Cheix ntux yiêz hâur têx luz tsêr yiêz nhoz thax tsav trâus ntux nas ruôr hiêv Điện Biên

          Jiês ntux lok nas lox hâur hlik hli 8 shông 2025 nhiv kruôr đhâu tưz uô đêx cuôr yôngz, tox poz zov chênhr nhoz ntâu tiv phaz hâur tỉnh Điện Biên li têx xã: Mường Luân, Na Son, Tìa Dình, Xa Dung... cuôr yôngz thiêz uô puôk tsuôx yênhx puôk luz tsêr nhoz, uô ntâu ziv chuôz zis tsôngv box tsi muôx tsêr nhoz, luz nênhx njiz ntâu phêv liv.

          Txix qênhx shênhx co, tas nro cxix luôk chính trị, tiv zix zos lưx lươngv vũ trang tưz sik côngv paz max tsôngv box thax tsav trâus ntux nas tror cxiv uô đuô tsêr nhoz. Đhâu 45 hnuz sir jos hla đhâu cxuô phêv liv lok thax tsav qơư, qiv hơưv muôx ntâu txơưr txar...80 luz tsêr yiêz thiêz 240 ntâu luz tsêr tâu kho đuô tưz tâu uô tiêr. Têx hâux lưv kỹ thuật ntơưv têx qơư nhoz yiêz cux uô tiêr, paz tsôngv box nzor truôx tul luz nênhx. Tix lâuk Lường Văn Đức nhoz jos Che Phai, xã Mường Luân- iz hâur têx ziv chuôz zis trâus ruôr hiêv hnhar lok tsêr nhoz, nhiv no tâu nhoz hâur luz tsêr yiêz shir phaz pheiz kênh: “Cur chuôz zis trâus zênhr shar lok six ntâu, đêx cuôr tas tsêr nhoz tsi muôx tsêr chiê nhoz. Tâu Đảng, têz qơưk tsov cưv, cur uô tsâus lok six ntâu. Zos tsi muôx bộ đội tuôx paz, cur chuôz zis zuôr njiz lok six ntâu phêv liv lok tsêr nhoz”.

          Tos iz shông yiêz lok txos, ntâu jêx jos thax tsav trâus ntux nas uô ruôr hiêv li Háng Pu Xi, xã Xa Dung cux tsênhv bax tos iz luz tsiêz yiêz lov jêv. Nhoz no, têx ziv chuôz zis tsôngv box puôr lênhx tâu nhoz hâur têx luz tsêr yiêz truôx jông. Zơưv Mùa A Và, iz hâur têx ziv chuôz zis muôx tsêr trâus đêx cuôr yôngz shir phaz pheiz kênh: “Cur tsêr trâus ruôr hiêv hnhar, đêx cuôr yôngz tas, tsi yuôr ciês tul tsi. Tâu bộ đội tuôx paz cxiv uô tsêr yiêz mak tsuôk pâuz uô tsâus lok six ntâu, tsi pâuz heik li chas thiêz. Nhiv no tsêr nhoz truôx jông li no, ntux nas chuô lox cux tsi nyei thiêz”.

          Lơưr Bộ chỉ huiz quân sự tỉnh Điện Biên, hâux lưv uô tiêr tsêr nhoz trâu tsôngv box thax tsav ntux nas uô ntêx shông yiêz tsi taz muôx ziz njiêz khưx phưx têx trâus ruôr hiêv mak tsênhv zos tôngv vênhx chinhz yênhx, paz pox nhuôk tso siêz tror huôv tsar uô xênhz yar kôngz nuv, yênhx trus truôx tul luz nênhx lêx ntêr. Đại tá Trịnh Đức Thiêm, Chỉ huy trưởng Bộ chỉ huiz quân sự tỉnh Điện Biên heik mênhx txos lưx lươngv vũ trang li txơưx jênhv hâur côngz xưv paz tsôngv box hla đhâu cxuô phêv liv tiv ntux nas:“Pêz pov txơưx jênhv tsi zos tsuôk thâuv Quân ủy Bộ côx phax thiêz tỉnh choz zos mak zos têx lênhx lính hâur lưx lươngv li txơưx jênhv. Txix co pêz truôx siêz chêx chôngk lưx lươngv paz cxiv uô nzor thiêz zênhx max chiê pox nhuôk nzor muôx tsêr truôx jông nhoz, nzor truôx tul luz nênhx”.

          Ntâuk grê lok chêx cuk khưx phưx têx trâus ruôr hiêv tiv ntux nas, truôx tul luz nênhx trâu tsôngv box đhâu jiês ntux nas, zơưv Lò Văn Cương, Phưv Chủ tịch UB tỉnh Điện Biên khav tênhv: Hâux lưv uô tiêr tsêr nhoz trâu tsôngv box uô ntêx shông yiêz tso pov tỉnh li txơưx jênhv thiêz siêz truôx bo txoz cxơưx luz nênhx trâu tsôngv box sđ.“Tsôngv pox nhuôk lok six shir phaz thâuv tâu nhoz hâur têx luz tsêr yiêz. Pêz pov no zos iz luôk hâux lưv truôx siêz muôx tas nro cxix luôk chính trị tỉnh Điện Biên sik côngv lênhs tov, chox kriê khưx phưx têx trâus ruôr hiêv tiv ntux nas, uô tsêr nhoz trâu tsôngv pox nhuôk thax tsav ntux nas ruôr hiêv”./.

                                                       Vũ Lợi-Txâur Vax cxeik nhênhv

Mộc Châu: Ntau qơư jông jav trâu tsôngv kruô tuôx ndis shuôk hâur jiês Tsiêz zax lix

Jiês so Tsiêz Zax lix 2026 tsik ntêr, viv li niêv tix Nguyễn Thị Mai Hương ziv chuôz zis, nhoz phường Tô Hiệu, tỉnh Sơn La xêir tsov Mộc Châu zos qơư muk ndis sêiz uô si, nhoz so. Niêv tix Hương njuôk xav chox chor mê nhuôv muk ndis sêiz vax txir hồng, chor vax txir khơưz đuz tơưs pax nzor, đrôngs muk tơư nhiv kruôr kriz uô ntơưv Mộc Sơn thiêz qơưk du lịch Mộc Châu Island:“Cur pov Mộc Châu chêix no lok six jông, ntux cux tsik no henhr, ntu cêr txix Sơn La muk txos Mộc Châu cux tsuôk tas 2 six hơưv ntâu xưz cêr cux zôngx ziv muk lok, zuôr paz trâu chuôz zis muk uô si lov jêv thiêz shir phaz đuô hâur jiês Tsiêz zax lix no”.

Jiês no, ntau qơư du lịch, homestay, tsêr kruô nhoz so ntơưv Mộc Châu tsêx trung kho đuô, tsưr tsix ntâu huôx tôngv jông chiê zaz zâuv tsôngv kruô. Zơưv Hoàng Mạnh Duy, Phưv Giám đốc sêiz car qơư du lịch Mộc Châu Island, qox tsov iêr Bạch Long puz pâuz, txix hâur shôngk shông 2025, Mọc Châu Island tưz tok xar muôx 350.000 lênhx kruô, đros phênhv sâu njuôk xav tâu muôx 130 tiv đêiv ntâu. Hâur jiês so Tsiêz zax lix, taz viv tror uô chor huôx tôngv nthuôr uô cêr lov jêv côngv thôngx, piêr pâuz tsôngv box mênhx cxưx Thái, Hmôngz, Cho… têx vênhx huôv:“Tsôngv kruô thâuv tuôx ntơưv no trâu zar kaz ciêz lok sik têx hnuz ntênhk puôr lênhx tâu nriêr pâuz, côngv cêr lov jêv đros tsôngv box cxuô mênhx cxưx nhoz ntơưv no têx vênhx huôv. Iz chas co tsênhv tâu nriêr pâuz chor huôx tôngv jông li uô mor trax, uô mor blâuv xiêr thiêz nox tsôngv box têx zav nox kaz”.

Uô cov muôx ntâu thiêz jông đuô chor huôx tôngv nriêr pâuz, ndis seiz, uô si lơưr tsưr ziv kriz uô têx tsiv gri chor vênhx huôv mênhx cxưx, zuôr zos kror paz cxơưz cxiz tsôngv kruô du lịch tuôx trâu Mộc Châu-qơư jông tuôx ndis sêiz, uô si, nriêr pâuz têx đrox tsuôs chiv xênhz sơưr thơưx ntiêx têz hâur chêix ntux yiêz no./.

Thanh Thủy-Lik Thox cxêik nhênhv