Viv truôx tuk thax tsav ntus đriv têz qơưk

Hâur têz qơưk 5 cxênhz ntâu cêik cêr ntus đriv sâuv ar, Lai Châu muôx 265 cêik cêr buôs ti đros Trung Quốc, phênhv ntâu zos trôngz siêz, vuôk har toz, muôx đêx phiv liv. Nhoz kror qơư muôx ntâu trôngz siêz no, yênhx hnuz đhâu puôr lênhx zos uô đrêiv jênhv vưv tuôr tsês ar, pêx xênhv, paz truôx tuk têz qơưk.

5 six sơưr nzor, thâuv phênhv ntâu chor nênhs hâur tas nro têz qơưk tsênhv pư tsâus jos… mak ntơưv thax tsav ntus đriv Thu Lũm, têx tuz lênhv pênhz phax tưz piz trâu iz hnuz yiêz: “Đôiv qênhz yuôx, sơưr đơưk lok sơưr uô iz hax”.

Hâur thax tsav njiês nti, muôx suôz luk hêik gis gôngr co tâu hêik lox. Chor tuz lênhv pênhz phax li iz hnuz yiêz piz txix li co: “Hêik trâu sơưr đơưk pâuz, uô lơưr Đôiv qênhz yuôx li tsưr ziv 36 tưz tâu Zênhx tsar tso tơưv, lok hâux lưv qênhz yuôx, sêiz car, por vêv ntus đriv txix tuk ndêx 18 (2) txos thax tsav ndêx 18 (2) + 15,260 cêik cêr buôs ti thax tsav cêik cêr ndêx chiv ntus đriv 19. Txơưv tưz muôx cêr qênhz yuôx, taz sik muk lok phiv liv tiv muôx ntâu tsas siêz, vuôk har toz. Sơưr đơưk tsuv sêiz shuôk jông thâuv muk lok cov paz ngaz tuk jông trâu sơưr đơưk…”

Hâur têx tỉnh ntux đriv faz Bắc, Lai Châu zos qơư muôx ntâu ndêx chiv ntus đriv nhoz ntơưv têx qơư siêz, đêz thiêz phiv liv tiv zix. Têx shông jê lok no, ntu cêr qênhz yuôx ntus đriv jux juk tâu kriz uô, paz uô tâu jông Đảng, Têz qơưk li tsưr ziv lox lok cxiv tsa ntus đriv hux fênhx, truôx tuk, thôngx ziv. Taz sik, cux tsênhv yuôr ntâu kror qơư mak chor yêz muk tsik tâu txos. Nhoz co, chor tuz lênhv pênhz phax cux tsuv muk tơư đhau têx har jôngr chiê qênhz yuôx ntus đriv, chor ndêx chiv ntus đriv têz qơưk.

Đros lơưr têx sir jos co zos tsôngv box cxuô mênhx cxưx nhoz ntus đriv li luz nênhx truôx tuk; zos chor suôz đruôk hâur tsêr cơưv yênhx têis cik. Zos chor tsêr cơưv ntơưr zâu nhoz ntơưv têx ntar trôngz, qơư chor ntơưr tâu kriê trâu chor nhuôv hâur luz nênhx truôx tuk, shir phaz. Zơưv Lì Sờ Po, Hiệu trưởng Tsêr cơưv Phôv thôngz Mênhx cxưx niêv txir zus mor cxênhx iz Ka Lăng, xar Thu Lũm puz pâuz: “Têx shông jê lok no, lok qênhx shênhx ngaz tuk thiêz tsưr qênhx ntus đriv tsik so tâu tuôr truôx. Kror no tưz paz jong trâu chor tsêr cơưv ntơưr chiê chor cưk kriê ntơưr tso siêz thiêz sir jos kriê ntơưr, paz gra siêz tsơưr lươngv zoz zux”.

Ntus đriv truôx tuk mak uô ntêx zos khov muôx chor nênhs sêiz jor thax tsav ntus đriv. Bôv đôiv Pênhz phax tưz tsik zos lưx lươngv tsav txênhz, mak tsênhv zos chor nênhs trâu cấp ủy, chinhr quyền thiêz pêx xênhv li njênhs njôngr hâur cxiv tsa thax tsav ntus đriv hênhr lok cxuô kror.  Zơưv Phòng Xì Che, Phưv Bí thư Thường trực Đảng ủy xar Thu Lũm puz pâuz: “Xar Thu Lũm muôx ntus đriv lok six ntêr muôx 51 cêik cêr ntâi. Khov muôx sik côngv truôx jông nhoz Zênhx Pênhz phax đros cấp ủy, chinhr quyền thax tsav qơư, qênhx shênhx ngaz tuk chinhr triv tsik so tâu tuôr truôx, paz ngaz tuk jông”.

Tuôr ar, đros tuôr truôx pêx xênhv. Tuôr tsưr qênhx, đros đrêiv huôv tsar kinh têr, xar hôiv. Co zos têx tuz lênhv pênhz phax nhoz ntơưv no chor hâux lưv tsuv uô tsik so. Thượng tá Nguyễn Thế Khanh, Chinhr triv viên Zênhx Pênhz phax Ka Lăng hêik pâuz: “Đhâu hâux lưv qênhz yuôx hêik tơưv tâu sir jos por vêv truôx tsưr qênhx têz qơưk, đros co zos tuôr truôx ngaz tuk nhoz thax tsav ntus đriv. Txix co chuôz cxaz sik côngv nhoz cấp ủy, chinhr quyền thax tsav qơư thiêz pêx xênhv. Tiv zix, zos phuôx huiz pêx xênhv li pưk txux hâur côngz xưv por vêv tsưr qênhx thax tsav hâur qênhx shênhx nhiv no”.

Nhoz thax tsav ntus đriv, yênhx hnuz chor tuz lênhv pênhz phax cux tsênhv sir jos uô hâux lưv qênhz yuôx, tuôr truôx yênhx tuk ndêx chiv ntus đriv, paz por vêv truôx tuk pêx xênhv luz nênhx thiêz tsưr qênhx ntus đriv têz qơưk./.

TTTB-Lik Thox cxêik nhênhv

Sir jos tsưx phưv đax jos trâu têx tsiêx tu zus thâuv no njiv

1.Tu jông têx tsiêx cxu

Qơư tu zus huv đros têx tsiêx, taz por txâuk sor taz sik cux tsuv lax nziês, hur si. Muôx txâuk jâuz krâur trâu nox. Lar heik zos chor tsiêx cxu mê li: Nhuôv nhux tưv, nhuôv keiz ok. Zôngv kê tênhz trâu têx mê nhuôv tsiêx cxu ntê,; thâuv trâur tơưk, xuô blêx, hmôngr ntông trâu tsiêx cxu ntê tsuv muôx qơư tso pa đhâu saz đrâuv jôngr, thiêx tsi uô ruôr hiêv txos tsiêx cxu đas jos.

Muôx txâuk jâuz krâur puz tsiêx cxu, tiv zix zos chor tsiêx lox li: Nhux tưv, yis, nênhk, zôngx ziv muôx tsi txâuk jâuz nox viv cheix ntux no, têx đrox tsuôs, tâux kênhz tsi hlar. Chênhr zos li heik co, lênhx nênhs tu zus tsuv chos tâux, bax tsês têx kuôr  blêx, flâuz cưk, muôz jâuz tâux vâuv kâuz trâu nhux tưv tâu nox.

Đros thiêz tsiêx cxu tu zus tso lok yar lok sik zus seiz: Hâur têx hnuz lok nas lok sik no njiv, sơưr đơưk tsi tâu tso tsiêx cxu muk nox jâuz, ndis ntơưv têx, taz sik qơư tu zus tsuv txâuk trâu tsiêx cxu nhoz, ndis muk lol.

Lok sâuv têx keiz: Tsuv xor thêir qơư, tso hâur vax đhâu thâuv keiz muôx 35 hnuz, thiêz six hơưv tso keiz ndis uô si zos txix 9 six  zar tas cik txos 4 six zar zuôr tsâuk ntux hâur têx hnuz tsi lok nas ntơư xưz.

Têx tsiêx lox mak sơưr đơưk tso trâu thâuv sor sơưr, txix 8 six zar tas cik txos 4 six zar zuôr tsâuk ntux nox jâuz ntơưv têx hâur chor hnuz tsi lok nas. Tsi tas li, sơưr đơưk tsuv tso tsiêx nox jâuz ntơưv têx qơư zôngx ziv muk lol chiê thâuv tưs lok nas, muôx chuô lox thiêx lơưr, chaz tâu sei lok cơư, tsi tâu tso trâu têx qơư nxaz tox, jê ntus cưx đês cưx ha.

Zos têx hnuz no njiv mak tsuv muôz têx khâuz pav kuz, trik yo kuz tsi hnar ntơư vor nhux tưv đrâuz kâuv, lar heik zos têx tsiêx tsi yuô muôx jos, mê nhuôv nhux mê nhuôv tưv. Iz chas ntơư, thâuv tso nhux tưv muk nox jâuz cux tsuv muôx nênhs seiz chiê bax phax trâu thâuv muôx yưv têx tsi jông.

2.Vêv xênhz, phax tar moz ơưk

Tu zus jông trơưk cui tinhv truôx tuk, kuôk cêv, phax jông tsi chiê cik tâu moz ơưk saz đrâuv lok hâur qơư tu zus thiêz saz hâur trâu saz đrâuv.

Uô qơư cơư têx tus tsiêx nhiv kruôr zuôr lok nưk nhoz nưk iz kro. Zuôr têx tus nôngz tsiêx txix qơư truôx tuk, tsi muôx moz ơưk huôv xênhz thiêz cêv tso nưk nhoz nưk iz kro tsơưs tsơưs 14 hnuz. Qênhz shuôs jông têx yêz fax thâux, chuôz zênhx, đaz nox jâuz, đêx hâuk, jâuz krâur uz no hur si.

Vêv xênhz, qêz suô, nzuôr hur si qơư tu zus đu lus, yêz fax thâux, chuôz zênhx phưx vưv tu zus zos iz kro jông trâu huôv tsar tu zus truôx tuk; uô hur si li co zuôr paz txo grêk tsơưs têx caz moz ơưk huôv xênhz ntơưv qơư tu zus.

Tsi tas li, tsuôs yuôx tuô lov caz moz ơưk tsi so cux zos iz kro jông trâu tu zus truôx tuk, lar heik zos têx jiês vêv xênhz uô ntêx co.

3.Phax phôngz moz ơưk txix yuôx vắc xin thiêz muôz nzir têx yuôx cxaz đas jos puz tsiêx cxu

Bax cxax yuôx vắc xin phax phôngz moz ơưk trơưk cui tinhv lok sik trơưk li cơ quan kho moz tsiêx cxu heik kriê.

Muôz nzir têx yuôx cxaz đas jos puz tsiêx tsi so trơưk cui tinhv lok sik thâuv muôx têx tsi yuô jông yưv siv chiê tsiêx tu zus muôx nzir đas jos phax tir thêir moz ơưk. Tsi so moz siêz seiz shuôs njôngr têx tsiêx tu zus chiê nzor qênhz pov, chêik têx tus tsiêx muôx moz, tsi yuô muôx đas jos tso nưk nhoz nưk iz kro, chơưv kho moz./.

TTKNQG-Riê Lâux cxeik, nhênhv