Nriêr thiêz chox têx poz cxa liệt sĩ tsi tâu xav tênhv tâu xor mông

          Chiê krêz uô ntêx trâu chiến dịch no, qơư nza liệt sĩ xã Bảo Thắng zos qơư xuz thơưx tâu xeir chiê uô siv. Têx hnuz no, txơưv yar ntux cuz sor, taz sik têx lưx lươngv tsênhv yênhx hnuz hmo sir jos uô hâux lưv chiê nriêr tâu têx liệt sĩ li xor mông.

          Nhoz no, muôx 165 luz nza zuôr trâus tâu muôz mẫu ADN jiês xuz thơưx, iz tuêv côngz xưv liên nganhx đros 4 tuêv muôz mẫu tưz tuôx ntơưv no, krêz uô côngz xưv tsi so. Hâux lưv ntâu, six hơưv tsơưs, ho tsuv yưr lir têx poz nza tưz tâu phâus lok six ntâu shông. Đros têx lưx lươngv uô jênhv vưv, lơưr pâuz tsênhz têx mẫu ADN no zos lok six coaz tsôngv chiê nriêr tâu liệt sĩ xor mông thiêz chuôz zis đhâu yênhx châuv shông tos njôngr. Đại tá Hoàng Văn Toàn, Phưv chính ủy Bộ chỉ huy quân sự tỉnh Lào Cai pheiz kênh: “ Đhâu hâux lưv qênhz yuôx tso pov, muôx tas nro cxix luôk chính trị li cxaz chuôz, tiv zix zos lưx lươngv vũ trang, têx bộ đội lâuk, cấp ủy tiv phaz thiêz tsôngv px. Chiến dịch no jênhv tâu tsôngv px li thôngx ziv, hâux lưv muôz mẫu ADN uô jông, trơưk tsưr ziv, taz por zuôr tsi uô zuôv cêr”.

          Lơưr cui tênhv, hâux lưv muôz mẫu tâu uô lok six jông. Yênhx luz nza tâu krêz, yênhx tul câuk hniêr, yênhx tul poz cxa tsênhv yuôr ho tâu têx bác sĩ pháp y uô cov hur, khơưk tsês jông. Iz mẫu ADN zos iz luz nênhx, zos iz chuôz zis, zos têx lênhx niêv plâuz hâu tưz đơưz tas tos njôngr, zos têx lênhx pox niêv tsês tas ntu hluôk chiê tos tul txir tror lok, têx lênhx nhuôk tsi tâu muôx iz jiês pâuz zuk txir tâu phâus hor tưs. Chênhr têx co ho ziv chuôz cxaz đas jos trâu têx kỹ thuật viên uô hâux lưv ntâu six hơưv txơưv yar ntux cuz sor cux tsi so. Zơưv Trần Văn Thủy, kỹ thuật viên tsênhv qơư Pháp y tỉnh Lào Cai heik: “ Tsi nyei khưr, tsi nyei lax. Muôz mẫu cov jông chiê tax ploz tsênhr, côngz xưv no tsuv lok six tsưv ziv uô, tsuôk zuôv mê njik txơưv uô zênhr shar txos chêx cuk njuôs siv tov kaz no”.

          Txix chêx cuk uô siv ntơưv Bảo Thắng, côngz xưv muôz mẫu sinh phẩm tưz tâu krêz uô sâuv tas nro tỉnh. Lưx lươngv vũ trang tỉnh Lào Cai sik côngv jông đros têx nganhx, têx tiv phaz uô cov jông, trơưk tsưr ziv kỹ thuật. Hâux lưv sik côngv no tưz taz por uô trơưk six hơưv thiêz uô jông tiv zix trâu yênhx puôk luz nza. Pov njôngr chinhz yênhx co, thiếu tướng Nguyễn Ngọc Ngân, Phưv chủ nhiệm chính trị quân khu 2 ntâuk grê: “ Cux zos jiês xuz thơưx krêz uô viv li cux phêv liv, tsưr tsix kriê cxaz uô siv uô ntêx trơưk tsưr ziv, zuôr chênhz zênhv, đhâu iz jiês uô mak muôx cxaz chênhz zênhv, yuôr phêv liv kror tưs mak ciêr chênhr car chêx”.

          Tsôngv....yuô! txos nhiv no, tỉnh Lào Cai tưz muôz mẫu ADN tâu trâu 931 sâuv tas nro 1 cxênhz 262 luz nza tsi tâu pâuz xor mông nhoz 10 qơư nza. Đros hâux lưv nriêr xor mông têx liệt sĩ, 13 liệt sĩ nhiv kruôr nriêr tâu ntơưv qơư tsav txênhz thâuv ntêx cux tâu chox lok, uô đaz kruô ntơưv qơư nza. Iz huz poz cxa, iz mẫu sinh phẩm tâu xa muk zos iz siêz tos njôngr yênhx châuv shông đhâu zuôr nriêr tâu têx lênhx nênhs cxênhz jê tror chox lok kuz têz kuz qơư./.

An Kiên-Txâur Vax cxeik nhênhv

Sơn La huôv tsar pênhr jos cxix cxuô, tsơưr lươngv siêz, tax tâu trâu huôv tsar sêi thiêz truôx đrênhk hâur ntu yiêz

           Iz hâur têx jênhv vưv tsênhv njiêz tâu tỉnh Sơn La xav jênhv zos tror hlôngr yiêz cxuô nro zoz zux; gra siêz tsơưr lươngv pênhr jos tax tâu trâu hlôngr yiêz sôr, hlôngr yiêz hành chinhr thiêz hôiv nhập ntiêx têz. Lơưr co, Sơn La zuôr qênhz shuôk, kho đuô cêv kuôk chor tsêr lớp cơưv ntơưr cov huv đros huôv tsar kinh têr-xar hôiv thiêz qơưk pêx xênhv nhoz; uô jông cuiv ar chiê kriz đar chor tsêr cơưv ntơưr, cxiv tsa Đề anr cxuô nro huôv tsar chor tsêr cơưv ntơưr ntu 2026-2030.

           Tỉnh Sơn La tror tsêx trung yưv pênhr uô vax tsêr, zuôr chuôz zênhx kriê ntơưr yiêz jông; sir jos kho đuô chor tsêr cơưv ntơưr, tsêr nhoz đaz tuôs trâu shux xênhz thiêz cưk kriê ntơưr ntơưv têx thax tsav tox siêz, đêz đrôngs, ntus đriv thiêz thax tsav tsôngv box mênhx cxưx tsơưs nênhs. Đros co chuôz cxaz yưv pênhr chuôz zênhx STEM/STEAM, công nghệ thôngz mông, qar cơưv jông, thư viện sôr thiêz phòng thí nghiệm cov tax ploz tsênhr.

           Tsuv hêik, Tsêr cơưv cxênhx pêz Chuyên Sơn La zuôr tâu cxiv tsa lơưr tsưr ziv tsêr cơưv jông, txơưx njê, uô ntêx hlo hâur hlôngr yiêz sôr, huôv tsar kriê ntơưr txix oz zav luk thiêz tênhv qơư xar tơưv STEM/STEAM.

            Iz chas co, tỉnh tror cxiv tsa Tsêr cơưv Phôv thông Mênhx cxưx Nội trú tỉnh Sơn La zos yênhx tsênhv qơư zoz zux tsơưr lươngv siêz trâu shux xênhz mênhx cxưx tsơưs nênhs; đros co uô cov tiêr chor tsêr cơưv nội trú oz cấp nhoz chor xar ntus đriv.

           Tsưr ziv cux sir jos huôv tsar zoz zux kriê uô hâux lưv lơưr saz huv đros ciêz đrôngs lox tôngv, tsưr ziv huôv tsar kinh têr-xar hôiv thiêz hlôngr yiêz sôr ntơưv tỉnh. Chor hâux lưv tâu sir jos kriê zos: công nghệ thôngz mông, hlôngr yiêz sôr, kôngz nuv công nghệ siêz, uô têx hax huv kôngz nuv, du lịch-dịch vuv; logistics, thương mại điện tử đros chor nganhx kỹ thuật, công nghệ.

            Tỉnh Sơn La zuôr chuôz cxaz sik côngv nhoz chor sở zoz zux kriê uô hâux lưv đros doanh nghiệp hâur kruôz kriê, shâuv uô hâux lưv thiêz xêir zuôr; kriz đar uô tsưr ziv “Iz tsaz yênhx-oz kror qơư”, sir jos txos shông 2030 muôx zuôr xar 80% chor nênhs cơưv ntơưv chor qơư zoz zux kriê uô hâux lưv tâu kriê lơưr tsưr ziv sik côngv.

            Đros co, Sơn La zuôr kriz uô dữ liệu lok nênhs lox tôngv, qơư xêir zuôr; huôv tsar hêik pâuz lok hâux lưv uô trơưk tsưr ziv hêik kriê ciês trâu sơưr đơưk pâuz lok sik trực tuyến; chuôz cxaz txuôk đros lox tôngv đros têx tỉnh, thành phố lox thiêz doanh nghiệp nhoz saz đrâuv tỉnh.

           Tsưr ziv cux sir jos gra siêz tsơưr lươngv chor canr bôv, công chức, viên chức thôngz đhâu kriê nzir txux chi lok sêiz car yiêz jông, txux chi tsưr ziv phưx vưv pêx xênhv, txux chi sôr thiêz hlôngr yiêz sôr.

             Tiv zix, tỉnh Sơn La xav jênhv huôv tsar pênhr jos tsơưr lươngv siêz hâur chor hâux lưv công nghệ sôr, txux chi nhân tạo AI, dữ liêuk lox (Big Data), điện toán đám mây zos jênhv vưv zos chênhr hâur ntu yiêz. Lơưr co, Sơn La zuôr cxiv tsa tsưr ziv kriê txux chi, zaz zâuv chor nênhs txơưx, kỹ sư, canr bôv kỹ thuật muôx txux chi siêz; chuôz cxaz sik côngv đros chor tsêr cơưv đại học, viện nhênhz chơưv thiêz doanh nghiệp công nghệ chiê kriê, choz zok công nghệ thiêz paz trâu uô hâux lưv.

            Hâur hâux lưv zoz zux thiêz sêiz car pênhr jos, tỉnh sir jos cxiv tsa cxiv luôs sêiz car zoz zux trơưk dữ liệu sôr; kriz uô nền tảng cơưv ntơưr trực tuyến, ntâuz ntơưr cơưv ntơưr điện tử, thư viện sôr thiêz lớp cơưv txơưx njê huv đros trâu tỉnh tox siêz. Đros co cxiv tsa dữ liệu tsêx trung lok tỉnh li pênhr jos, uô cov tâu jông nhoz cơ quan sêiz car, qơư kriê txux chi thiêz doanh nghiệp; sir zôngv công nghệ sôr thiêz nriêr pâuz dữ liệu hâur njuôk xav chor pênhr jos thiêz njuôk xav tso tơưv têx tsênhv chêi.

           Tsưr ziv tror kriz uô jông Đề anr “Cxiv tsa xar hôiv cơưv ntơưr ntu 2021-2030”; uô cov jông chor tsênhv qơư cơưv ntơưr côngv thôngx; huôv tsar tsưr ziv cơưv ntơưr cov jông, cơưv ntơưr tas siv nênhx huv đros trâu tỉnh tox siêz. Tỉnh cux sir jos uô sir zôngv công nghệ thôngz mông, cxiv tsa học liệu sôr zôngv uô cê, huôv tsar cxiv luôs sinh thái cơưv ntơưr sôr, paz trâu pêx xênhv cơưv tâu tsik so, paz muôx txux chi uô hâux lưv thiêz txux chi sôr.

            Đros co, Sơn La tror sir jos uô, phuôx huiz cxaz chuôz UNESCO cxiv luôs Thành phố cơưv ntơưr thôngz ntiêx têz ntơưv chor phường Tô Hiệu, Chiềng Cơi, Chiềng An, Chiềng Sinh thiêz kriz đar uô tsưr ziv no ntơưv têx thax tsav qơư txơưr.

              Trơưk tsưr ziv, tỉnh zuôr kriz đar sik côngv đros têx tỉnh Trung du thiêz tox siêz faz Bắc, chor tsêr cơưv đại học, viện nhênhz chơưv, tsưr tsix khoa học thiêz công nghệ hâur thiêz đrâuv têz qơưk chiê sik thav lok chênhz zênhv, kriê txux chi thiêz huôv tsar pênhr jos tsơưr lươngv siêz. Đros co chuôz cxaz hêik pâuz, paz trâu nênhs lox tôngv tâu kriê txux chi, cơưv shâuv uô hâux lưv thiêz uô hâux lưv saz đrâuv têz qơưk; paz kriê cơưv hêik têx luk saz đrâuv tez qơưk, txux chi uô hâux lưv thiêz txux cho hôiv nhập uô ntêx zuôr muk uô hâux lưv saz đrâuv têz qơưk…/.

Thanh Thủy-Lik Thox cxêik nhênhv