Lào Cai bax phax tar cuz jôngr hâur cheix ntux kruôr gis

Niêx shông thâuv tưs txos cheix ntux kruôr gis, zôngx ziv muôx hluôr tơưk txeik cuz jôngrr  nhoz tox siêz Lào Cai. Ntơưv chor xã hâur huyện Trạm Tấu, tỉnh Yên Bái kuz muôx Trạm Tấu, Phình Hồ, Tà Si Láng, Hạnh Phúc zos têx thax tsav zôngx ziv muôx hluôr tơưk txeik cuz jôngr, viv no tsi tiêk zos tox siêz, muôx ntâu blôngx kruô, phiv liv muk lol, tox trôngz hâurr pêk nxaz, tsênhv muôx chuô hloz thiêz. Tsênhz tiês, niêx shông puôr lênhx muôx hluôr tơưk cuz jôngr nhoz chor thax tsav heik sâuv.

Chiê txo grêk tsơưs hluôr tơưk cuz jôngr thiêz txeik chis cuz đêz đar trâu têx har jôngr, xuz tsuôs zos hmôngr tsi jông muôx hluôr tơưk txeik cuz jôngr, ntâu chuôz zis pêx xênhv tưz bax uô lơưr cxuô faz tsưr ziv phax cuz txix hâur chuôz zis thiêz hlơur têz; heik sơưr đơưk cêv jông hluôr tơưk thâuv chuô lox lok sik kruôr gis ntêr mak tsi hlơur têz. Zơưv Xáy Chù Xênhv Zax, têx lênhx nênhs uô hâux lưv tsưx phưv jôngr hâur jok Sáng Pao, xã Hạnh Phúc heik pâuz: “Pêz muk uô liêx têz tsi tâu gra hluôr tơưk đros, zos muk pư kror tưs thâuv lok tsêr tsuv tuô hluôr tơưk hur si thiêx tâu lok; thiêz muk hâur xuz jôngr tsuv heik trâu têx hloz hâur jok pâuz”.

Cxuô thax tsav nhoz huyện Văn Yên, tỉnh Yên Bái kuz, nhiv no zos Lào Cai muôx zuôr xar 38 cxênhz ha har jôngr. Chiê gra siêz sơưr đơưk txux chi tsưr ziv jênhv pâuz thiêz heik sơưr đơưk sik đros seiz car, tsưx phưv jôngr ntông, lưv lươngv yuôx jôngr tưz hux jos đros hâu nov ntơưv qơư tsưr tsix trâu 3 cxênhz ntâu chuôz zis cir ntơưr seiz car, por hưv thiêz phax cuz tuô cuz jôngr. Iz chas ntơư, cxiv kho, tsưx phưv truôx têx paz uô hâux lưv tsưx phưv jôngr đros trâu chor nênhs uô ntêx nyuôs zos dân quân tự vệ thiêz hluôk nênhs.

Zơuv Trần Thống Nhất, Phưv Chủ tịch Ủy ban xã Đông Cuông, tỉnh Lào Cai heik pâuz, xã tưz xav tinhv tsênhz têx thax tsav zôngx ziv muôx hluôr tơưk txeik cuz jôngr chiê bax phax tir thêir; iz chas co, tso lênhx nênhs nhoz trơưr ntơưv qơư hâur yênhx hnuz hmo lok têx luz six hơưv zôngx ziv muôx hluôr tơưk cuz jôngr: “Pêz tưz qênhz  shuôs Ban chox kriê thiêz têx tổ por hưv jôngr, chiê têx chuôz zis thiêz têx paz lênhk nhav seiz car, por hưv jôngr cir ntơưr chos luk phax tar jông, tsi chiê hluôr tơưk cuz jôngr. Iz chas ntơư, pêz tsi so fuô uô ntâu hâux lưv lok phax tar cuz jôngr, por hưv jôngr đros trâu têx jiês cơưv jêx jok, cơưv chuôz zis”.

Tỉnh Lào Cai nhiv no muôx 470 cxênhz ntâu ha jôngr, hâurr co muôx 40% nhoz hâur thax tsav zôngx ziv muôx hluôr tơưk txeik cuz thâuv cheix ntux kruôr, phênhv ntâu nhoz chor xã hâur têx huyện Mù Cang Chải, Trạm Tấu, Văn Bàn, Bát Xát, thị xã Sa Pa kuz.

Chiê txo grêk tsơưs hluôr tơưk cuz jôngr hâur cheix ntux kruôr shông no, ngênhx kôngz nuv thiêz tênhx qơư tỉnh Lào Cai tưz nhênhz chơưv trâu Ủy ban tỉnh tso tơưv ntâu ntâuz ntơưr chox kriê, chiê lês uô tâu jông luôs hâux lưv heik sâuv, tsi trâus uô tuôr thênhv txos viv muôz iz cxiê thax tsav qơư lok uô cê. Sở cux qênhz shuôs Ban chox kriê phax tar cuz jôngr nhoz 100% xã, phường thiêz zuôr xar 1.300 jêx jok tsuv chênhr phax, uô jông trơưk têx tsưr ziv phax tar cuz jôngr. Lưv lươngv yuôx jôngr sir jos yax kriê, qênhz yuôx, qênhz shuôs tsi khênhr pêx xênhv gra hluôr tơưk muk hâur xuz jôngr, hlơưr têz trơưk cui tinhv, cêv jông hluôr tơưk tsi chiê txeik trâu har tâux har tsuôs. Zơưv Nguyễn Quang Vinh, Phưv Giám đốc Sở Kôngz nuv thiêz tênhx qơư tỉnh Lào Cai heik pâuz: “Pêz xav tinhv txưr tsi tâu tas nro sơưr đơưk hlơưr têz, tsuv seiz shuôs jông pêx xênhv zôngv hluôr tơưk li chas cov truôx tuk. Xuz thơưx, Sở Kôngz nuv tưz chox kriê lưv lươngv yuôx jôngr hux jos đros hâu nov cxuô xã phường kriê  cxuô jêx jok, pêx xênhv thiêz têx lênhx tsưr jôngr sir zôngv hluôr tơưk trơưk cui inhv. Zos têx hnuz kruôr gis hênhr mak pêz heik sơưr đơưk muk hâur têx xuz jôngr, xuz tsuôs tsi tâu gra hluôr tơưk đros. Iz chas ntơư, pêz tso nênhs seiz jor ntơưv ndâux jôngr, thax tsav zôngx ziv muôx hluôr tơưk txeik cuz  jôngr li: Vax têz qơưk Hoàng Liên, têx har jôngr lâul, jôngr phax phưv….thiêz heik sơưr đơưk tsuv chênhr phax, đros phax tir thêir tsi chiê hluôr tơưk cuz jôngr”.

Đros trâu cxuô faz tsưr ziv tâu fuô kriê txos cxuô jêx jok thiêz yênhx thax tsav har jôngr lok phax tar cuz jôngr nhoz Lào Cai tsênhv tâu paz lok bản đồ vệ tinh, bản đồ số, tin nhắn zalo…. Khov li co, cxuô xor mông tâu yax kriê txos sei trâu sơưr đơưk, paz cxuô thax tsav qơư thiêz tsưr jôngr bax phax tâu zênhx max têx tsưr ziv phax tar cuz jôngr./.

Thừa Xuân-Riê Lâux cxeik nhênhv