Lào Cai truôx siêz uô trâur nuv seiz car nhiêx sê yiêz đros ziv chuôz zis muôv muôs hax huv

          Lơưr hlôngr njêx muôs nganhx nhiêx sê Lào Cai, taz viv tưz heik trâu UB tỉnh yênhx lix Ban chox kriê hlôngr yiêz trâur nuv thiêz tsưr ziv seiz car nhiêx sê thâuv cxuôv por tsês hâux lưv khiêz nhiêx sê lơưr trâur nuv kuz nhoz cấp tỉnh, đros muôx ntâu ban, nganhx, tiv phaz cxaz chuôz. Tiv zix, Công an tỉnh Lào Cai tưz tso tơưv ntâuz ntơưr chox kriê jông hâur nganhx, txix co muôx têx sik côngv jông hâur têx phongx, công an xã, phường đros chiz coaz nhiêx sê. Pos Vương Bích Hằng, Phưv tsar nhiêx sê Lào Cai puz pâuz: Cục nhiêx sê tso tơưv tsưr ziv “60 hnuz uô hâux lưv hlôngr yiêz trâur nuv khiêz nhiêx sê kuz yênhx trâur nuv yiêz đros ziv chuôz zis muôv muôs” taz sik đros thôngx ziv, truôx siêz uô, Nhiêx sê tỉnh Lào Cai tưz phuôx tôngv phongz yaox sik tưr zênhx max uô txu grês yuôr 40 hnuz uô hâux lưv no.

          Lơưr co, nganhx nhiêx sê chuôz tsar uô ntâu njiêz luv yax mông, thôngz đhâu têx phêv ziv kriê cxaz, cổng thôngz xor mông điện tử, mạng xã hội; uô têx video, ntâuz ntơưr yênhx lix têx qơư paz txưv ntơưv têx ciêz tsênhv qơư, têx cêr muk lok lox...taz por iz ziv chuôz zis muôv muôs tsuv tâu yax mông tsơưs tiv zix 1-2 jiês lok chính sách cxuôv por tsês trâur nuv khiêz nhiêx sê kuz. Nhiêx sê tỉnh Lào Cai cux yênhx lix têx xor tôngx chiê yax mông lok chính sách, têz nus têx tsi tâu to tâuz lok trâur nuv yiêz....Pos Vương Bích Hằng puz pâuz cxaz:“Nganhx nhiêx sê cux sik côngv đros têx nganhx cungz lok công nghệ li: VNPT, Viettel thiêz cxix luôk têx zênhx hangx sâuv thax tsav tỉnh heik kriê nênhs khiêz nhiêx sê krêz uô chữ ký số, krêz uô hóa đơn điện tử, krêz tài khoản chiê phưx vưv hâux lưv khiêz nhiêx sê”.

          Zơưv Nông Đình Lục, Phưv tsar nhiêx sê cơ sở 6 tỉnh Lào Cai, taz viv tsênhv seiz car thax tsav muôx têx xã, phường nhoz TP Yên Bái thiêz huyện Yên Bình tỉnh Yên Bái kuz puz pâuz, txix hnuz xiêz 1/1/2026, chính sách nhiêx sê yiêz thiêx tâu uô, têx ziv chuôz zis muôv muôs tsuv pâuz thiêz uô trơưk, taz viv tưz tsưr tsix 2 phêv ziv kriê cxaz trâu 800 ziv chuôz zis muôv muôs, đrâuv co zos 8 qơư trực tuyến trâu 2 cxênhz ziv chuôz zis muôv muôs txơưr:“Thâuv hlôngr tsưr ziv khiêz nhiêx sê mak pêz uô côngz xưv paz txưv trâu ziv chuôz zis muôv muôs, coaz tsôngv tiv zix zos paz heik kriê tsênhz mênhx zuk li doanh số muôx yưv chiê taz por trơưk chính sách...”

          Txos nhiv no, thôngz đhâu kriê cxaz thiêz tâu uô siv têx tsưr ziv khiêz nhiêx sê, têx ziv chuôz zis muovo muôs sâuv thax tsav tỉnh Lào Cai tưz shưv đros hâux lưv no thiêz truôx siêz uô tsưr ziv khiêz nhiêx sê yiêz. Zơưv Nguyễn Sỹ Thanh, ziv chuôz zis muôv muôs, kho chuôz zênhx điện tử, nhoz tuêv Đồng Tâm 15, phường Yên Bái, tỉnh Lào Cai puz pâuz:“Cur uô têx ntâuz ntơưr tâu cán bộ tuêv nhiêx sê heik kriê, pov cux uô sei thiêz zôngx ziv. Thâuv ntêx zuk khiêz nhiêx sê tsuv muk txos ntơưv chiê khiêz nhiêx, nhiv no cxuô zav puôr lênhx muôx côngz nghệ thôngz xor mông mak uô sei thiêz zôngx ziv đuô”.

          Đros tas nro cxix luôk chính trị, têx chiz coaz, ban, nganhx, têx xã, phường sâuv thax tsav li sik côngv jông, nganhx nhiêx sê tỉnh Lào Cai truôx siêz uô hâux lưv hlôngr yiêz trâur nuv seiz car nhiêx sê yiêz đros ziv chuôz zis muôv muôs txix hnuz xiêz 1/1/2026./.

                                                                                                  Đinh Tuấn- Txâur Vax cxeik nhênhv