Têx hlôngr yiêz nhoz tox siêz Điện Biên

          Nhoz đras liêx Mường Thanh, pov njôngr zơưv Hoàng Văn Khầu chuôz zis li luz tsêr tâu cxiv uô yiêz jông, truôx khor. Muôx tsi ntâu lênhx nênhs pâuz tiêk, kuôk no iz shông, nhoz no tsuôk zos luz tsêr lav uô, cheix ntux no mak yâu chuô lul, ntux lok nas mak xơư nas uô tas nro cxuô lênhx nênhs tsi car pư tsâus jos. Cheix ntux yiêz shông no, tsêr tâu cxiv uô yiêz đros siêz xar njôngr muôx tâu luz nênhx jông đuô thâuv ntêx. Zơưv Hoàng Văn Khầu pheiz kênh: “Thâuv ntêx cur luz tsêr zâu, zos lav uô xưz, cheix ntux nas mak lok six cxơưx. Nhiv no tâu Đảng, têz qơưk paz uô tsêr yiêz, cur lok six uô tsâus ntâu thiêz tso siêz đuô nhoz uô nênhx”.

          Tsi zos zơưv Khầu chuôz zis xưz mak shông 2025, tỉnh Điện Biên tưz huiz tôngv 370 tỷ đeiv ntâu chiê cxiv uô yiêz, kho đuô 8 cxênhz 100 luz tsêr nhoz trâu ziv chuôz zis pluôk, chuôz zis chính sách thiêz têx chuôz zis muôx luz nênhx txov nhêv tiv zix. 8000 cxênhz luz tsêr yiêz, cux zos bâuv li têx qơư khov njôngr txos, viv txix co zuôr paz têx ziv chuôz zis pluôk txu grês cêr pluôk truôx tul.

          Ntơưv jos Pàng Dề B, xã Sáng Nhè, tix lâuk Shôngx A Páo chuôz zis tsênhv shir phaz nox luz tsiêz xuz thơưx ciês hâur luz tsêr yiêz, tix lâuk shir phaz heik: “ Đảng, têz qơưk lok six tsov cưv paz chiê chuôz zis uô tâu tsêr yiêz nhoz uô ntêx thâuv zuôr txos tsiêz. Uô ntêx thâuv cxiv uô lênhs tov xã, têx ban nganhx hâur jos thiêz pox nhuôk cux tưz paz cur chuôz zis lok six ntâu chiê cxiv uô tsêr. Jêx jos sik đros paz max, muôx tsêr nhoz mak cur chuôz zis tso siêz đuô huôv tsar uô nox uô hâuk”.

          Đhâu jiês ntux nas cuôr yôngz zov chênhr hâur shông 2025, ntâu xã tox siêz li: Xaz Zôngz, Mường Luân, Na Son, Tiêx Njênhx.... nhoz tỉnh Điện Biên trâus ruôr hiêv hnhar. Yênhx puôk luz tsêr trâus tox poz uô puôk tsuôx hnhar, ntâu chuôz zis tsi muôx tsêr nhoz. Uô Thủ tướng chính phuv thiêz Bộ côx phax li chox kriê, Quân khu 2 tưz sik côngv đros tỉnh Điện Biên krêz uô tsaz yênhx paz txưv khưx phưx têx trâus ruôr hiêv đhâu jiês ntux nas. Truôx siêz sir jos uô, têx lưx lươngv tưz cxiv uô yiêz tâu 80 luz tsêr, kho đuô 241 luz tsêr trâus puôk tsuôx. Zuôr xar 600 cán bộ, chiến sĩ, dân quân tự vệ cxaz chuôz cxiv uô, thôngx cxix paz cxuô zav chiê tsôngv px nzor truôx tul luz nênhx uô ntêx hâur shôngk shông yiêz.

          Đại tá Nguyễn Nam Lưu, Tsar phongx Côngz xưv quần chúng, Cục chính trị quân khu 2 puz pâuz: Tsi taz tror cxiv kho đuô tsêr nhoz, lưx lươngv vũ trang Quân khu 2 tsênhv sik côngv tsưr tsix têx huôx tôngv li “Tsiêz sor si” khơưk muôz huv tsiêz, học bổng trâu shux xênhz sir jos cơưv ntơưr hênhr, krưr nduôr blâuv, tsưr tsix uô si lov jêv trâu tsôngv px thax tsav trâus ntux nas ruôr hiêv: “Na Son zos thax tsav nhoz tox siêz thiêz tsênhv yuôr ntâu phêv liv, tiv zix zos trâus ruôr hiêv hnhar tiv ntux nas shông 2025. Chênhr viv li Cục chính trị quân khu 2 tưz heik Đảng ủy Bộ tư lệnh quân khu krêz uô hâux lưv sik côngv đros cấp ủy chính quyênx tỉnh Điện Biên chiê uô tsaz yênhx no, taz por pox nhuôk muôx tâu luz tsiêz sor si, shir phaz, uô trơưk Đảng li tsưr ziv zos chuôz zis tưs, lênhx nênhs tưs cux muôx tsiêz nox”.

          Nhoz thax tsav Tây Bắc- Điện Biên, têx luz tsêr yiêz jông tâu cxiv uô tiêr, choz trâu tsôngv px zos têx cêr shir phaz jông, hâur têx luz tsêr yiêz co têx pluôk mor muôx cxix cxuô đuô, mê nhuôk li suôz luôs lov jêv thiêz sor si đuô. Thâuv tsôngv px tsi tsuv nhoz hâur têx luz tsêr lav uô thiêz mak co chênhr zos têx hlôngr yiêz jông lok luz nênhx, mak kror tsênhv tsênhz tso pov chính sách tsênhz tsênhz tâu uô hâur luz nênhx, chuôz cxaz siêz njênhs trâu tsôngv px nhoz ntus đriv têz qơưk./.

Vũ Lợi-Txâur Vax cxeik, nhênhv

Sir jos uô hâux lưv paz trâu chor nênhs moz

          20 shông no, Điều dưỡng Tòng Thị Xuân, Khoa fêik kho-Gây mê paz đas jos, xưk li sưv đros trâu hâux lưv sêiz jor uô hâux lưv thâuv Tsiêz hâur tsêr kho moz, bax chiê chơưv paz trâu chor nênhs moz tsuv tuôx chơưv paz sêi. Điều dưỡng Tòng Thị Xuân hêik: “Têx hnuz nox Tsiêz, Khoa tsik so txêik kho trâu chor nênhs trâus moz hnhar, tsuv tâu chơưv paz sêi viv li sơưr đơưk hâur khoa tsuv sir jos uô hâux lưv. Pêz tsik so bax cov uô ciês tâu têx hâux lưv, sir jos viv chor nênhs moz thiêz chơưv paz cov tâu sêi”.

          Khoa Gây mê paz đas jos zos tsêr kho moz li Khoa chơưv paz đas jos uô ntêx, hâur thiêz đhâu fêik kho moz, đros co zos kriz uô têx hâux lưv lơưr cui tênhv; no zos qơư txêik kho trâu chôngz lênhx nênhs trâus moz hnhar hâur tsêr kho moz. Tiv zix zos thâuv txos Tsiêz têz qơưk, tsik so muôx chôngz nênhs tuôx chơưv paz, kho moz tiv trâus txiêz nanv zoz thôngz, txiêz nanv xênhz huôx, trâus tưx zav nox, moz cik txos lênhs plơưr, lôngx… chôngz lênhx nênhs trâus moz hnhar thiêz sêi, zos tsik tâu chơưv paz nzor mak zuôr zôngx ziv trâus tuôs.

         Thạc sĩ, Bác sĩ Trịnh Xuân Trường, Trưởng Khoa Gây mê paz đas jos puz pâuz, muôx chor nênhs moz tuôx tsêr kho moz thâuv tưz lok six hnhar, tsuv tâu chơưv paz cov sêi. Thâuv co, tas nro sơưr đơưk tsuv sir jos, tsêx trungx uô hâux lưv; cxuô kror tsuv tâu uô cov jông, tsik tsuv uô zuôv chiê paz ngaz tuk trâu nênhs moz: “Zos Khoa chơưv paz, chiê paz uô tâu jông hâux lưv hâur chor hnuz Tsiêz, Khoa tưz bax lênhx nênhs, chuôz zênhx cxix cxuô, tas nro sơưr đơưk tsuv uô hâux lưv yênhx hnuz hmo chiê paz tâu trâu chor nênhs moz. Txơưv tiêk tsênhv nox Tsiêz, taz sik zos uô hâux lưv nganhx y, ntâu shông sơưr đơưk cux tưz sưv đros têx hâux lưv no lơưv, zênhx sir jos cov paz tâu trâu chor nênhs moz”.

           Đhâu yênhx jiês fêik kho moz zos yênhx hmo sir jos uô hâux lưv tsik so, zos têx jiês fêik kho moz truz ntêr muôx yênhx six hơưv. Thâuv cxuô lênhx nênhs tsênhv pư tsâus jos, mak chor y, bác sĩ cux tsênhv tsuv sêiz shuôk jông, chơưv kho trâu yênhx lênhs nênhs moz.

           Chiê uô tâu jông côngz xưv njuôk, kho moz uô ntêx, hâur thiêz đhâu Tsiêz têz qơưk 2026, Tsêr kho moz Đa khoa tỉnh Sơn La tưz cxiv tsa tsưr ziv tsênhz mênhx, tso nênhs sêiz jor yênhx hnuz hmo ntơưv tas nro chor khoa, phòng; chuôz cxaz lưx lươngv ntơưv chor qơư uô hâux lưv zov chênhr li qơư chơưv paz, paz đas jos.

          Lơưr Thạc sĩ, Bác sĩ Mè Thị Xuân, Phưv Giám đốc Tsêr khoz moz đa khoa tỉnh Sơn La, tsưr ziv siêz tiv zix zos sir jos uô jông côngz xưv chơưv paz, chơưv kho tsik so trâu chor nênhs moz; bax têx tsưr ziv chiê kho moz thâuv muôx chôngz nênhs trâus moz, chôngz nênhs trâus tưx sâuv thax tsav: “Hâur jiês Tsiêz chor nênhs moz tuôx tsêr kho moz tsik so zos chor nênhs trâus moz hnhar, tsuv tâu chơưv paz, nox yuôx hâur tsêr tsik jông thiêx tuôx tsêr kho moz. Viv li tsêr kho moz tưz tso nênhs sêiz jor, sir jos uô hâux lưv ntơưv cxuô qơư… chiê phưx vưv, paz tâu trâu chor nênhs moz hâur jiês Tsiêz”.

          Đros Tsêr kho moz đa khoa tỉnh Sơn La li chor nênhs uô hâux lưv, iz chêix ntux yiêz cxix cxuô tưz tsik zos tsuv nhoz đros zuk chuôz zis, mak tsênhv zos thâuv muôx iz lênhx nênhs moz tâu chơưv paz thiêz chơưv kho tâu jông moz, thiêz thâuv paz muôx nzir iz chuôz zis muôx tâu luz nênhx jông thiêz muôx suôz luôs shir phaz./.

Trấn Long-Lik Thox cxêik nhênhv