Ciêv fix zos tsoz chos paz trâu tsôngv px thax tsav tox siêz hlôngr yiêz luz nênhx

          Tsôngv box Cho, ciêv fix zos tsoz chos tsênhv đros tsôngv box luz nênhx đhâu ntâu cxênhx nênhs lok no. Niêv lâuk Đặng Thị Thêm nhoz jos Làng Câu, xã Tân Hợp, tỉnh Lào Cai (zos huyện Văn Yên, Yên Bái kuz) txix thâuv tsênhv zâu tưz lok six shưv đros hâux lưv muk sâu tơưr ciêv fix, thâuv txos cheix sâu ciêv fix mak pov ciêv fix lok six tsư kaz.

          Sâuv têx tox trôngz niêv lâuk Thêm chuôz zis tưz huôv tsar chos cxaz 50 hecta ntâu ciêv fix hữu cơ. Iz shông, phênhv sâu txix txiêr chês, đê blôngx cux chox lok yênhx puôk tsov đeiv trâu chuôz zis. Tsi taz uô bluô nux trâu chuôz zis, ciêv fix tsênhv muôz hâux lưv uô yax six trâu ntâu lênhx nênhs lox tôngv hâur jos, paz pox nhuôk muôx phênhv sâu truôx ciês nhoz zuk thax tsav qơư nhoz. Niêv lâuk Đặng Thị Thêm puz pâuz:“Khov muôx ciêv fix mak pox niêv vir ndâuk hâur jos tsi tsuv muk uô nox đêz. Lênhx tưs cux muôx hâux lưv uô, muôx phênhv sâu, luz nênhx tsi khưr li thâuv ntêx thiêz”.

          Cux nzor pov tsênhz têx tsiv grê txix tsoz ciêv fix, zơưv Trần Văn Tráng, iz lênhx bộ đội lâuk nhoz xã Xuân Ái, tưz truôx siêz cxiv tsa thax tsav chos ciêv fix đar lox. Txix têx tox trôngz đo thâuv ntêx, txos nhiv no zơưv Tráng tưz muôx 20 hecta ntâu ciêv fix, iz hecta chox lok tsiv grê kinh têr siêz. Tsi taz uô bluô nux trâu zuk, shông 2024, zơưv Tráng đros iz cxiê ziv chuôz zis tsôngv box tưz yênhx lix HTX Chinh Quế, zơưv uô Giám đốc. HTX muôx 39 lênhx nênhs, seiz car tsiv uô txix 300 txos 475 hecta ciêv fix hữu cơ. Iz shông, HTX sâu zuôr thiêz tsiv uô 300-400 tênhr ciêv fix, phênhv sâu tax yênhx châuv tỷ đeiv, muôz hâux lưv uô truôx trâu yênhx puôk nênhs lox tôngv tiv phaz. Zơưv Trần Văn Tráng puz pâuz:“Nhiv no, HTX li xiv huv tâu tsưr tsix tsoz phưz thiêz tsêz chos jông đuô thâuv ntêx, muôz siêz suôz bê thiêz taz por tsơưr lươngv, tuôv zênhv cxix cxuô tsôngv kruô li zoz qơưx”

          Ntơưv xã tox siêz Lâm Thượng, tỉnh Lào Cai (tiv phaz nhoz huyện Lục Yên, Yên bái kuz) têx ziv chuôz zis tsôngv box li têx hlôngr yiêz hâur luz nênhx cux qir txix tsưr ziv uô no. Niêv lâuk Bàn Thị Mến, nênhs Cho nhoz xã Tân phượng kuz- nhiv no zos Lâm Thượng puz pâuz cxaz:“Zos tsuôk muôs ciêv fix nhôngs mak grê tâu kis, muôx têx thâuv tsi txâuk pâux nzir côngz tsoz phưz. Taz sik thâuv uô ciêv fix kruôr, pheiz tsơưr lươngv yênhx xiv huv mak grê muôs siêz đuô 2,3 jiês. Khov co cur chuôz zis luz nênhx hla đhâu cêr pluôk, uô tâu tsêr nhoz jông, cxơưx tâu trâu mê nhuôk muk cơưv ntơưr, tso siêz tos tsiêz yiêz shir phaz cxix cxuô đuô”.

          Lơưr thôngz sâu, tas nro tỉnh Lào Cai nhiv no muôx zuôr xar 148 cxênhz hecta ciêv fix, tsav zuôr xar 80% mênhv chêx ciêv fix tas nro têz qơưk. Tsiv grê tsiv uô nganhx ciêv fix shông 2025 njuôs xav tax 5 cxênhz 100 tỷ đeiv ntâu. Hla trâu shông 2026, ciêv fix tror tâu njuôs pov zos iz hâur têx nganhx kinh têr kôngz jôngr nuv tsênhv nhoz hâur tỉnh. Zơưv Lê Thanh Hùng, Chủ tịch UB xã Đông Cuông, tỉnh Lào Cai puz pâuz:“Pêz tưz sik côngv đros tsênhv qơư zuz nôngz tỉnh chiê paz kỹ thuật trâu pox nhuôk, hâur co tsov cưv tiv zix txos côngz xưv tuôr tsês nôngz ciêv fix. Đrâuv co, tiv phaz tsênhv hu têx chuyên gia tuôx heik kriê kỹ thuật chiê muôz siêz chêx cuk tsiv uô trâu tsôngv box sđ”

          Txix iz zav tsoz chos đros đreiv tsôngv box Cho luz nênhx đhâu ntâu cxênhx nênhs, ciêv fix nhiv no tưz yênhx tsoz chos tsênhv chiê huôv tsar uô nox, hlôngr yiêz KTXH thax tsav tox siêz Lào Cai. Têx har jôngr ciêv fix tâu chos njuôz jông jông li tso pov iz luz nênhx yiêz truôx tul, tsâu sor đuô đros tsôngv pox nhuôk nhoz thax tsav qơư no./.

                                                                                                       Trịnh Xuân- Txâur Vax cxeik nhênhv

BAX TOK ĐAIV HÔIV ĐẢNG TAS NRO TÊZ QƠƯK JIÊS TIV XIV

Yax kriê lok Đảng thiêz Têz qơưk

Đaiv hôiv đaiv biểu Đảng Cộng sản Việt Nam tas nro têz qơưk jiês tiv XIV njuôk xav zuôr tâu kriz cơưv txix hnuz 19 txos 25 hli 1 shông 2026 ntơưv Hà Nội, ntâuv chiv iz xor xưv chinhr triv zov chênhr, kriz tơưv iz ntu huôv tsar yiêz, tsêx trung trâu hlôngr yiêz, huôv tsar têz qơưk bluô nux, vav mênhx, paz trâu Việt Nam sơưr fiv đros tâu trâu cxuô luz têz qơưk, chiv nhênhv 100 shông yênhx lix Đảng thiêz tsưr ziv uô txos shông 2045. Đaiv hôiv zuôr sêiz lax thiêz thôngz đhâu chor văn kiện zov chênhr, njuôk xav tsưr ziv uô trâu ntu txuôk lơưr, khov trâu têx uô tâu hâur 40 shông Hlôngr yiêz. Tsaz yênhx zuôr xa txos trâu pox nhuôs sơưr đơưk tsênhv njiêz yax kriê bax tok Đaiv hôiv. Tsênhv tsênhz li đrav kaz:

Shir phaz bax tok Đaiv hôiv đaiv biểu Đảng tas nro têz qơưk jiês tiv XIV!

Đảng Cộng sản Việt Nam chox kriê, tsưr tsix cách mạng Việt Nam tsưx phưv truôx têz qơưs!

Đảng chox kriê, Têz qơưk sêiz car, Pêx xênhv uô tsưr!

Côngv siêz-px uô tsưr-Têz qơưs sêiz car-Hlôngr yiêz-Huôv tsar!

Côngv jos, thôngx siêz kriz uô cxuô luôs hâux lưv huôv tsar têz qơưk txos shông 2030!

Tas nro viv iz têz qơưk Việt Nam hux fênhx, px uô tsưr, bluô nux, vav mênhx, shir phaz!

Muôx tsưr ziv uô tâu tiêr cxuô luôs hâux lưv tso tơưv, sir jos hla đhâu têx phiv liv, huôv tsar truôx têz qơưk, mênhx cxưx truôx siêz, hla trâu ntu hlôngr yiêz thiêz huôv tsar yiêz!

Huôv tsar kinh têr, xar hôiv, Mênhx cxưx Việt Nam luz nênhx hlôngr yiêz!

Sik côngv đas jos cxiv tsa thiêz huôv tsar tsưx phưv têz qơưk truôx khor!

Sir tas đas jos, tsưr ziv, viv Têz qơưk, viv pêx xênhv!

Têz qơưk thiêz Pêx xênhv zos kror zov chênhr, uô ntêx hlo!

Têz qơưk Việt Nam truôx tuk; Têz qơưk Việt Nam hux fênhx; Mênhx cxưx Việt Nam luz nênhx hlôngr yiêz, huôv tsar jông!

Đảng Cộng sản Việt Nam đros đrêiv hâur luz nênhx!

Têz qơưk Cộng hòa xar hôiv chủ nghĩa Việt Nam đros đrêiv hâur luz nênhx!

                                                                                                        VOVTB-Lik Thox cxêik nhênhv