Hlôngr yiêz paz trâu trôngx đriv Lào Cai uô tâu jông đuô cxuô luôs hâux lưv tso tơưv

Ntơưv qơư barie sôr 1, Trôngx đriv ntiêx têz cêr ar sôr II Kim Thành, yênhx luz yêz thâux kôngz nuv sik lơưr liês muk đhâu trôngx đriv. Đros muôx txâuk trâu 5 jiês yêz muk lok, iz luz yêz tsuôk tas tsơưs đuô 2 phênhz chiê uô têx ntâuz ntơưr muk lok đhâu ntơưv trôngx đriv xưz. Kror no zos muôx cxiv luôs AI thiêz barie đros paz uô. Tix lâus Nguyễn Việt Long, canr bôv kỹ thuật VNPT Lào Cai hêik pâuz:“Sir zôngv camera AI thiêz barie tự động paz chor lưx lươngv muôx vax huôv qênhz yuôx nzir tâu jông đuô muk lok đhâu trôngx đriv. Iz chas co, doanh nghiệp cux pâuz tâu lơưr tưz uô tiêr têx ntâuz ntơưr lok tsik tâu uô ciês sâuv chuôz zênhx no”.

Muôx công nghệ paz mak lênhx nênhs tsik tas ntâu đas jos, taz sik chiê yênhx puô luz yêz hâur iz hnuz muk lok đhâu ngaz tuk, cux tsuv muôx chor lưx lươngv uô têx hâux lưv ntơưv no li sir jos. Ntơưv chor qơư zov chênhr, chor tuz lênhv pênhz phax tsik so muôx njêx muôs chox kriê cov chor yêz thiêz têx hax huv tsik njiz ntâu phiv liv. Trung tá Vũ Trọng Đạt, Zênhx tsar Zênhx Pênhz phax Trôngx đriv Ntiêx têz Lào Cai puz pâuz:“Zênhx Pênhz phax trôngx đriv ntiêx têz Lào Cai tưz cxiv tsa tsưr ziv, chox kriê, chuôz cxaz lưx lươngv, qênhz yuôx, uô têx ntâuz ntơưr trâu chor yêz, nênhs muk lok đhâu cov têx ntâuz ntơưr tâu uô sêi, jông thiêz huv chêi têz qơưk”.

Chor nênhs tsar yêz thâux têx hax huv muk lok đhâu ntơưv no zos chor nênhs pâuz  thiêz njiê pov tâu ciês têx hlôngr yiêz no đuô hur si, viv lơưr zos ciês chor nênhs tâu sơưv liv. Nguyễn Minh Tuệ, lênhx nênhs tsar yêz txix Gia Lai tuôx puz pâuz:“Pir li thâuv ntêx no mak tưz sêi đuô lok six ntâu lơưv. Cur pov lok six jông siêz, têx qơư uô ntâuz ntơưr puôr lênhx tâu uô jông, muk lok đhâu mak tâu uô lok six sêi”.

Chiê uô tsưr công nghệ, lênhx nênhs cux tâu tsov cưv txos lok six ntâu. Chi cục Hải quan Thax tsav VII tưz sir jos kriê txux chi trâu chor canr bôv cov pâuz tâu txos têx kror yiêz li txux chi nhân tạo thiêz uô tâu ntâu hâux lưv đuô chiê paz trâu doanh nghiệp nriêr pâuz mã HS thiêz uô tâu têx ntâuz ntơưr nhiêx sê. Zơưv Lê Phương, Phưv Chi cục trưởng Chi cục hải quan thax tsav VII hêik pâuz:“Pêz tsêx trung sir zôngv công nghệ thôngz mông uô têx hâux lưv, tsưr ziv njuôk xav, nriêr pâuz cxuô kror, nriêr pâuz lok AI, Big Data, Internet… pêz cux tưz kriê têx txux chi no trâu chor canr bôv công chức”.

Hlôngr yiêz ntơưv Kim Thành zos kror paz trâu Lào Cai sir jos uô tâu tsưr ziv phênhv sâu muôs tơưv saz đrâuv têz qơưk tâu 4,5 tiv đôla hâur shông 2026. Zơưv Vương Trinh Quốc, Trưởng Ban Sêiz car Qơư kinh têr tỉnh Lào Cai hêik mênhx:“Uô trôngx đriv sôr lok sik trôngx đriv txơưx njê, zov chênhr zos dữ liệu. Pêz tror uô cov tiêr, txuôk nzir chor thôngz xor mông đros têx bôv nganhx; đros co, txuôk đros nền tảng sêiz car pêx xênhv, Đề anr 06 cov trôngx đriv uô tâu hâux lưv jông đuô”.

Hlôngr yiêz tưz paz trâu Lào Cai truôx đuô chiê zos tsênhv qơư txuôk đros nhoz Việt Nam, ASEAN đros thax tsav Tây Nam Trung Quốc. Iz tênhv qơư zuôr muôs truôx jông, hlôngr yiêz tsênhv jux juk tâu kriz uô txix chor lưx lươngv nhoz ntơưv trôngx đriv li têx sir jos, txơưx uô tâu sêi thiez jông têx luôs hâux lưv./.

                                                                                                             An Kiên-Lik Thox cxêik nhênhv

Têx lênhx nênhs tâu sơưv cuiv nhiêv BHYT paz thêv 100% nhiêx khiêz kho moz gênhk, uô lơưr txix hnuz xiêz 01/01/2026

Chei kho đuô, cxaz nzir Chei BHYT iz cxiê grê, muôx têx lênhx nênhs li đrav kaz tâu cuiv nhiêx BHYT paz thêv 100% nhiêx khiêz kho moz gênhk txix hnuz xiêz 01/01/2026.

Tiv 1 zos chor tuz lênhv tsênhv uô hâux lưv tsưx phưv têz qơưk, công an, têx lênhx nênhs uô hâux lưv zov chênhr tâu sơưv nhiêx hli iz zav li tuz lênhv.

Tiv 2 zos chor tuz lênhv tsênhv uô hâux lưv zok muôz tsưx phưv têz qơưk; têx lênhx uô hâux lưv hâur công an; têx lênhx tsênhv cơưv uô tuz lênhv, cơưv uô công an...tâu sơưv têx nhiêx paz xênhz huôx zos nênhs Việt Nam.

Tiv 3 zos têx lênhx tsênhv cơưv uô tuz lênhv, cơưv uô công an, cơưv uô têx hâux lưv zov chênhr tsưx phưv têz qơưk tâu sơưv têx nhiêx paz xênhz huôx zos nênhs saz têz qơưk đrâuv.

Tiv 4 zos têx lênhx cơưv uô tuz lênhv txix 3 luz hlik tror zar sâuv tsi tâu cxaz chuôz BHXH, BHYT.

Tiv 5 zos jênh quân thường trực.

Tiv 6 zos têx lênhx nênhs muôx côngz trâu têz qơưk lơưr Pháp lệnh li cui tinhv tsov cưv nênhs muôx côngz têz qơưk, tuz lênhv lâul.

Tiv 7 zos têx lênhx nhuôs zâu tsi tâu muôx 6 shông.

Tiv 8 zos chor tuz lênhv tâu tas siv nênhx viv tsưx phưv têz qơưk têx lênhx nênhs hâur chuôz zis, nênhs muôx côngz tu chor tuz lênhv tâu tas siv nênhx viv uô hâux lưv tsưx phưv têz qơưk lơưr Pháp lệnh cui tinhv tsov cưv nênhs muôx côngz têz qơưk.

Tiv 9 zos têx chuôz zis pluôs; heir nênhs tsơưs muôx luz nênhx txov nhêv tsênhv uô nênhx nhoz hâur têx xã, jok thax tsav tsôngv box heir nênhs tsơưs thiêz tox siêz; heir nênhs tsơưs tsênhv uô nênhx nhoz trâu thax tsav txov nhêv; têx lênhx nênhs tsênhv xênhz huôx nhoz xã poz hiêr.

Tiv 10 zos têx lênhx tsênhv tâu sơưv nhiêx paz xã hội niêx hli; lênhx nênhs tsênhv tâu sơưv têx nhiêx paz tsoz phưz hâur yênhx hli lơưr chei têz qơưk cui tinhv.

Tiv 11 zos chor nênhs txưv txix 75 shông tror zar sâuv tsênhv tâu sơưv nhiêx paz yênhx hli, têx lênhx txưv txix 70 shông txos 75 shông zos chuôz zis zuôr xar pluôs tsênhv tâu sơưv têz qơưk têx nhiêx paz yênhx hli.

Têx nhiêx paz tsar ndê, muôx chôngz lênhx li heik sâuv tâu sơưv thiêz moz siêz txos chor nênhs txov nhêv, tsênhv chei BHYT txix shông 2026 zuôr paz pheiz kênh têx phiv liv, cêr txov đros lênhx nênhs moz. Hâux lưv tso tơưv zos txo grêk pêx xênhv têx nhiêx txiêx seiz njuôk shuôs, kho moz gênhk tsơưs đuô 30% hâur ntu 2028-2030.

Trơưk li Côx hôiv thiêz Chính phủ luôs hâux lưv tso tơưv, paz nhiêx seiz njuôk shuôs đas jos trâu têx lênhx nênhs li heik sâuv  txix shông 2026 zos qơư khov truôx fuô uô têx hâux lưv hâur iz ntuk ntêr: Nhênhz chơưv cxiv kho phênhv paz nhiêx BHYT huv đros pêx xênhv, iz chas ntơư tror tsar ndê têx nhiêx paz; yuôx chơưv kho moz gênhk; seiz njuôk shuôs tâu têx moz khênhr njiz trâus; jux juk tas nro tsôngv pêx xênhv sơưr đơưk muôx ntơưr seiz njuôk shuôs, kho moz gênhk./.

                                                                                                                     Bộ Y tế-Riê Lâux cxeik, nhênhv