Pêx xênhv Yên Bái uô jông cxuô faz tsưr ziv tir thêir ntux no njiv trâu tsiêx cxu

Zơưv Shôngx Xênhv Zax, nhoz xar Sùng Đô, huyện Văn Chấn, tỉnh Yên Bái muôx ntâu shông tu zus tưv, thâuv ntêx no zus zos chiê zôngv tưv đas jos, nhiv no chuôz zis zus chiê huôv tsar kinh têr. Ciês thâuv hnor hêik pâuz muôx ntux no chênhr, chuôz zis tưz chox tas nro muôx 10 ntâu tuk tưv lok cơư hâur guôx chiê tu zus cov ngaz tuk: “Nhiv no ntux no hênhr, chox tas nro chor tưv lok cơư hâur tsêr guôx thiêr thêir vor cov jông, zav nox mak zos têx nhaz blêx, jâuz tâux tsês chiê uô zav nox trâu chor tưv”.

Zos iz hâur tỉnh Yên Bái oz luz huyện tox siêz, txos chêix ntux no, qiv hơưv nhoz huyện Trạm Tấu tsik so phiv liv đuô pir li cxuô thax tsav qơư txơưr tiv muôx trôngz siêz, chuô lox, jêx tưv thâuv đruôz hnuz thiêz hmo ntux sik txơưr ntâu. Ntâu thax tsav qơư tsik so muôx huôz tsâuk hâur chêix ntux no, zav nox trâu chor tsiêx cxu muôx tsơưs, tiv têx đrox nhov, tâux trâus tuôs thiêz kruôr tas… Chiê por vêv tâu jông trâu chor tsiêx cxu muôx 40 cxênhz ntâu tuk, huyện tưz chox kriê, hêik pox nhuôs chos tâux, tsês chiê têx nhaz blêx đhâu ntâuk blêx tas hâur chiv nhiv kruôr đhâu. Zơưv Sáy Xênhv Zax, Chủ tịch Ủy ban xar Xà Hồ puz pâuz: “Xar hêik pox nhuôs đăngk cir trâu Ủy ban xar sêz zuôr zav yuôx tưs, chor tsiêx cxu muôx pêk tsơưs tuk… đhâu co xar njuôk xav chiê đăngk cir trâu phòng Kôngz nuv chiê zuôr yuôx lok cxax cov txâuk thiêz cxix cxuô trâu chor tsiêx cxu, tsik chiê cik tâu moz”.

Huyện Lục Yên zos iz hâur têx thax tsav qơư muôx chor tsiêx cxu ntâu tiv zix, đros muôx 100 cxênhz ntâu tuk. Chiê por vêv tâu jông trâu chor tsiêx cxu, huyện hêik cxuô thax tsav qơư yax kriê trâu pêx xênhv thiêr vor cov ntov jông trâu têx tsêr guôx tsik chiê yâu chuô; têx hnuz jêx tưv grêk kik mak tsik tso yar têx tsiêx cxu, tsik chiê chor tsiêx cxu uô hâux lưv tas ntâu đas jos, chiê tsiêx cxu hâuk đêx sor… Zơưv Nông Thanh Tuấn, Chủ tịch Ủy ban xar Tân Phượng, huyện Lục yên, tỉnh Yên Bái puz pâuz: “Thax tsav qơư tsưr tsix yax kriê trâu pox nhuôs cxiv uô têx tsêr guôx cov paz uô sor trâu chor tsiêx cxu; chox chor tưv grêk lok qơư kik chiê phax tar ntux no. Lok zav nox cux hêik pox nhuôs vâuv cxuô zav chiê uô zav nox trâu chor tsiêx cxu”.

Lơưr thôngz sâu, tas nro tỉnh Yên Bái nhiv no muôx zuôr xar 42 cxênhz ziv chuôz zis tu zus nhux, tưv, hâur co yuôr muôx 2.200 ntâu ziv muôx chor tsêr guôx tsik tâu khor jông chiê phax tar ntux no; ntâu ziv chuôz zis tsik tâu muôx tsêr guôx, tsik tsês chiê zav nox trâu chor tsiêx cxu. Iz chas co, coz chuô sôr 3 shông no tưz ruôr hiêv ntâu txos trâu uô kôngz nuv li uô ruôr hiêv txos chor tsiêx cxu, tsêr guôx, zav nox tsês chiê… phênhv tưs uô phiv liv ciês txos trâu côngz xưv phax tar ntux no trâu chor tsiêx cxu.

Chiê por vêv jông trâu chor tsiêx cxu xar muôx 800 cxênhz tuk hâur chêix ntux no, uô ntêx hâur jiês no xuz thơưx no, nganhx kôngz nuv Yên Bái tưz sik côngv đros cxuô thax tsav qơư chox kriê pêx xênhv kriz uô chor tsưr ziv por vêv trâu chor tsiêx cxu li: tsik tso yar tsiêx cxu; cxax yuôx phax moz cov cxix cxuô, tsês chiê txâuk zav nox trâu tsiêx cxu…Zơưv Nguyễn Đức Điển, Phưv Giám đốc Sở Kôngz nuv thiêz huôv tsar jêx jok tox siêz tỉnh Yên Bái puz pâuz: “Pêz chox kriê cxuô thax tsav qơư chuôz cxaz phax tar no trâu chor tsiêx cxu li tsưr ziv tưz tâu tso tơưv txix thâuv hâur shôngk shông. Tiv zix, yax kriê, hêik pox nhuôs bax cov jông têx zav nox, thêir vor têx tsêr guôx hâur chor hnuz muôx ntux no”./.

Thừa Xuân-Lik Thox cxêik nhênhv

Lox tôngv nhuôs zâu thiêz têx cui tinhv nhiv no tsuv ndo njôngr

Qir tiv phênhv ntâu uô têx nhuôs zâu tsuv uô hâux lưv hnhar, paz niêv txir uô liêx têz li uz li no zos viv luz nênhx yeiz pluôs, txov nhêv. Muôx kênh lênhx nhuôs zâu lơưr txưv zênhv uô hâux lưv, cux muôx têx lênhx viv trâus luôs lưv tus zuôv uô lok sik muôx têx tus nhuôv viv tsi muôx qơư khov vav trâus iz cxiê lênhx nênhs fêv hâur xã hội hâuz zâuv, kuôz zuôv uô têx nuv hnhar.....

Chor nênhs nhênhz chơưv heik, nzor uô têx hâux lưv hnhar zuôr uô ruôr hiêv, tsi jông txos nhuôs zâu cêr hloz lox thiêz đas jos; iz chas ntơư, cux zuôr uô tsi jông txos lênhx nênhs lês uô têx hâux lưv têz qơưk hâur ntu tov kaz.

Chei têz qơưk Việt Nam tưz muôx têx cui tinhv lok six tsênhz mênhx lok sir zôngv lox tôngv zos nhuôs zâu. Hâur co, iz chas taz por trơưk têx cui tinhv lok nhuôs zâu tsi tâu muôx 15 shông uô hâux lưv tâu cui tinhv tsi tsênhr đhâu 4 luz six hơưv iz hnuz thiêz 20 luz six hơưv hâur iz ciêz; iz chas ntơư, tsi tâu uô nzir six hơưv thiêz tsi tâu uô hâux lưv lok hmo ntux. Chor nênhs uô cxâuv lok sir zôngv lox tôngv zos nhuôs zâu nhiv no tâu cui tinhv tsênhz mênhx zuôr trâus bluô nhiêx ndê txos 75 tsov đeiv thiêz trâus nhoz tux 10 shông, seiz têx uô cxâuv ntơư hnhar lok siz.

Txơưv tưz muôx cui tinhv mênhx li ntơư, taz sik tsênhz tiês tso pov, nhoz pêz têz qơưk, cux tsênhv muôx têx nhuôs zâu trâus uô hâux lưv hnhar. Đhâu qênhz yuôx shông 2021 tso pov, tas nro têz qơưk muôx zuôr xar 7% têx nhuôs zâu txix 15-17 shông zos lox tôngv nhuôs zâu. Ntâu lênhx nhuôv uô têx hâux lưv lok six hnhar, đros thiêz phênhv sâu tâu tsơưs. Muôx têx muôx kênh lênhx nhuôv nxeik tsênhv trâus zuôv taz kruô, muôs pax muôs chêr. Têx zuôv nhuôs zâu uô hâux lưv tsi trơưk chei co uô ruôr hiêv txos chor nhuôs đas jos, cêr hloz lox, luz nênhx, cêr cơưv txơưx njê viv tsi yuô tâu đros luôs lưv tus cơưv txux chi, uô si lov jêv.

Chiê phax tir thêir têx tsi jông li heik sâuv, por hưv thiêz muôz qơư truôx tuk trâu cxuô lênhx nhuôs zâu huôv tsar, hnuz 27/5/2021, Thủ tướng Chính Phủ tưz tso tơưv Quyết định sôr 782/QĐ-TTg cir tsaz yênhx phax tar thiêz txo grêk tsơưs nhuôs zâu lox tôngv tsi trơưk chei têz qơưk cui tinhv ntu 2021-2025, uô txos shông 2030 đros trâu têx nuv lok six tsênhv tsênhz.

Ntơưv tỉnh Sơn La, thax tsav muôx zuôr xar 370 cxênhz lênhx nhuôs zâu, tsav 28% ntâu jênh sôr, Tsaz yênhx phax tar thiêz txo grêk tsơưs nhuôs zâu lox tôngv tsi trơưk chei têz qơưk cui tinhv lơưr Thủ tướng Quyết định cux tsênhv tâu cxuô cấp, ngênhx, ntơưv qơư sir jos fuô uô, chiê uô tâu truôx iz cxiê luôs hâux lưv zov chênhr li: 100% lox tôngv nhuôs zâu, têx lênhx nhuôv zôngx ziv yênhx lox tôngv nhuôs zâu thiêz chor nhuôv zâu trâus nênhs fêv zuôr muôs zuôv uô têx hâux lưv hnhar thâuv muôx heik pâuz cov paz max, đros phax tir thêir, tâu seiz car, sox kaz; 70% canr bôv, cưk kriê ntơưr hâur cxuô luz tsêr cơưv; 100% canr bôv, viên chức uô hâux lưv ntơưv têx qơư tu chor nhuôs zâu, 70% têx lênhx uô niêv uô txir, nênhs tsoz phưz nhuôs zâu tâu côngz têx mông, tsưr ziv lok phax tar, txo grêk tsơưs lox tôngv nhuôs zâu; 70% nhuôs zâu cơưv ntơưr cxênhx iz thiêz cxênhx 2, 80% nhuôs zâu cơưv ntơưr cxênhx 3 tâu côngz têx mông, tsưr ziv lok phax tar, txo grêk tsơưs lox tôngv nhuôs zâu; uô txos shông 2030 tuôr truôx thiêz sir jos cov tsi muôx lênhx nhuôv zâu tưs hâur thax tsav tỉnh trâus kuôz zuôv uô têx hâux lưv hnhar, hâux lưv tsi trơưk chei; txo grêk tsơưs tiv zix chor nhuôs zâu zôngx ziv yênhx lox tôngv nhuôs zâu...../.

Thu Thùy-Riê Lâux cxeik, nhênhv