Hlôngr yiêz nhoz têx jêx jok txov nhêv ntus đriv Lai Châu

Hâur têx têz har tsơưz jông njuôz xiêz, nhoz tox siêz, tix lâus Phàn Quẩy Trào, heir nênhs Cho, nhoz jok Hùng Pèng, xã Phong Thổ muk qênhz shuôs iz thôngx txir tsơưz jux juk. Seiz njiê têx têz har tsơưz ntâu li ntơư, tsi muôx lênhx tưs xar tiêk, lênhx txir nênhx no chuôz zis tưz muôx têx ntu luz nênhx txov nhêv, tsi txâuk nox tsi txâuk hnar. Thâuv ntu co, uô nênhx nhoz tsi truôx qơư, uô tix lâus Trào chuôz zis thiêz ntâu chuôz zis nênhs Cho txơưr đuô trâus yeiz pluôs, luz nênhx pôngz kaz. Thâuv tâu Tuz lênhv Pênhz phax tuôx kriê pêx xênhv tsưr ziv huôv tsar uô, nhoz truôx têz truôx qơư, tix lâus Trào thiêx xar tâu, xar hla đhâu cêr pluôs, tsuv hlôngr yiêz siêz xar, tsưr ziv uô nox. Tix lâus Phàn Quẩy Trào heik: “Khov têx phênhv sâu tâu txix tsêz chos kông z, tu zus tsiêx cxu, tix lâus chuôz zis tưz muôx nhiêx txiêx cxiv uô vax tsêr truôx khor nhoz. Muôx nhiêv lơưv, chuôz zis tưz zuôr tâu nzir têx chuôz zênhx li: Tivi, yêz meir cheix. Nhiv no chuôz zis luz nênhx tưz nhoz khênhr đuô thâuv ntêx lok six ntâu”.

Đros trâu tix lâus Trào chuôz zis têx sir jos hla đhâu yeiz pluôs, zos 40 ntâu chuôz zis, zuôr xar 170 lênhx nênhs Cho nhoz thax tsav qơư no têx hlôngr yiêz thiêz nhiv no tror tuôx txos jok Hùng Pèng, zôngx ziv seiz njiê pov cxuô tsar zav tsênhv jux juk hlôngr yiêz, vav mênhx. Têx luz tsêr truôx khor tưz tâu cxiv uô hlôngr trâu chor tsêr đaz tuôs, lav uô lav nhoz thâuv ntêx; cxuô txox cêr tâu luôv suôz jêz, xi măng đu lus, zôngx ziv muk lol huôv tsar uô nox đuô; thiêz têx liêx têz por tox đo, tsơưz, blêx, kok, poz cưk jông njuôz xiêz; hok hâur têx guôx, qơư tu zus mak nhux tưv, yis ziv hnuz ziv vav ntâu jux juk. Ntâu chuôz zis tưz muôx txâuk nox txâuk hnar, tso tâu têx tuz nhuôs muk cơưv ntâuz ntơưr cxix cxuô, tsâuk ntux lok cxuô luz tsêr hâur jok muôx tênhz tơưk pov cêr cax lus. Txix iz jok txov nhêv nhoz ntus đriv, Hùng Pèng nhiv no tưz hlôngr yiêz, vav mênhx jux juk, tso siêz huôv tsar uô nox uô hnar.

Txơưv luz nênhx hlôngr yiêz, taz sik jok Hùng pèng cux tsênhv yuôr iz cxiê chuôz zis pluôs, lar heik zos txov nhêv lok tsêr nhoz. Uô lơưr Đêx anr paz uô tsêr nhoz têx chuôz zis pluôs hâur thax tsav xã Phong Thổ, nhiv kruôr đhâu Tuz lênhv Pênhz phax Lai Châu tưz đros cxuô cấp, cxuô cấp paz uô tâu 4 luz tsêr yiêz trâu têx chuôz zis txov nhêv hâur jok nhoz. Tix lâus Lý Chỉnh Ngan, tsar jok Hùng pèng, xã Phong Thổ heik pâuz:“Chuôz zis tưz muôx jiês njiz trâus lok six ntâu phiv liv, cêr txov, tsi muôx vax tsêr truôx khor nhoz. Uô tsâus lok six ntâu txos chor tuz lênhv Pênhz phax tưz paz uô tsêr nhoz trâu cur chuôz zis thiêz tsôngv box, muôx tsêr truôx khor nhoz, pêz cux tso siêz huôv tsar uô nox uô hâuk lơưv”.

Tsi tiêk jok Hùng Pèng, nhoz cxuô jêx jok nênhs Cho, nênhs La Hủ, nênhs Hmôngz, Hà Nhì.... ntơưv ntus đriv Lai Châu, têx blêx, poz cưk, tsoz chos nox txir tsênhv jux juk muôx pur têz tas, njuôz vor tox trôngz hâur pêk. Chor nhux tưv, yis têz qơưk paz trâu tsôngv pêx xênhv tu zus cux iz hnuz vav ntâu jux juk, ziv hnuz sơưr đơưk ziv cxiv uô tâu vax tsêr truôx khor nhoz, muôx luz nênhx tsâu sor, vav mênhx. Đại tá Lê CôngThành, Phưv Chính ủy Ban seiz car Tuz lênhv Pênhz phax tỉnh Lai Châu heik pâuz:“Iz cxiê luz tsêr cux nhoz lok six đêz, viv li tuz lênhv phênhv ntâu tsuv cưr gra têx chuôz laov cxiv tsa xưz, pôngz lok six ntâu six hơưv, hnuz nhôngs cơưk; lar heik zos thâux xa têx suôz jêz, xi măng. Taz sik pêz Ban seiz car tuz lênhv Pênhz phax tỉnh cux chox kriê chor tuz lênhv sir jos hla đhâu phiv liv chiê paz cxiv uô cov tâu vax tsêr nhoz trâu tsôngv pêx xênhv”.

Txơưv tsênhv yuôr tsi tsơưs têx phiv liv, cêr txov, taz sik txix Đảng, têz qơưk cêr moz siêz thiêz cxuô cấp, cxuô ngênhx, lar heik zos chor tuz lênhv Pênhz phax sir jos đros paz, chor jok txov nhêv nhoz thax tsav no tsênhv jux juk hlôngr yiêz, muôx luz nênhx tsâu sor, truôx tuk./.

                                                                                     Khắc Kiên-Riê Lâux cxeik, nhênhv

BAX TOS ĐẠI HỘI ĐANGV TAS NRO TÊZ QƠƯK JIÊS TIV 14

                                                      Yax mông lok zơuv Hloz Hôx thiêz tsôngv pêx xênhv

          Đại hội Đangv tas nro têz qơưk jiês tiv 14 zos iz luôs hâux lưv coaz tsôngv, tso pov mênhx cxưx li têx sir jos, njênhs njôngr thiêz truôx bo siêz. Krêz tơưv mênhx cxưx li “ntu hlôngr yiêz”, chox Việt Nam yênhx têz qơưk huôv tsar, muôx phênhv sâu siêz. Qơư tsov txos zos shông 2030 thiêz 2045: Chox VN yênhx têz qơưk tsênhv huôv tsar muôx công nghiệp hlôngr yiêz (2030) thiêz têz qơưk huôv tsar muôx phênhv sâu siêz lơưr saz xã hội chủ nghĩa (2045). Tsaz yênhx hnuz no tror xa txos tsôngv pox nhuôk sđ mnôngs njiêz luv tsênhv hâur têx lo luk yax mông ndar txos Đại hội, tsênhz mênhx li no:

          Cơưv shâuv thiêz uô lơưr zơưv hloz Hôx cêr uô nênhx jông!

          Zơưv hloz Hôx tiêv tiêv nhoz đros đreiv hâur pêz luz nênhx!

          Tsôngv pêx xênhv li đas jos thiêz cêr niêv côngv siêz tas nro mênhx cxưx zos kror cuiz tênhv cơưx mênhv yênhx côngz!

          Phuôx huiz nhiêv têz nhiêv qơư, siêz xar njôngr huôv tsar, tsôngv pêx xênhv li đas jos thiêz cêr niêv côngv siêz tas nro mênhx cxưx!

Cxuô lênhx nênhs li siêz xar tơưv, chinhz yênhx sir jos zos kror zov chênhr paz cxơưz huôv tsar têz qơưk!

          Phuôx huiz jênh chuv XHCN thiêz tsôngv pêx xênhv uô tsưr!

Côngv siêz uô tâu tiêr ntâu luôs hâux lưv jông, truôx khor!

          Tsôngv box zos lênhx nênhs, tsênhv qơư hâur hlôngr yiêz, cxiv tsa thiêz por vêv têz qơưk!

          Luz nênhx vav mênhx jông zos tsôngv pêx xênhv li!

                                                                                                           VOVTB-Txâur Vax cxêik nhênhv