Tsêr cơưv tox siêz Lào Cai phax tar no trâu shux xênhz

Lok nas yâur thiêz pok huôz niêz ziv no njiv đuô. Zar tas cik, tsêr cơưv cxênhx nhuôs zâu Trung Chải, thị xã Sa Pa, tỉnh Lào Cai phênhv ntâu chiê têx nhuôs shux xênhz cơưv thiêz nhoz hâur tsêr cơưv xưz. Cưk kriê ntơưr cux heik trâu shux xênhz niêv txir cov muôz nzir tsôngk tril yo sor trâu têx nhuôs hnar thâuv tuôx cơưv ntơưr. Cưk kriê Hoàng Thị Hơn, uô hâux lưv kriê txux chi hâur tsêr cơưv sâuv heik pâuz: “Zos tuôx txos chor nhuôs hnar tsi tâu txâuk sor mak pêz cux muôz nzir thov khưv, câuk mov thiêz tril yo sor trâu têx nhuôs hnar”.

Cxuô qar tsêr cơưv hâur tsêr cơưv cxênhx nhuôs zâu Trung Chải tâu cxiv kho, xor thêir ntov jông tsi chiê chuô txiêk yâu. Tsi tas li têx qơư nhoz cơưv txux chi, uô si saz đrâuv jôngr cux tâu uô tso ntơưv têx qơư tsi yuô muôx chuô, huôz jis yiê tsi txos, hâur plas tsêr puô hur si. Đhâu qênhz shuôs, tsêr cơưv cxênhx nhuôs zâu no tưz bax uô tâu cxuô faz tsưr ziv phax tar no trâu shux xênhz, khov tưz tâu cxaz nzir pav vor, pav puô, meir nzuôx chuô sor. Hâur cheix ntux no, chor nhuôs pluôk nox hâur tsêr cơưv cux muôx cxix cxuô têx jâuz mor huv đros. Cưk kriê Vi Thị Tố Uyên, thơưx seiz car tsêr cơưv heik: “Chor nhuôs têx pluôk nox tâu uô lơưr Nghị định 105 thiêz Nghị định 50, shux xênhz tâu paz pluôk su zos 160 cxênhz đeiv iz hlik. Chiê muôx nzir têx jâuz mor kaz trâu shux xênhz nox, pêz cux seiz lax đros shux xênhz niêv txir, iz hlik sơưr đơưk gra nzir 3 cir cxur tuôx, chos nzir jâuz uz no chiê taz por têx nhuôs tâu nox cxix cxuô têx jâuz mor”.

Đros trâu cxaz nzir têx pav sor, chuôz zênhx phax tar no trâu cxuô luz tsêr cơưv, đhâu coz nas chuô sôr 3 uô ruôr hiêv, Phongx zoz zux thị xã Sa Pa tưz zênhx max thôngz sâu, heik cov cxiv kho têx qơư, chuôz zênhx trâus ruôr hiêv, puôk tsuôx chiê têx tsêr cơưv muôx nzir qơư nhoz kriê thiêz cơưv txux chi taz por hâur cheix ntux no nor. Zơưv Nguyễn Trường Chinh, Tsar phongx zoz zux thị xã Sa Pa heik: “Pêz muôx 24 côngz trênhx trâus nas chuô uô ruôr hiêv. Ngênhx tưz heik thiêz txix thị xã pênhr tsaz yênhx zov chênhr, têx pênhr txơưr đuô, pêz tưz muôx 6 côngz trênhx zuôr fuô uô, cxiv kho hâur shôngk shông 2025”.

Nhiv no têx nhuôs shux xênhz tưz zuôr bax tưr thik học kỳ I, shông cơưv 2024-2025. Tsưx phưv truôx tuk đas jos trâu shux xênhz hâur ntu no lok six zov chênhr, chênhr zos li heik co, cxuô luz tsêr cơưv nhoz Lào Cai cux yax kriê, vênhv tôngv shux xênhz niêv txir sik đros hux jos jông chiê tsoz phưz, por hưv jông đas jos trâu têx tuz nhuôs./.

An Kiên-Riê Lâux cxeik, nhênhv  

Tsôngv box Hmôngz- Cho-Thái Tây Bắc truôx siêz hla đhâu cêr pluôk

Tổng Bí thư Tô Lâm tưz heik “Việt Nam tsênhv nhoz ntu lix xưv yiêz, ntu mênhx cxưx VN hlôngr yiêz thiêz huôv tsar”. Đros tsôngv box mênhx cxưx Hmôngz, Cho, Thái nhoz Tây Bắc, Tổng bí thư li lo luk co ziv chuôz cxaz đas jos chiê tsôngv box sir jos đuô. Zơuv Tòng Văn Hịa- nênhs muôx hnuz nhôngs siêz nhoz jos Mòng, xã Hua La, TP Sơn La pheiz kênh: “Trơưk li đ/cTổng bí thư Tô Lâm tưz heik: muôx đảng lênhs tov đros yênhx lênhx tsôngv box li sir jos, tsôngv pox nhuôk têx mênhx cxưx luz nênhx muôx têx hlôngr yiêz jông, kinh têr chuôz zis truôx tul đuô, tsi trâus yeiz pluôk li thâuv ntêx thiêz. Taz sik tsôngv box nhuôk tsuv sir jos ntâu đuô thiêz chiê hlôngr yiêz siêz xar, truôx siêz huôv tsar cêr uô nox txix ciês sâuv zuk têz qơưk. Li ntơưv thiêx li truôx vênhs”.

          Tsuv sir jos chiê hla đhâu cêr pluôk, muôx ntâu lênhx tsôngv box mênhx cxưx tsơưs nênhs nhoz Tây Bắc tưz sir jos huôv tsar cêr uô nox, truôx tul luz nênhx. Li lênhx pox niêv nênhs Cho Tẩn Tả Mẩy nhoz xã Tả Phìn, thị xã Sa Pa, tỉnh Lào Cai, truôx siêz huôv tsar tsiv uô yuôx njuôz, yênhx lix HTX côngv thôngx Cho uô jix vuv nzuôr chêr txix cuô đêx yuôx, cungz yuôx thiêz têx xiv huv râur nzuôr chêr txix nênhs Cho liêz li tsưr ziv uô chax chês. Nhiv no niêv lâuk Tẩn Tả Mẩy li HTX côngv thôngx nênhs Cho muôx 160 lênhx nênhs, phênhv ntâu zos pox niêv nênhs Cho. Hâur co 7 lênhx nênhs uô hâux lưv truôx hâur HTX; zuôr xar 400 ziv chuôz zis cxaz chuôz sik côngv chos yuôx njuôz sâuv thax tsav xã Tả Phìn thiêz Ngũ Chỉ Sơn, đros tas nro mênhv chêx zos 200 hecta ntâu. Txix co muôz cxaz hâux lưv uô, phênhv sâu truôx tul trâu yênhx puôk lênhx hội viên pox niêv pluôk thiêz têx ziv chuôz zis sik côngv chos yuôx njuôz. Niêv lâuk Mẩy puz pâuz: “Truôx siêz sir jos huôv tsar uô nox, pox niêv zuôr muôx hâux lưv uô, phênhv sâu truôx, hlôngr yiêz luz nênhx chuôz zis, mê nhuôk tâu cơưv ntơưr cxix cxuô, hla đhâu cêr pluôk”

          Xar sir jos huôv tsar uô nox, hlôngr yiêz luz nênhx, ntâu lênhx pox nhuôk tsôngv box mênhx cxưx tsơưs nênhs nhoz Tây Bắc tưz hlôngr yiêz siêz xar, tsưr ziv uô, chox têx Khoa học kỹ thuật yiêz lok tsiv uô, tu zus. Zơưv Hoàng Văn Chất, mênhx cxưx Thái nhoz xã Chiềng Ban, huyện Mai Sơn, tỉnh Sơn La tưz yênhx iz hâur têx lênhx nôngx mênhx jông tas nro têz qơưk shir phaz heik: Chos tul tsi, tu zus tul tsi tsuv xav tênhv uô trơưk khoa học kỹ thuật, uô hax huv thiêx li chox lok chêx cuk kinh têr. Đrâuv co tsuv muôx tsơưr lươngv xiv huv jông, kaz, muôx hâuk pâus tsênhv tsênhz, txu grês tsơưs tiv zix sir zôngv yuôx por vêv đrox tsuôs uô hiêv txos đas jos: “Zôngv khoa học kỹ thuật tsuv tsov lơưr yênhx zav tsoz chos, tsuv pâuz tsênhz yênhx ntu huôv tsar chiê xeir qir zuôv huv đros, yuôx por vêv đrox tsuôs huv đros, txiêr chês…Li ntơưv xiv huv uô tâu thiêx tax ploz tsênhr VietGap, tsôngv box nôngx mênhx tsuv xav tênhv uô hax huv lơưr tsôngv kruô li zoz qơưx”.

          Sik côngv đros tsôngv box têx mênhx cxưx sâuv hâux lưv cxuôv yeiz thiv pluôk, đrâuv krêz uô muôx chêx cuk Đảng li chủ trương, chính sách, tsaz yênhx têz qơưk li qơư tsov txos tsês trâu tsôngv box têx mênhx cxưx tsơưs nênhs, tox siêz, lênhs tov txix tỉnh txos tiv phaz tsuv sik côngv chiê cê nhênhz chơưv, seiz car, cê chox kriê hâux lưv phuôx huiz yênhx tiv phaz li têx muôx jông ntơưv qơư, chox kriê tsiv uô hax huv huv đros yênhx thax tsav. Viv li mak ntơưv thax tsav Tây Bắc tưz muôx thax tsav nto bê huôv tsar kinh têr kôngz nuv Sơn la, kinh têr trôngx đriv Lào Cai, kinh têr jôngr Yên Bái, huôv tsar ju lix lix xưv ndis seiz Điện Biên, Lai Châu. Zơưv Shôngx A Lùng, Phưv Chủ tịch UB xã Sin Suối Hồ, huyện Phong Thổ, tỉnh Lai Châu pheiz kênh: Sin Suối Hồ tưz yênhx ntâu lênhx kruô li qơư xeir tuôx ndis seiz vênhx huôv- trôngz jôngr chiv xênhz jông jav. Shông no, tưz muôx 20 cxênhz ntâu lênhx kruô tuôx ndis seiz thax tsav, muôx phênhv sâu tâu nhiêx txiêx txix ju lix zos 5 tỷ đeiv ntâu, paz phênhv trâu xã txu grês chor ziv chuôz zis pluôk txix 46% grês yuôr 39%: “Xã Sin Suối Hồ tưz chox lok hâur Nghị quyết lok huôv tsar ju lix tsov lơưr têx muox jông ntơưv qơư. Li Sin Suối Hồ muox trôngz jôngr chiv xênhz jông, muôx qơư jông chiê tsôngv kruô muk ndis seiz. Muôx jos Dền Sung đros têx pas đêx tu zus njês đêx txiêk, no cux zos iz kror jông chiê huôv tsar kinh têr thiêz ju lix. Muôx jos Sùng Mà Pho đros txox cêr poz jêz tâu cxiv uô txix pok thâuv tros châuz Pháp ntâuk tsiv, tưz tâu uô yênhx di tích lix xưv 2 tỉnh Lai Châu, Lào Cai, cux zos kror jông chiê huôv tsar ju lix”.

          Shông 2024, chor ziv chuôz zis pluôk nhoz têx tỉnh Tây Bắc tưz txu grês ntâu. Tsênhz mênhx: Sơn La txu grês txix 14% ntâu lok shông 2023 grês yuôr 11%ntâu lok shông 2024, tax tsưr ziv tso tơưv; Điện Biên txu grês 4% ntâu chor ziv chuôz zis pluôk, tsuôk yuôr 21% ntâu; Lai Châu txu grês zuôr xar 4% tsuôk yuôr muôx nhos 19% ntâu; Yên Bái txu grês 3% ntâu pir đros shông tov ntêx; Lào Cai txu grês 4% tsuôk yuôr zuôr xar 11%./.

          Bích Thuỷ-Txâur Vax cxeik nhênhv