Tsôngv box tox siêz Lào Cai heik pâuz ziv chênhv lok kho đuô taz viv hành chính

Lơưr tix lâus Thông Xênhv Shôngx, mênhx cxưx Hmôngz nhoz jok Pờ Hồ, xar Trung Lèng Hồ, huyện Bát Xát, xar muôx 80% pox nhuôs hâur jok thôngx ziv đros Đảng li chủ trương. Pox nhuôs lok six tsov cưv txos tsưr ziv chiê 3 luz xar Trung Lèng Hồ, Nậm Pung thiêz Mường Hum, huyện Bát Xát qơư zuk nhoz lok uô cê. Txơưv tsênhv qơư chinhr triv-hành chinhr njuôk xav tâu chiê trâu ntơưv xar Mường Hum, kuôk tsênhv qơư Trung Lèng Hồ xar muôx 5 cêik cêr, taz sik pox nhuôs cux thôngx ziv đros: “Pêz cux vav tiêk zuôr txos no thâuv 3 luz xar tâu chiê lok uô cê, chor canr bôv côngz chức hâu nov xar tưz tsik zos muôx nhoz iz phênhv tưs mênhx cxưx xưz, mak tsuv chiê uô hâux lưv cxix cxuô nhoz cxuô zav nênhs, iz zav li muôx mênhx cxưx Hmôngz, mênhx cxưx Cho chiê yax kriê, hêik trâu pêx xênhv pâuz tâu jông đuô”.

Hok ntơưv jok Y Giang, xar A Mú Sung, huyện Bát Xát-qơư muôx zuôr xar 100 ziv chuôz zis tsôngv box Hmôngz, Cho uô nênhx nhoz, tiv tsuv kriz uô cov sêi, hlôngr trâu tsưr tsix cơưv têx jêx jok, Bí thư Chi bộ, Tsar jok, hlôngr njêx muôs chor Chi hôiv đoàn thêv jêx jok thiêz canr bôv sêiz car jêx jok hâur xar siz phêiz muk txos yênhx ziv chuôz zis chiê zuôr ziv chênhv. Tix lâus Phan Văn Tười, Bí thư Chi bôv jêx jok hêik pâuz: “Pêz muk trâu chor six hơưv so su, lok sik thâuv tsâuk ntux chiê paz zôngx ziv trâu pox nhuôs. Đhâu tsênhv tsênhz, pox nhuôs thôngx ziv đros siêz, paz trâu uô cov ntov jông bôv mêir, uô tâu hâux lưv jông đuô. Nhiv no pox nhuôs puôr lênhx pâuz tâu, thav tâu luk jông, taz sik cux tsênhv yuôr iz cxiê lênhx nênhs lâul tsik pâuz ntơưr viv li đhâu yax kriê, hêik trâu lơưr pâuz tas, lơưr zuôr xav jênhv txix niêk têk”.

Ntơưv xar tox siêz Liên Minh, thị xar Sa Pa, tsưr ziv chiê 2 tỉnh Lào Cai-Yên Bái thiêz 2 xar Liên Minh, Mường Bo ntơưv Sa Pa lok uô cê tưz tâu ntâu jêx jok zuôr pêx xênhv têx ziv chênhv.

Lơưr tix lâus Xay Xênhv Vax, Bí thư Chi Bộ jok Nậm Than, xar Liên Minh, iz ziv chuôz zis zuôr txêik tâu iz đêiv ntơưr xa tuôx trâu cử tri hlôngr njêx muôs, têx ziv chênhv hêik pâuz zuôr zos têx ziv chênhv muôx txơưx jênhv siêz tivzix: “Pêz jok muôx 152 ziv chuôz zis, phênhv ntâu zos tsôngv box Hmôngz đros muôx iz phênhv tsơưs zos Tsoz tsiz, mênhx cxưx Cho. Txơưv pêx xênhv tsik nhoz uô cê taz sik đros muôx chor canr bôv jêx jok thiêz chor chi hôiv, đoanx thêv jok sir jos đros uô tas zuk txơưx jênhv mak zuôr uô tâu thor tas nro pêx xênhv têx ziv chênhv chiê xa lok trâu Ủy ban xar lơưr tsưr ziv tưz tso tơưv”.

Uô ntêx thâuv zuôr pêx xênhv têx ziv chênhv, chor Đề anr kho đuô Lào Cai têx taz viv hành chinhr cấp tỉnh thiêz cấp xar tưz tâu njuôk xav jông. Ciês cấp xar, Lào Cai muôx tsưr ziv txo grêk xar muôx 70%, txix 151 xar, phường, thị trấn txos yuôr 48 xar, phường, huv zos lơưr Trung ương chox kriê; qơư chiê tsênhv qơư chinhr triv-hành chinhr, bê hu yiêz đhâu chiê lok uô cê cux tâu njuôk xav huv đros thôngz đhâu tập thể hêik pâuz.

Iz zav li ntơưv Sa Pa, lơưr Bí thư Thị ủy Phan Đăng Toàn, tsưr ziv kho đuô, chiê taz viv hành cấp xar ntơưv Sa Pa lok uô cê hâur Đề anr tâu uô lơưr tsưr ziv sir jos tuôr tsês jông têx bê hu muôx chôngz nênhs pâuz txos thiêz zôngx ziv ndo tâu thiêz zos têx bê tâu nriêr pâuz ntâu sâuv chor trang mạng li Sa Pa, Tả Phìn, Tả Van, Mường Bo…. “Pêz njênhs tiêk, đros sir jos cxiv uô, gôngr côngv trâu têz qơưk thiêz tror huôv tsar qơư du lịch têz qơưk, tsôngv box cxuô mênhx cxưx nhoz Sa Pa zuôr thôngx ziv siêz đros Trung ương li chủ trương lox cux li tỉnh Lào Cai têx tsưr ziv tưz tso tơưv. Đros co, njênhs tiêk cxuô qơư, chor qơư du lịch nhoz Sa Pa cux zuôr tâu chôngz tsôngv kruô hâur thiêz đrâuv têz qơưk pâuz txos, txix co paz zaz zâuv chor kruô tuôx ntâu đuô trâu ntơưv thax tsav hâur ntu zuôr txos”.

Tas nro muôx zuôr xar 200 cxênhz ziv chuôz zis ntơưv Lào Cai tâu hêik pâuz têx ziv chênhv./.

An Kiên-Lik Thox cxêik nhênhv

Taz por thâuv hlơưr têz tâu uô li chas?

Taz por thâuv hlơưr têz tâu uô lơưr cui tênhv ntơưv Khoản 3 Grê 47 Nghị định 156/2018 heik kriê Chei jôngr nuv. Thâuv hlơưr têz, hlơưr blôngx ntông chiê bax ar chos jôngr thiêz txu grês têx uô cuz jôngr, nênhs sir zôngv hlơưr tơưk tsuv uô:

          - Tsưr ziv taz por phax cuz thiêz tuô cuz;

          - Tsi hlơưr hlơưr têz têx hnuz njuôs pov muôx cuz jôngr siêz txos cấp 4, cấp 5. Hâur hnuz, hlơưr têz thâuv tsi muôx chuô lox, uô ntêx 9 six tas cik thiêz đhâu 4 six zar hnuz keix;

          - Uô ntêx thâuv hlơưr tsuv thôngz pov trâu tsar jos, tuêv phax cuz tuô cuz jôngr. Thâuv hlơưr tsuv muôx lênhx nênhs seiz jor, muôx cxix cxuô têx chuôz zênhx tuô hluôr tơưk thâuv txeik cuz lok har jôngr; thâuv hlơưr tas tsuv tuô cov tas têx hluôr tơưk.

          Thâuv pov muôx cuz jôngr tsuv uô cxuô tsưr ziv chiê thôngz pov ciês trâu cxuô lênhx nênhs thiêz iz lok sik têx taz viv li:

          - Tsưr jôngr;

          - Tuêv phax cuz tuô cuz jôngr nhoz jê tiv zix;

          - Chiz coaz qênhz jôngr lok sik chiz coaz cảnh sát phax cuz tuô cuz jôngr thiêz nriêr chơưv nanv jê tiv zix;

          - Chính quyênx tiv phaz ntơưv qơư lok sik chiz coaz công an, quân đội nhoz jê tiv zix;

Chiz coaz, taz viv cui tênhv heik sâuv thâuv jênhv tâu thôngz pov lok cuz jôngr muôx yưv nhoz thax tsav tâu pheiz côngz seiz car tsuv ciêr chênhr huiz tôngv lưx lươngv, phaz pênhv thiêz bax cxuô chuôz zênhx muk tuô hluôr tơưk; thôngx cxix pov trâu têx chiz coaz, taz viv zuôr trâus txơưr pâuz chiê tâu paz yưr lir thiêz cxaz chuôz tuô cuz jôngr./.

Bích Thủy-Txâur Vax cxeik nhênhv