Pox niêv tox siêz Sơn La li kror qơư sâu tsês cxuô zav paz uô hur trâu tênhv qơư

             Tưz zos kror sưv đros zuôr xar 2 shông no, txos hnuz ciêz kaz yênhx hli, chôngz lênhx nênhs, đros chor pox niêv nhoz tôv 4, phường Quyết Thắng, thành phố Sơn La ho chox têx vuôz tsuôz nhựa tưz tsês tâu li: têik, hưx, cxuô zav zuôr tror uô đuô tâu li kuôr hlâu, zak zưr tuôx trâu ntơưv chi hôiv pox niêv tôv li “Luz tsêr tsês chiê têx vuôz tsuôz nhựa cxiv tsa cuiv siêz jông”. Tix lâus Hoàng Minh Việt, nhoz tôv 4 hêik pâuz: “Têx vuôz tsuôz no muôz por tsês mak zuôr uô tsik hur trâu tênhv qơư. Chor pox niêv hâur tôv muk sâu têx vuôz tsuôz no zos iz kror lok six tsênhv tsênhz, muôx tsiv gri. Viv li cur chuôz zis muôx têx vuôz tsuôz nhựa tưs mak cux muôz sâu thiêz khơưk tsês cov jông, lơưr co muôz paz trâu lơưr”.

           Lơưr pos Phạm Thị Thinh, Chi hôiv trưởng chi hôiv pox niêv tôv 4, phường Quyết Thắng, thành phố Sơn La: chor pox niêv tôv li “Luz tsêr tsês chiê têx vuôz tsuôz nhựa cxiv tsa cuiv siêz jông” tâu kriz uô txix kaz shông 2022, tâu uô txix têx kuôr hlâu hax uô iz luz tsêr zâu trâu chor pox niêv, pêx xênhv sơưr đơưk tsês chiê têx vuôz tsuôz nhựa. Txos hnuz ciêz kaz yênhx hli, chor pox niêv sơưr đơưk ho tuô trâu ntơưv kror qơư tso luz tsêr no chiê phêiz têx vuôz tsuôz nhựa chox muk muôs. Txos nhiv no, chor pox niêv tôv li tsưr ziv uô no tưz sâu tâu muôx nhos 10 tấn vuôz tsuôz nhựa, sâu tâu xar muôx 10 triệu đêiv nhiêx trâu cuiv: “Pêz sir jos uô thiêz hêik chôngz lênhx pox niêv đuô tuôx đros côngv têk uô cov uô tâu jông đuô tsưr ziv sâu têx vuôz tsuôz nhựa. Cov paz muôx tâu tênhv qơư hur jông thiêz paz tâu trâu chor nênhs muôx luz nênhx txov nhêv”.

            Txix 10 tsưr ziv uô siv “Luz tsêr tsês chiê têx vuôz tsuôz nhựa cxv tsa cuiv siêz jông” đros xar muôx 400 lênhx pox niêv, txos nhiv no Hôiv Pox niêv cxuô cấp tỉnh Sơn La tưz kriz uô tâu nzir 68 qơư kriz uô tsưr ziv no ntơưv 12 huyện, thành phố, muôx 2.700 ntâu lênhx nênhs đros uô. Xav iz hli, chor tsưr ziv uô no tưz sâu tsês, muôz phêiz tâu lok six ntâu zav vuôz tsuôz nhựa thiêz têx vuôz tsuôz txơưr zuôr tror sir zôngv, uô đuô tâu, iz tsưr ziv uô sâu tâu txix 300 txos 500 cxênhz đêiv txix têx hâux lưv no. Pos Vi Thị Bình, Phưv Chủ tịch Hôiv Liên hiệp Pox niêv tỉnh Sơn La puz pâuz: “Hôiv Liên hiệp pox niêv tỉnh tror yax kriê txos trâu chor hôiv viên thiêz pêx xênhv sâuv thax tsav pâuz kriz uô jông hâux lưv phax tar têx tsik hur, vuôz tsuôz nhựa. Pêz zuôr kriz uô nzir têx tsưr ziv tưz uô tâu jông”.

            Sở Tài nguyên thiêz Tênhv qơư tỉnh Sơn La li thôngz sâu, iz shông tas nro chor vuôz tsuôz nhựa sâuv thax tsav xar muôx 10.630 ntâu tấn; hâur co chor vuôz tsuôz nhựa sâu tsês tâu njuôk xav xar muôx 8.400 tấn iz shông, tsênhv yuôr zos sâu tsik tâu tâu. Đros tsưr ziv uô “Luz tsêr tsês chiê têx vuôz tsuôz cxiv tsa cuiv siêz jông”, sâuv thax tsav tỉnh cux muôx chor hluôk nênhs li ntâu tsưr ziv uô li: “Pâur têx têik, hưx nhựa zuôr têx zuz ntông njuôz”, “Ciêz đrôngs tsik muôx ntâu têx vuôz tsuôz nhựa”, “Uô têx zav uô si txix têx têik, hưx nhựa”… Ntâu cơ quan, taz viv, doanh nghiệp sâuv thax tsav tỉnh tưz hlôngr txix zôngv đêx hâuk ntiv hâur hưx nhựa trâu zôngv đêx hâuk ntiv hâur têx têik, hưx thủy tinh thiêz tsik sir zôngv têik hâuk đêx nhựa, hnaz tax. Zơưv Thiều Quang Phi Hùng, Phưv Trưởng phòng sêiz car Tênhv qơư, Sở Tài Nguyên thiêz Tênhv qơư tỉnh Sơn La puz pâuz: “Hâux lưv kriz uô têx tsưr ziv hêik sâur tưz paz sir jos uô, yax kriê lok phax tar têx vuôz tsuôz nhựa thiêz paz trâu sơưr đơưk pâuz tsik sir zôngv têx hax huv nhựa sir zôngv iz jiês”./.

Bích Thủy-Lik Thox cxêik nhênhv

Kriê têx txux chi chiê por hưv, tuôr tsês heir nênhs tsơưs têx cêr nênhx vênhx huôv nhoz Than Uyên, Lai Châu

             Nhạc nền dân tộc

           Hâur luz tsêr cơưv ntơưv tsênhv qơư kriê txux chi uô hâux lưv huyện Than Uyên, hnuz tưs cux li ntơư, lớp cơưv ntơưr Poz Ziz đros thiêz 30 lênhx nênhs cơưv txix lâul hluôk, hloz zâu puôr lênhx hnor suôz heik luk, nhênhv ntơưr lov jêv ntưk. Niêv lâul Điêu Thị Ngàn heik pâuz: “Txix thâuv ntêx txos nhiv no niêv txir thiêz chor hloz cux pâuz luk xưz tsi tâu pâuz ntơưr Poz Ziz. Đhâu lớp cơưv no mak cur cux xar cov zuk pâuz tâu ntâu txux chi, pâuz ntơưr sâu chiê tov kaz no kriê trâu chor tuz nhuôs”.

          Txix cêr nhiêv thiêz por hưv, tuôr tsês zuk heir nênhs têx txux chi vênhx huôv, zơưv Lò Văn Sơi, nhoz xã Mường Cang, huyện Than Uyên-cưk kriê lớp cơưv tsi nyei phiv liv, cêr txov tưz niêx hnuz sir jos kriê zuk heir nênhs têx luk heik, ntơưr sâu trâu sơưr đơưk. “Xar heik tâu luk mak tsuv pâuz ntơưr sâu thiêx pâuz cxix cxuô nênhs Poz Ziz têx txux chi. Cur lok six nyei tsav muôx iz hnuz tưs zuk heir nênhs têx ntơưr sâu trâus pôngz plox jux juk viv li thiêx kriê trâu cxênhx hluôk cơưv thiêz đros por hưv, tuôr tsês. Chênhr zos li heik co, cur tưz sâu đuô têx bê ntơưr đros trâu 30 jax chiê por hưv tsês trâu chor tuz nhuôs tâu cơưv shâuv thiêz kriê lưv tus đros cơưv, tuôr tsês chiê”.

              Ntơưv tsêr vênhx huôv jok Mè, xã Ta Gia, huyện Than Uyên, lớp cơưv xơưs heir nênhs Poz Thơưx têx tsôngk tril yo hnar cux tưz xơưs uô đreiv txix ntâu hnuz lok no. 30 ntâu lênhx nênhs, txix têx lênhx nxeik hluôk txos trâu chor pox niêv muôx hnuz nhôngs tus tưs cux puôr lênhx moz siêz lus cơưv têx txux chi uô pax ntâuz, xơưs tsôngk yo hnar. Niêv lâul Phong Thị Dung, cơưv xơưs uô têx tsôngk tril yo, tiêz hnar heik: “Cơưv đhâu lớp cơưv no, zuôr pâuz xơưs uô nênhs Poz Thơưx têx tsôngk hnar, chiê txix ntơư đros por hưv, tuôr tsês zuk heir nênhs têx txux chi vênhx huôv tsi chiê pôngz plox. Thiêz cur cux xar cov tov kaz no chor tuz nhuôs đros por hưv, tuôr tsês chiê”.

             Txix sơưr đơưk têx cêr moz siêz siz zâuv cơưv lov jêv ntưk li ntơư, tưz uô hâu nov ntơưv qơư tsi yuô cxơưx lok por hưv, tuôr tsês heir nênhs tsơưs têx txux chi vênhx huôv jông tsi chiê pôngz plox. Zơưv Quàng Văn Trường, Phưv Chủ tịch Ủy ban xã Tà Hừa, huyện Than Uyên heik: “Nhiv no nênhs Poz Thơưx têx tsôngk hnar thâuv ntêx mak tsi muôx lơưv thiêz zos xar xơưs uô iz chêr tsôngk hnar mak cxênhx hluôk nhiv no lơưr tsi pâuz xơưs. Đhâu qênhz yuôx tsênhv tsênhz ntơưv jêx jok, hâu nov xã cux heik Ủy ban huyện Than Uyên cov krêz lớp kriê txux chi xơưs uô nênhs Poz thơưx têx tsôngk tril yo, tiêz hnar. Pêz cux xar cov chor cưk kriê, kriê trâu sơưr đơưk pâuz têx txux chi uô pax ntâuz, xơưs tâu zuk heir nênhs têx tsôngk hnar”.

              Nhạc nền dân tộc…

             Uô lơưr Đảng bộ huyện Nghị quyết 02 “ lok tuôr tsês, por hưv cxuô heir nênhs têxx txux chi vênhx huôv jông đros trâu huôv tsar ju lix côngv thôngx ntu 2020-2025”, txix shông 2021 txos nhiv no, cơ quan lês car uô đreiv têx hâux lưv heik sâuv tưz krêz yênhx châuv lớp cơưv shâuv, cxaz nzir têx txux chi uô hâux lưv, kriê vênhx huôv reik đros huôv tsar ju lix trâu tsôngv box cxuô heir nênhs ntơưv qơư. Txix têx lớp co, tsôngv box cxuô heir nênhs tưz gra siêz txux chi tsưr ziv jênhv pâuz hâur por hưv, tuôr tsês têx txux chi cêr nênhx vênhx huôv, cxiv tsa jêx jok, thax tsav yênhx qơư ju lix jông chiê ziv hnuz ziv muôx ntâu tus chôngz lênhx kruô tuôx ndis seiz uô si.

           Pos Lương Thị Tý, Tsar phongx Vênhx huôv thiêz thôngz xor mông huyện Than Uyên (Lai Châu) heik pâuz: Đhâu cơưv tas, têx lớp cơưv no tưz paz hu zâuv tâu ntâu tus chôngz lênhx kruô tuôx hâur thax tsav ndis shuôs têz qơưk uô si. Txix hâur shôngk shông txos nhiv no, huyện tưz tok xar muôx 300 cxênhz lênhx kruô, hâur ntơư, phênhv ntâu lơưr puôr lênhx nhiêv thiêz kruôs nxiês txos têx qơư ndis uô si, xiv huv vênhx huôv, cêr lov jêv hâur thax tsav. “Chiê por hưv tâu tsês cxuô heir nênhs têx txux chi vênhx huôv tsi chiê pôngz plox, pêz chor lês car uô đreiv têx hâux lưv no xar cov tror tâu cxuô cấp hâu nov txix T.Ư txos ntơưv qơư moz siêz chox kriê đuô, cov uô li chas chor nênhs cơưv tâu sơưv cxix cxuô têx muôx liv thiêz chei paz chiê sơưr đơưk tso siêz cơưv thiêz đros por hưv chiê. Tsi tas li, pêz cux xar cov tas nro tsôngv box Than Uyên sik thôngx siêz jông chiê đros por hưv, tuôr tsês zuk heir nênhs têx txux chi vênhx huôv tsi chiê pôngz plox”./.

Khắc Kên-Riê Lâux cxeik, nhênhv