Tsêr meir tênhv sinh khối Yên Bái 1- huôv tsar năng lượng yiêz thax tsav Tây Bắc

Tsêr meir tênhv sinh khối Yên Bái 1 zos Công ty TNHH Tênhv sinh khối eREX Yên Bái, nhoz Công ty CP Tập đoàn eREX (Nhật Bản) uô tsưr yưv pênhr, đros tas nro pênhr yưv uô njuôs xav muôx 3 cxênhz tỷ đeiv, tâu cxiv tsa sâuv mênhv chêx đar zuôr xar 11 hecta.

          Dự án muôx 1 tuêv meir muôx công suất 50 KW tênhv sinh khối, zôngv công nghệ tênhv pa đêx cxơưz chax chês đros têx qơư cxênhx tsês, seiz car, paz txưv txơưr. Chuôz zênhx chiê tsêr meir tsiv uô zos têx tsoz chos kôngz-jôngr nuv sâuv tahx tsav tỉnh thiêz têx thax tsav nhoz buôk co, đhâu co gôngr phênhv sir zôngv muôx chêx cuk têx sinh khối, txu grês tso têx vuôz tsuôz kiês nênhs thiêz por vêv tênhx qơư.

          Tsôngv box tiv phaz njênhs njôngr dự án zuôr muôx cxaz hâux lưv uô, paz huôv tsar KTXH. Niêv lâuk Đào Thị Hoàn, nhoz jos Cầu Khai, xã Đông Cuông pheiz kênh: “Zos tsôngv box nhoz no pêz lok six shir phaz thâuv tsêr meir tâu krêz côngz cxiv uô thiêz njênhs njôngr zuôr car chêx hâux lưv uô trâu ntâu lênhx nênhs lox tôngv tiv phaz”.

          Phuôx plov ntơưv ntênhs, Phưv Chủ tịch UB tỉnh Lào Cai Ngô Hạnh Phúc heik mênhx, hâux lưv krêz côngz cxiv uô tsêr meir tênhv sinh khối Yên Bái 1 muôx ziz njiêz lok six coaz tsôngv, tsưr tsix trơưk ntu Thủ tướng chính phuv phuôx tôngv ntâu dự án lox krêz côngz cxiv uô sâuv tas nro têz qơưk hơưv tos Đảng li đại hội 14. Thôngx cxix khav tênhv tiv phaz lok six shir phaz thâuv tâu Tập đoàn eREX  Nhật Bản xeir zos qơư yưv pênhr taz por, njênhs njôngr chiê huôv tsar dự án no. Hâux lưv krêz uô dự án huv dros tỉnh li tsưr ziv huôv tsar KTXH, đros têz qơưk li tsưr ziv huôv tsar hur jông, thôngx cxix jôngr phênhv uô Chính phuv VN li cam kết txu grês têx pa kiês nênhs tâu tso lok hâur khôngz qiv lok shông 2050: “Tỉnh Lào Cai sâu jênhv thiêz kruôk txos tsưr yưv pênhr li têx sir jos cux xưk li têx sở, ban, nganhx, chính quyênx tiv phaz thiêz tsôngv box nhoz hâur thax tsav dự án li sik côngv hâur côngz xưv njuôs xav, ar têz, paz cxuô zav chiê dự án tâu krêz uô trơưk six hơưv. Thâuv uô tiêr, tsêr meir zuôr gôngr phênhv coaz tsôngv muôz siêz tsiv grê tsiv uô công nghiệp, cxaz nzir tênhv tênhz trâu tênhv tênhz têz qơưk, muôz hâux lưv uô, chuôz cxaz phênhv sâu thiêz cxơưz tiês huôv tsar KTXH tiv phaz”.

          Tỉnh Lào Cai cux thix ziv tsưr yưv pênhr chêx chôngk pênhr jos, uô dự án taz por tsơưr lươngv, tsưr ziv tso tơưv, uô jông pháp luật VN li têx cui tênhv lok yưv pênhr, cxiv tsa, ar têz, por vêv tênhx qơư... Tỉnh cux cam kết tror sik côngv, paz max car chêx têx phêv liv hâur ntu krêz uô dự án.

          Njuôs xav, tsêr meir huôx tôngv txix hâur shôngk shông 2028, gôngr phênhv coaz tsôngv lok hâux lưv uô tỉnh li tsưr ziv huôv tsar “hur jông, shir phaz”, krêz tơưv tsưr ziv yiêz lok huôv tsar truôx tul, huv đros hâur KT- tênhx qơư nhoz thax tsav Tây Bắc heik cxuô thiêz Lào Cai heik taz./.

Thừa Xuân-Txâur Vax cxeik nhênhv

Tỉnh Sơn La tsênhv jux juk txo grêk tsơưs têx gơưv niêv txir siz zuôr nzor, siz zuôr cxênhz jê chiê gra siêz tsơưr lươngv jênh sôr

Hâur 5 shông đhâu, tỉnh tưz fuô uô ntâu faz tsưr ziv buôk ti yax kriê thiêz muôz uô cê đros ntâu hâux lưv, têx jiês cơưv li: Cơưv 22 jiês lok yax kriê siz zuôr nzor siz zuôr cxênhz jê têx tsi jông đros thiêz muôx 2 cxênhz ntâu lênhx đại biểu cxaz chuôz dự; tsưr tsix cơưv 18 jiês cxaz nzir têx txux chi, tsưr ziv thiêz heik kriê têx mông trâu 500 ntâu lênhx canr bôv, txir ndâux txir luk tsôngv box heir nênhs tsơưs; tsưr tsix 37 jiês sik tưr nriêr pâuz, yax kriê lok chei siz zuôr thiêz chuôz zis ntơưv têx tsêr cơưv, hu zâuv xar muôx 6 cxênhz lênhx cưk kriê ntơưr, shux xênhz thiêz shux xênhz li niêv txir cxaz chuôz. Iz chas co, tỉnh tsênhv đros cxuô cơ quan yax xa mông chiê yax kriê, vênhv tôngv, gra siêz txux chi tsưr ziv jênhv pâuz thiêz hlôngr yiêz siêz xar hâur luz nênhx niêx hnuz.

Khov li co, sơưr đơưk tưz jux juk jênhv pâuz lok siz zuôr nzor, siz zuôr cxênhz jê têx tsi jông. Tsôngv box cxuô heir nênhs tưz moz siêz đuô txos uô trơưk Chei siz zuôr thiêz chuôz zis têx cui tinhv, iz chas ntơư, pâuz tsênhz txos tsơưr lươngv jênh sôr têx jông thiêz tsi jông. Têx gơưv niêv txir siz zuôr nzor hâur thax tsav tỉnh tưz txo grêk tsơưs txix 17% shông 2015 yuôr 11% ntâu lok shông 2024 thiêz xar muôx 9% hâur  6 luz hlik hâur shôngk shông 2025. Chor gơưv niêv txir siz zuôr cxênhz jê cux txo grêk tsơưs lok six ntâu, txix 0,21% shông 2015 yuôr 0,01% lok shông 2024, thiêz tsi pov muôx gơưv niêv txir tưs siz zuôr cxênhz jê hâur shôngk shông 2025. Têx uô tâu li heik co, tưz paz cxơưz kinh tế xã hội huôv tsar, hlôngr yiêz tsôngv box heir nênhs tsơưs luz nênhx. Têx ziv chuôz zis pluôs hâur tas nro tỉnh txo grêk ntâu, txix zuôr xar 32% shông 2016 yuôr xar muôx 11% lok kaz shông 2024.

Hâur ntu zuôr txos, Sơn La xav tinhv tror sir jos uô jông luôs hâux lưv yax kriê, tuôr truôx têx lâul jok, tsar jok, txir ndâux txir luk cêr uô ntêx nyuôs hâur côngv thôngx; tsi tas li, cux cxơưz tiês cxuô ngênhx, ntơưv qơư cêr sik hux jos, siz paz thiêz hu zâuv nzir pênhr jos chiê tsưx phưv tâu truôx têx luôs hâux lưv uô tâu heik sâuv, jux juk phax tir thêir, txo grêk tsơưs têx gơưv niêv txir siz zuôr nzor, siz zuôr cxênhz jê hâur thax tsav.

Chiê gra siêz tsơưr lươngv jênh sôr, tỉnh Sơn La tsênhv fuô uô ntâu faz tsưr ziv, sir jos trâu hâux lưv hlôngr tsưr ziv xênhz zus nhuôs trâu jênh sôr thiêz huôv tsar truôx, muôx têx ngênhx y tế, zoz zux thiêz kinh tế. Têx tsưr ziv zov chênhr zos:

1.Sir jos uô jông luôs hâux lưv yax mông thiêz zoz zux

-Yax kriê, vênhv tôngv: Sir jos yax mông, piêr kriê lok hâux lưv jênh sôr, đas jos xênhz zus nhuôs, lar heik zos ntơưv têx thax tsav tsôngv box heir nênhs tsơưs thiêz thax tsav ntus đriv.

-Txo grêk jux juk cêr nênhx pôngz kaz: Sir jos yax kriê chiê txo grêk tsơưs têx gơưv niêv txir siz zuôr nzor, siz zuôr cxênhz jê, xênhz zus tus nhuôv tiv 3.

-Gra siêz tsưr ziv jênhv pâuz: Hlôngr pâur pêx xênhv tsưr ziv, siêz xar lok phax tir thêir tsi chiê chêr xênhz tuz chiê phax txar têx tsi jông, paz xênhz zus truôx tuk, trơưk cui tinhv.

2.Hlôngr yiêz tsơưr lươngv dịch vụ y tế

-Tsoz phưz đas jos xênhz zus nhuôs: Piêr kriê ntâu tsưr ziv xênhz zus nhuôs huv đros, zôngx ziv buôk ti trâu tsôngv pêx xênhv, lar heik zos chor tuz nxeik hluôk.

-Fuô  kriê tsưr ziv seiz njuôk shuôs đas jos, têx moz gênhk.

-Tsoz phưz nênhs lâul hnuz nhôngs siêz: Moz siêz txos tsoz phưz đas jos trâu nênhs lâul hnuz nhôngs siêz thiêz huv đros ntu jênh sôr lâul.

3.Gra siêz luz nênhx nox nhoz, xênhz huôx

-Huôv tsar kinh tế: Fuô uô têx tsênhv chei tsênhv tsênhz chiê gra siêz luz nênhx kinh tế, txo grêk têx chuôz zis pluôs, viv tsơưr lươngv jênh sôr cik txos kinh tế xã hội.

-Huôv tsar truôx: Gra siêz pêx xênhv luz nênhx thôngz đhâu têz qơưk têx tsaz yênhx huôv tsar kinh tế xã hội thax tsav tsôngv box heir nênhs tsơưs thiêz tox siêz. Têx sir jos li heik sâuv zos chiê uô tâu luôs hâux lưv tso tơưv lok gra siêz  tsôngv pêx xênhv Sơn La luz nênhx, xênhz huôx, taz por huôv tsar sei thiêz truôx./.

Bích Thủy-Riê Lâux cxeik, nhênhv

Sir jos txoz cxơưx trâu chor nênhs trâus sêv khiz luz chêr

* Nênhs sêv khiz luz chêr zos:

Lơưr Chêi nênhs trâus sêv khiz luz chêr 2010, nênhs trâus sêv khiz luz chêr tâu xav zos chor nênhs muôx iz lok sik ntâu kror sâuv luz chêr trâus sêv khiz, tsik muôx jos li têx têk tơư nkhâuk lêv, uô tsik tâu lox tôngv, xênhz huôx thiêz cơưv ntơưr xưk li chor nênhs txơưr.

- Muôx 6 zav trâus sêv khiz luz chêr tâu cui tênhv, zos: trâus sêv khiz têx têk tơư, hêik luk tsik tâu, njiê tsik pov cêr, nênhs tsik xênhr jông, tsik njê thiêz trâus sêv khiz txơưr.

- Nênhs trâus sêv khiz tâu phêiz uô têx thênhv sêv khiz lu đrav kaz:

+ Nênhs trâus sêv khiz lok six hnhar zos chor nênhs zuôr tưx uô tsik tâu têx huôx tôngv phưx vưv trâu zuk li xênhz huôx hâur yênhx hnuz tiv trâus sêv khiz luz chêr.

+ Nênhs trâus sêv khiz hnhar zos nênhx zuôr tưx uô tsik tâu iz cxiê kror huôx tôngv chiê paz trâu zuk xênhz huôx hâur yênhx hnuz tiv trâus sêv khiz luz chêr.

+ Nênhs trâus sêv khiz zâu zos nênhs tsik jông xưk li chor nênhs trâus sêv khiz lok six hnhar thiêz hnhar li hêik tas sâur.

- Đros tsưr ziv nênhs trâus sêv khiz luz chêr zos iz phênhv muôx hâur côngv thôngx mênhx cxưx, muôx txâuk cxuô kror hâux luz nênhx, cơưv ntơưr, lox tôngv thiêz cxaz chuôz chor huôx tôngv xar hôiv li cxuô lênhx nênhs txơưr, chênhr viv li, têx shông đhâu, Đảng, têz qơưk tsik so txoz cxơưx trâu nênhs trâus sêv khiz luz chêr lơưr tsưr ziv “tsik chiê lênhx tưs trâus tso tsês tov kaz”.

* Phênhv paz trâu nênhs trâus sêv khiz luz chêr shông 2025: Lơưr cui tênhv nhiv no, phênhv paz trâu nênhs trâu nênhs trâus sêv khiz luz chêr shông 2025 yênhx hli nhiv no li đrav kaz:

- Đros chor nênhs trâus sêv khiz lok six hnhar zos: 1 triệu đêiv iz hli

- Chor nhuôv zâu trâus sêv khiz lok six hnhar lok sik nênhs lâul zos nênhs trâus sêv khiz luz chêr lok sik hnhar zos: 1.250.000 đêiv iz hli.

- Chor nênhs trâus sev khiz luz chêr hnhar zos: 750.000 đêiv iz hli

- Chor nhuôv zâu trâus sêv khiz luz chêr hnhar lok sik nênhs lâul trâus sêv khiz luz chêr hnhar zos: 1 triệu đêiv iz hli.

* Sơn La: Tas nro tỉnh nhiv no muôx 44.000 ntâu lênhx nênhs tâu sơưv tsênhv chêi paz xar hôiv, phênhv ntâu zos nênhs trâus sêv khiz luz chêr thiêz phênhv ntâu zos nênhs trâus sêv khiz luz chêr ntơưv côngv thôngx.

Ntu đhâu, côngz xưv txoz cxơưx, paz trâu nênhs trâus sêv khiz luz chêr tsik so tâu cxuô cấp, cxuô nganhx, chor doanh nghiệp, nênhs siêz jông hâur thiêz đrâuv tỉnh txix têx hâux lưv uô tsênhv tsênhz. Ciês hâur hli 9/2025, Sở Y têr Sơn La tưz muôz 1.400 ntơưr xav jênhv trâus sêv khiz luz chêr trâu chor xar, phường chiê tror qênhz yuôx, xav jênhv thênhv trâus sêv khiz luz chêr, paz trâu pêx xênhv nzor buôs ti tâu têx tsênhv chêi paz cov huv đros.

Xav iz shông, cxuô cấp hôiv hâur tỉnh tưz hêik chor nênhs siêz jông hâur thiez đrâuv tỉnh, chor tsưr tsix chinhr triv xar hôiv sik côngv paz txix nhiêx txiêx thiêz cxuô zav tâu xar muôx 2 tiv đêiv. Txix kror cuiv no, cxuô cấp Hôiv paz trâu nênhs trâus sêv khiz luz chêr, nhuôs njuôs hâur tỉnh tưz tsưr tsix thiêz sik côngv tsưr txix chor huôx tôngv paz trâu yênhx cxênhz lênhx nênhs trâus sêv khiz luz chêr, nhuôv njuôs, paz trâu lơưr truôx siêz, sir jos đuô hâur luz nênhx./.

Thu Thùy-Lik Thox cxêik nhênhv