Lào Cai sir jos bax trâu dưv anr uô txox cêr hlâu muk chênhr

Khov trâu Ban Sêiz car Dưv anr li têx ntâuz ntơưr, 4 thax tsav qơư ntu cêr hlâu muk đhâu zos thành phố Lào Cai thiêz têx huyện Bảo Thắng, Bảo Yên, Văn Bàn tưz uô tiêr njuôk hov, xuz thơưx xav jênhv txos thax tsav uô dưv anr xar muôx 780 héc ta. Khov lơưr co, tỉnh Lào Cai njuôk xav zuôr bax muôx 950 kror qơư nhoz yiêz trâu pêx xênhv, 90 ntâu qơư yiêz trâu chor doanh nghiệp.

Lơưr zơưv Nguyễn Huy Long, Chủ tịch Hiệp hôiv Doanh nghiệp tỉnh Lào Cai, chor doanh nghiệp tsuv txar qơư nhoz tsêx trung ntơưv 2 qơư công nghiệp nhoz siz jê uô cê zos Đông Phố Mới thiêz Sơn Mãn (Vạn Hòa), thành phố Lào Cai. Tas nro puôr lênhx thôngx ziv paz trâu dưv anr. Taz sik, muôx txos 4 kror qơư nhoz yiêz zuôr tâu cxiv tsa viv li hêik nganhx muôx vax huôv tsuv khov trâu uô nox, kinh doanh thiêz doanh nghiệp li siêz xar chiê txar qơư nhoz cov huv đros: “Uô chak cov paz trâu chor doanh nghiệp xêir tsov qơư nhoz cov huv đros viv doanh nghiệp tsênhv huôx tôngv truôx tuk tsuv txar qơư nhoz, yưv pênhr trâu qơư nhoz yiêz, đros uô nox, kinh doanh trâus tso tsês, viv li pêz tsuv njuôk xav cov jông đuô”.

Tiv dưv anr tâu uô trơưk tas nro ntu cêr, phiv liv txos ntâu qơư pêx xênhv nhoz muôx vênhx huôv, têx phongx cxưx sik txơưr viv li Lào Cai cux hêik tsuv nhênhz chơưv cxiv tsa qơư pêx xênhv nhoz huv đros trâu tsênhv tsênhz chor pêx xênhv lok nhoz. Lơưr co, njuôk xav muôx 16 qơư nhoz yiêz tâu phêiz trâu ntơưv 4 huyện, thành phố, njuôk xav nhiêx txiêx yưv pênhr uô zuôr xar 300 tiv đêiv. Zơưv Phạm Bình Minh, Phưv Giám đốc Sở Kôngz nuv thiêz Tênhv qơư tỉnh Lào Cai puz pâuz, khov lơưr chêi ar têz yiêz shông 2024 thiêz thax tsav qơư têx cui tênhv, cơ quan muôx vax huôv zuôr njuôk xav, paz muôx tâu kror liv ntâu tiv zix trâu pêx xênhv tsuv txar qơư nhoz: “Txos thâuv piz kriz uô njuôk xav, txar qơư nhoz chiê zuôr qơư uô cêr hlâu zuôr muôx yưv ntâu kror tsênhv tsênhz. Thâuv co, taz viv muôx txơưx jênhv uô côngz xưv pâux nzir, txar qơư nhoz zuôr tsuv đơưk kho ciês. Hok chor hâux lưv siêz đuô vax huôv, Sở Kôngz nuv thiêz Tênhv qơư đros chor cơ quan cik txos zuôr hêik trâu Ủy ban tỉnh pâuz chiê nriêr tsưr ziv đơưk kho”.

Lơưr zơưv Nguyễn Trọng Hài, Phưv Chủ tịch Ủy ban tỉnh Lào Cai, txơưv tiêk Ban sêiz car Dưv anr tsik tâu ntâuk chiv thiêz choz zok thax tsav uô dưv anr sâuv thax tsav, taz sik cxuô nganhx, thax tsav qơư cux sir jos kriz uô, txos nhiv no tưz txâuk cxuô kror chiê thôngz sâu, hêik pâuz gri pâux nzir trâu pêx xênhv, hok txos thâuv njuôk xav tâu qơư uô lơưv zos tsik tâu huv đros mak zuôr njuôk xav cxaz nzir, kho đuô. Chor qơư txơưr zuôr sir jos uô trơưk Côx hôiv li Nghị quyết sôr 187, chiê uô cov tâu sêi tiv zix chiê txos hli 12/2025 zuôr kriz uô tâu dưv anr thiêz chor qơư nhoz yiêz li tsưr ziv tưz tso tơưv: “Tỉnh Lào Cai cux xar cov tas nro tsuv kriz uô cov tsênhz mênhx. Txix thax tsav qơư kriz uô, qơư cêr muk đhâu, txơưv txos trâu ntu njuôk xav uô dưv anr, tsưr ziv uô cêr zos cik txos pêx xênhv luz nênhx mak pêz cux tsuv zuôr nzir pêx xênhv têx ziv chênhv, tsik chiê txos thâuv kriz uô cêr hlâu ho tsik muôx cêr muk chiê lơưr tsuv muk cêr lus đêz đuô muôx 5-6 cêik cêr mak zuôr tsik  huv đros”./.

An Kiên-Lik Thox cxêik cxêik nhênhv

Hluôk nênhs Lai Châu truôx siêz hla trâu ntu hlôngr yiêz

          Tul niêv lâuk Hangv Thị Qua, nhoz jos ju lix côngv thôngx ASEAN Sin Suối Hồ pheiz kênh: Tuôx Sin Suối Hồ, tsôngv kruô tsi taz tâu ndis seiz jêx jos mak tsênhv tâu nriêr pâuz vênhx huôv tsôngv box Hmôngz. Đrâuv paz cxeik đuôz livestream heik kriê, têx lênhx hluôk nênhs hâur jos tsênhv cxaz chuôz đros chuôz zis uô 19 tsêr jix vuv nox so, phưx vưv muôx nhos 600 lênhx kruô. Đhâu co têx jiês cxeik đuôz livestream tưz paz xa thôngz yax: Sin Suối Hồ tsi taz zos qơư chiê tuôx nhoz so mak tsênhv chiê ndo txos, nhiêv txos thiêz xar tror tis tuôx ndis seiz uô si: “Jos Sin Suối Hồ njuôs xav zuôr tos tâu chôngz kruô tuôx nhoz so cux xưk li sir zôngv jix vuv ntơưv no, tsi taz cur chuôz zis xưz mak tsênhv muôx ntâu chuôz zis hâur jos qir cxiv uô qơư so, têx tsêr nox hâuk chiê phưx vưv tsôngv kruô tuôx ndis seiz uô si. Đrâuv co, nhiv no têx chuôz zis nhoz no cux chuôz tsar uô têx qơư bungalows, têx qar qơư jông đuô chiê kruô tuôx nhoz no lơưr nhiêv thiêz pov huv đros đuô”.

          Nhoz tox siêz ntus đriv Phong Thổ, jos Huổi Bảo, xã Mường So đros têx luz tsêr lơưx tâu cxiv uô truôx jông. Têx lênhx hluôk nênhs mênhx cxưx Thái nhoz no tsênhv niêx hnuz hlôngr yiêz tsưr ziv uô chiê tuôr tsês thiêz huôv tsar zuk mênhx cxưx li hâux lưv ntok ntâuz chax chês. Khov uô jông trơưk KHKT, têx hluôk nênhs nhoz no li tsưr ziv ntok ntâuz cux muôx têx hlôngr yiêz; txix hâux lưv xeir xor, tsâuk ntâuz txos uô cov ntâuz truôx jông đuô taz sik cux tsênhv tuôr tsês tâu têx pax ntâuz chax chês jông.

          Tix lâuk Vax Văn Giang nhoz jos Huổi Bảo pheiz kênh: têx hluôk nênhs hâur jos tưz sik côngv tsưr tsix cxeik đuôz livestream heik kriê xiv huv, reik đros vênhx huôv chax chês tsêr lơưx, ntênhs phêv mênhx cxưx, txix co paz zaz zâuv tsôngv kruô. Hâux lưv sik côngv đros têx qơư ju lix hâur thax tsav cux paz Huổi Bảo li xiv huv pax ntâuz yênhx xiv huv tâu muôv muôs điện tử jông nhoz tox siêz. Têx xiv huv heik kriê sâuv Facebook, Zalo, sàn muôv muôs điện tử tưz chox pax ntâuz Huổi Bảo tsi taz muôs hâur tỉnh mak tsênhv muôx kruô nhoz Hà Nội, Đà Nẵng, kruô saz đrâuv têz qơưk cux sâu zuôr pax ntâuz hâur jos: “Qir lok trâu ntu hlôngr yiêz, ntu mênhx cxưx huôv tsar, têx hluôk nênhs hâur jos xar njôngr tâu pâuz txos têx KHKT, công nghệ yiêz chiê zôngv hâur luz nênhx, huôv tsar kinh têr chuôz zis. Cur xar tâu chính quyênx paz ntâu đuô chiê pêz tâu pâuz txos têx KHKT yiêz”

          Nhiv no, tas nro tỉnh Lai Châu muôx hluôk nênhs li 200 ntâu trâur nuv huôv tsar uô nox, muôx 23/89 lênhx nênhs li 45/204 xiv huv OCOP tâu côngz jênhv zos hluôk nênhs uô tsưr, HTX hluôk nênhs huôx tôngv muôx chêx cuk. Đrâuv co, lưx lươngv hluôk nênhs tiv phaz cux tsênhv sir jos côngv nền tảng công nghệ số huôx tôngv huôv tsar uô nox, txix heik kriê xiv huv sâuv mạng xã hội txos cxiv tsa têx sàn muôv muôs điện tử.

          Hâur shông 2024, đoàn viên hluôk nênhs tỉnh Lai Châu tưz thix ziv 830 siêz xar tơưv jông thiêz tưz muôx 200 ntâu siêz xar tơưv tâu uô tsênhv tsênhz.

          Tix lâuk Nguyễn Tiến Thịnh, Bí thư tỉnh đoàn Lai Châu puz pâuz, hluôk nênhs Lai Châu nhiv no muôx zuôr xar 124 cxênhz lênhx, tsav 25% ntâu jênh số tas nro tỉnh, hâur co hluôk nênhs mênhx cxưx tsơưs nênhs muôx zuôr xar 107 cxênhz lênhx. Txix têx trâur nuv huôv tsar uô nox, têx dự án côngv thôngx muôx ziz njiêz, lưx lươngv hluôk nênhs tsênhv tso pov hluôk nênhs li đas jos thiêz siêz gôngr côngv sâuv ntu sik côngv thiêz huôv tsar: “Hluôk nênhs Lai Châu tsuv txơưx sir zôngv công nghệ thiêz cxaz chuôz têx jiês hlôngr yiêz số. Lok vênhv thix hlôngr yiêz số, zos hluôk nênhs nhoz cxuô thax tsav, cxuô vênhv thix, cxuô hov hnuz nhôngs mak tsi txơưx công nghệ zuôr trâus pôngz kaz. Hâur ntu no hluôk nênhs tsuv sir jos, truôx siêz uô chiê cxiv tsa têz qơưk Lai Châu ziv hnuz ziv bluô nux”

          Txix zuk li siêz xar tơưv, sir jos gôngr côngv, njênhs njôngr cxênhx hluôk nênhs no zuôr tror uô muôx têx hlôngr yiêz jông hâur ntu hlôngr yiêz, gôngr phênhv cxiv tsa iz Lai Châu ziv hnuz ziv bluô nux, vav mênhx đros cêr nênhx vênhx huôv mênhx cxưx jông./.

Khắc Kiên-Txâur Vax cxeik nhênhv