưv coaz tsôngv xuz thơưx zos chuôz tsar cov hluôk nênhs muôx tsưr ziv sir jos huôv tsar uô nox, tiv zix zos hluôk nênhs mênhx cxưx tsơưs nênhs li tix lâus Nuv thiêz tix lâuk li trâur nuv HTX.

          Phênhv “Nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Đeix nta suôz VN thax tsav faz Bắc đros tsênhv qơư cxiz kôngz têz qơưk uô./.

Lik Thox-Txâur Vax cxeik nhênhv