Sir jos kriê ntơưr nhoz tox siêz

Txox cêr tsuôk ntêr muôx nhos 10 cei cêr, taz sik chiê muk txos Tsêr cơưv cxênhx iz thiêz cxênhx oz Mường Và, huyện Sốp Cộp ( Sơn La) muk txos tsêr cơưv Pá Vai, têx cưk kriê ntơưr tsuv muk pôngz lơưv 1 six hơưv. Hnuz yar ntux mak lok six pâus, têx hnuz ntux lok nas lox muk tsi tâu hlâu đêx, têx cưk kriê tsuv muk tơư muk kriê ntơưr. Cưk kriê Lò Văn Hùng, cưk kriê tsêr cơưv pheiz kênh: “Cur cux zos cưk kriê ntêr shông, kriê ntơưr nhoz tox siêz, qơư tsênhv yuôr ntâu phêv liv lok cêr muk lok, muôx têx thâuv ntux lok nas lox muk tsi tâu đhâu đêx tsuv muôz yêz tso ntơưv pox nhuôk tsêr thiêz muk tơư muk kriê ntơưr. Đas jos paz cur kriê ntơưr trâu shux xênhz zos pov shux xênhz tuôx cơưv ntơưr cxix cxuô, pêz lok six jông siêz”

          Tsêr cơưv Pá Vai muôx 2 lớp cơưv đros muôx 30 lênhx shux xênhz. Nhiv no tsêr cơưv tưz tâu yưv pênhr cxiv uô qar cơưv truôx jông, yuôr 1 qar zos cưk kriê thiêz shux xênhz li niêv txir chiv chir cxiv uô. Txơưv cêr muk lok phêv liv, muôx tsi txâuk cxuô zav, taz sik têx cưk kriê nhoz no thâuv tưs cux sir jos viv shux xênhz nziv hluz. Cưk kriê Vì Văn Hoà, cưk kriê tsêr cơưv cxênhx iz thiêz cxênhx oz Mường Và puz pâuz: “Shux xênhz nhoz no phênhv ntâu zos nênhs mênhx cxưx tsơưs nênhs, cơưv ntơưr mak tsi zôngx ziv li têx shux xênhz nhoz tiêx đras, viv li pêz tsuv kriê ciês tsênhv tsênhz chiê shux xênhz pâuz. Cêr muk lok phêv liv thâuv nyar ntux, lok nas zuk cux tôngv vênhx shux xênhz niêv txir tuôx tos, lok sik sik zuk thâux shux xênhz muk tsêr. Muk cơưv ntơưr shux xênhz cux pâuz ntâu đuô”.

          Txơưv tsi tâu nhênhv ntơưr mênhx, taz sik têx shux xênhz nhoz no puôr lênhx lok six nhiêv cơưv ntơưr. Đros têx mê nhuôk shux xênhz, têx hnuz muk cơưv ntơưr zos hnuz shir phaz thiêz têx cêr shir phaz co zos têx cưk kriê paz gra tuôx trâu shux xênhz. Shux xênhz Lầu Xuân Hùng, shux xênhz lớp 2, tsêr cơưv Pá Vai heik: “Cur lok six nhiêv muk cơưv ntơưr, tâu njiz ntâu lênhx fôngx zưs, tâu njiz cưk kriê, cur lok six shir phaz”

          Tas nro huyện Sốp Cộp muôx 20 ntâu tsêr cơưv txix cxênhx mê nhuôk zâu txos cxênhx 2, đros 18 cxênhz ntâu lênhx shux xênhz. Thax tsav đar, tsôngv box nhoz tsi chêx chôngk, cơ sở cxuô zav tsi tâu cxix cxuô zos huyện li iz phêv liv. Zơưv Phạm Ngọc Sơn, Phưv tsar Phongx zaoz zux thiêz thox cxov huyện Sốp Cộp, Sơn La puz pâuz: “No zos tỉnh li iz huyện thax tsav ntus đriv txov nhêv, muôx lok six ntâu phêv liv, hâur co muôx cưk kriê 3 cxênhx cơưv mê nhuôk zâu, cxênhx iz, cxênhx oz pêz puôr lênhx tsi tâu muôx txâuk. Cơ sở cxuô zav đros têx thax tsav huyện Sốp Cộp muôx ntâu tsêr cơưv nhoz đêz, zoz qơưx shux xênhz nox nhoz ntơưv tsêr cơưv cux siêz taz sik cơ sở nhiv no tsi tâu tuôv zênhv tâu zoz qơưx nox nhoz…”

          Txơưv yuôr ntâu phêv liv, taz sik têx cưk kriê nhoz no cux tsênhv sir jos truôx siêz kriê ntơưr trâu shux xênhz, xar njôngr têx shux xênhz zuôr muôx tâu luz nênhx tov kaz no jông đuô./.

Trấn Long-Txâur Vax cxeik nhênhv