Lưx lươngv vũ trang Paz  phênhv hlôngr yiêz jêx jos tox siêz

Txix têx lênhx bộ đội zơưv Hloz Hôx li txơưx jênhv, cán bộ, chiến sĩ lưx lươngv vũ trang tỉnh Yên Bái sik đros paz max tsôngv box kho đuô, krêz ntâu txix cêr zaoz thôngz nôngx cxênhz; lox tôngv vêv xênhz cêr muk lok hâur jêx jos…Tix lâuk Hờ A Lử nhoz jos Chống Khua, xã Xà Hồ shir phaz heik:

          Thượng tá Vũ Văn Cường, Chỉ huiz trưởng Ban chỉ huiz quân sự huyện Trạm Tấu puz pâuz, txix hâur shôngk shông txos nhiv no, cán bộ, chiến sĩ lưx lươngv vũ trang huyện tưz tsưr tsix yênhx châuv jiês paz max tsôngv box uô 20 cei cêr zaoz thôngz muk lok hâur jêx jos; krêz thôngz têx cưx đês tso đêx, seiz nus thiêz khơưk muôz huv trâu têx chuôz zis tâu sơưv tsênhv chei; chuôz zis txov nhêv; paz max shux xênhz sir jos cơưv ntơưr. Đrâuv co, tsênhv muôx yênhx cxênhz jiês cán bộ, chiến sĩ cxaz chuôz phax tar cuz jôngr, ntux nas, thiêz nriêr chơưv nanv… “Pêz yax six krêz uô têx tsaz yênhx, sik côngv jông đros cấp uỷ, chính quyênx tiv phaz, ban nganhx đoanx thêv uô lơưr tsưr ziv ndar txos tiv phaz, paz tsôngv box tox siêz huôv tsar KTXH, truôx tul luz nênhx cux xưk li huôv tsar KTXH tiv phaz”

          Ntơưv huyện Trấn Yên- huyện nôngx cxênhz yiêz xuz thơưx nhoz thax tsav Tây Bắc, lưx lươngv vũ trang thâuv tưs cux chuv tôngv sik côngv jông đros têx chiz coaz, ban, nganhx, đoanx thêv tiv phaz yax mông vênhv tôngv pox nhuôk sir jos uô lox tôngv, hlôngr yiêz tsoz chos, tsêz chos trơưk chiv cheix thiêz chuôz tsar chiv chos. Đrâuv co, tưz heik huyện tso tơưv tsưr ziv uô “Hnuz kaz ciêz đros tsôngv box thiêz doanh nghiệp” đros têx njiêz luv lok six tsênhv tsênhz li: kho đuô tsêr cơưv, cxiv tsa cơ sở cxuô zav, paz tsôngv box khưx phưx têx trâus ruôr hiêv tiv ntux nas, truôx tul luz nênhx, tsiv uô kinh doanh. Pox Nguyễn Thị Hoan, tsôngv box xã Y Can, huyện Trấn Yên shir phaz heik: “Muôx bộ đội tuôx paz tsôngv box mak uô tul tsi cux jông, lax uô li chas cux uô tiêr. Têx chiến sĩ tưz chuôz cxaz đas jos chiê tsôngv pox nhuôk uô tiêr jông cxuô luôk hâux lưv”

          Đại tá Phạm Viết Khánh, Chính uỷ Bộ chỉ huy quân sự tỉnh Yên Bái puz pâuz: Hâur têx shôngk đhâu, uô quân đội li jênhv vưv, tiv zix zos txơưx jênhv uô ntêx nyuôk uô luôk hâux lưv, cán bộ, chiến sĩ lưx lươngv vũ trang tỉnh Yên Bái tưz sir jos krêz uô muôx chêx cuk phongz yaox tưr thik “Quân đội sik côngv tês viv nênhs pluôk, tsi chiê lênhx tưs trâus tso tsês tov kaz”, “Quân đội sik côngv đas jos cxiv tsa jêx jos yiêz” sâuv thax tsav tỉnh, tax tâu ntâu chêx cuk jông, gôngr phênhv uô tiêr têx tsưr ziv, jênhv vưv cxiv tsa jêx jos yiêz nhoz tiv phaz.

          Tsênhz mênhx, lưx lươngv vũ trang tỉnh tưz cxaz chuôz cxiv tsa cơ sở chính trị ntơưv 56 xã sâuv thax tsav; tso 268 tuêv côngz xưv đros 1 cxênhz jiês cán bộ, chiến sĩ cxaz chuôz yax mông, vênhv tôngv tsôngv box sâuv thax tsav tsôngv box mênhx cxưx tsơưs nênhs nhoz uô nênhx vav mênhx, cxuôv por tsês têx cêr uô nênhx pôngz kaz…Tiv zix, tưz huiz tôngv 8 cxênhz 200 hnuz côngz lox tôngv paz 420 ziv chuôz zis krêz phaz 5 hecta liêx kêz nteir chiê chos blêx liêx, kho đuô, uô yiêz 57 ntâu cei cêr muk lok hâur jêx jos, khơưz thôngz têx njưk đêx cưx đês… “Ntu zuôr txos, pêz tror chox kriê têx chiz coaz, taz viv hâur lưx lươngv vũ trang tỉnh tror uô muôx chêx cuk têx phongz yaox tưr thik, tiv zix zos phongz yaox “Quân đội sik côngv đas jos cxiv tsa jêx jos yiêz” sir jos cxaz chuôz cxix cxuô têx đề án, tsưr ziv, đros Đảng bộ, chính quyênx thiêz tsôngv box uô zênhx liv têx jênhv vưv mak Đại hội Đảng têx cấp tưz tso tơưv hâur six cxiv, chiê tsưr tsix Đại hội têx cấp six cxiv 2025-2023”.

          Txos nhiv no, tỉnh Yên Bái tưz muox 04/09 taz viv cấp huyện uô tiêr jênhv vưv cxiv tsa jêx jos yiêz; 111/150 xã tax ploz tsênhr nôngx cxênhz yiêz, hâur co, muôx 37 xã tax nôngx cxênhz yiêz muôz siêz, 11 xã tax nôngx cxênhz yiêz jông. Tiv zix, Yên Bái zos tiv phaz xuz thơưx nhoz thax tsav Tây Bắc muôx huyện nôngx cxênhz yiêz. Têx chêx cuk co muôx têx cán bộ, chiến sĩ lưx lươngv vũ trang, têx lênhx nênhs uô ntêx nyuôk sâuv cxuô luôk hâux lưv li têx gôngr côngv lox./.

Đinh Tuấn-Txâur Vax cxeik nhênhv

Chor Bí thư đoanx hluôk nênhs Hmôngz nhoz tox siêz Yên Bái sir jos huôv tsar uô nox

Chôngz lênhx Bí thư Đoàn thax tsav qơư zos hêir nênhs Hmôngz nhoz huyện tox siêz Mù Cang Chải (Yên Bái) tưz tsik zos gruôs, sir jos uô côngz xưv Đoàn thiêz phongz yaox hluôk nênhs ntơưv thax tsav qơư mak tsênhv zos chor nênhs uô tâu jông hâur huôv tsar kinh têr kôngz nuv chiê chor hluôk nênhs cơưv shâuv thiêz uô trơưk.

Chuôx shông uô Bí thư Đoàn xar La Pán Tẩn (huyện Mù Cang Chải) tix lâus Tu Xênhv Hơưx, mênhx cxưx Hmôngz, tưz tsik tiêk zos canr bôv Đoàn sir jos uô hâux lưv mak tsênhv zos lênhx nênhs gruôs, sir jos, uô ntêx hlo hâur huôv tsar kinh têr, tuôr tsês chiê têx vênhx huôv mênhx cxưx. Phuôx huiz zos lênhx nênhs sơưr thơưx Đoàn li têx sir jos thiêz uô ntêx hlo, tix lâus Tu tưz kriz uô tsưr ziv tu zus kêiz đuz grêis ntơưv thax tsav qơư muôx 500 tuk iz jas, paz muôx tâu phênhv sâu 200 triệu đêiv ntâu iz shông.

Tix lâus Tu puz pâuz, ntu xuz thơưx, thâuv nhiv kruôr piz uô tsưr ziv no, tix lâus njiz tsik tsơưs têx cêr txov, phiv liv, tiv tsênhv muôx tsơưs têx tsưr ziv, kỹ thuật, chênhz zênhv viv li chor kêiz hloz lox, huôv tsar kênhz. Li chêk cê uô cê cơưv shâuv, nriêr pâuz txix têx ntâuz ntơưr, pov tsir, internet, tix lâus Tu jux juk cux pâuz tâu tsưr ziv chiê tsưx phưv, phax tar caz moz trâu chor kêiz, txix co tưz paz trâu tix lâus chor kêiz huôv tsar tâu jông thiêz paz muôx nzir phênhv sâu siêz trâu chuôz zis.

Đhâu huôv tsar tâu jông tsưr ziv uô nox, tix lâus Tu tưz yax kriê, hêik chor hluôk nênhs sik đros uô chiê huôv tsar kinh têr đros trâu tuôr tsês chiê chor nôngz kêiz đuz grêis ntơưv thax tsav qơư paz thơưz du lịch huôv tsar, thiêz paz tuôr tsês chiê têx vênhx huôv jông muôx ntơưv thax tsav qơư nhoz. Khov trâu têx kror liv muôx ntơưv thax tsav qơư, tix lâus tưz đros chor hluôk nênhs hâur xar yênhx lix chor đôiv vênhx nghệ jêx jok chiê tror kriz uô thiêz đhiê tsôngv box nhoz tox siêz têx zav pax vuôs jông, hu chor suôz gâux jông cxôngx nzor chiê phưx vưv trâu tsôngv kruô nhoz đêz jê.

Huyện Mù Cang Chải tsênhv yuôr chôngz lênhx nênhs sơưr thơưx Đoàn hluôk nênhs txơưr đuô gruôs thiez sir jos li tix lâus Dà Xênhv Shông sir jos uô tsưr ziv tu zus chor buô Hmôngz ntơưv thax tsav qơư paz muôx tâu kinh têr siêz. Txix uô tâu jông tsưr ziv no, tix lâus Dà tưz hêik chor hluôk nênhs sir jos đros uô chiê huôv tsar kinh têr, truôx tuk luz nênhx.

Tix lâus Dà hêik pâuz: thâuv ntêx no, tix lâus ziv chuôz zis muôx ntâu shông tu zus buô taz sik phênhv ntâu zos tu zus tsơưs. Phuôx huiz zos lênhx nênhs sơưr thơưx Đoàn hluôk nênhs ntơưv thax tsav qơư li têx sir jos, uô ntêx hlo, tix lâus tưz yưv pênhr kriz đar qơư tu zus buô Hmôngz ntơưv zuk thax tsav qơư nhoz. Nhiv no, tix lâus chuôz zis tu zus muôx 12 tuk niêv buô sha mê nhuôv thiêz 10 ntâu tuk buô muôs grêix. Khov sir zôngv jông khoa học kỹ thuật lok paz trâu tu zus, đros muôx tâu qơư muôs truôx, tsưr ziv tu zus chor buô Hmôngz ntơưv thax tsav qơư no tưz paz trâu tix lâus chuôz zis muôx tâu phênhv sâu zuôr xar 200 triệu đêiv iz shông.

Tưz tsik zos sir jos hâur huôv tsar uô kinh têr, tix lâus Dà tsênhv lok six sir jos uô côngz xưv Đoàn thiêz têx huôx tôngv ntơưv thax tsav qơư. Tiv zix, chor jiês yax mông ntơưv thax tsav qơư tsik so tâu tix lâus Dà thiêz sơưr đơưk bax jông, uô tiêr tâu jông têx jênhv vưv tâu chos; txix co, nzor yax kriê tâu sêi Đảng, Têz qơưk têx cêr chêi txos trâu cxuô lênhx nênhs pâuz.

Tix lâus Ly Xênhv Zax, Bí thư Huyện Đoàn Mù Cang Chải puz pâuz: “Chor Bí thư Đoanx hluôk nênhs ntơưv thax tsav qơư no puôr lênhx zos chor hluô nênhs uô tâu hâux lưv jông, uô ntêx hloz hâur phongz yaox huôv tsar uô kinh têr ntơưv thax tsav qơư đros muôx ntâu tsưr ziv uô jông, paz muôx tâu tsiv gri kinh têr siêz.

Tưz tsik zos txơưx uô kinh têr xưz, chor Bí thư Đoanx hluôk nênhs ntơưv thax tsav qơư no tsênhv sir jos yax kriê, paz trâu chor hluôk nênhs sik đros huôv tsar uô kinh têr ziv chuôz zis thiêz ntơưv thax tsav qơư”.

Chor lênhx nênhs sir jos, têx tsưr ziv huôv tsar kinh têr tâu jông tưz thiêz tsênhv paz cxơưz cxiz sir jos huôv tsar uô nox trâu chor canr bov Đoàn hêik taz thiêz chor hluôk nênhs sâuv thax tsav huyện Mù Cang Chải hêik cxuô. Txix hluôk nênhs li têx sir jos, uô ntêx hlo, chor nênhs sơưr thơưx Đoanx hluôk nênhs thax tsav qơư zos mênhx cxưx tsơưs nênhs nhoz huyện tox siêz Mù Cang Chải tưz paz cxơưz cxiz trâu tas nro chor hluôk nênhs cxuô mênhx cxưx đros sir jos, paz gôngr côngv zuk đas jos chiê cxiv tsa têz qơưk ziv hnuz ziv jông jav đuô.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc sik côngv đros tsênhv qơư cxơưz cxiz uô kôngz têz qơưk uô./.

Lik Thox uô thiêz cxêik nhênhv