Tsôngv pêx  xênhv heir nênhs Cho nhoz Sơn La tuôr tâu truôx têx vênhx huôv jông tsi chiê pôngz plox

Zơưv Bàn Văn Đức, nhoz jok Suối Lìn, xã Vân Hồ, huyện Vân Hồ, tỉnh Sơn La zos iz lênhx nênhs tsês ntâu six hơưv, hnuz nhôngs chiê tsưx phưv thiêz huôv tsar nênhs Cho têx ntơưr sâu. Txix shông 2012 txos nhiv no, zơưv Đức tưz krêz xar muôx 20 lớp cơưv thiêz kriê 700 ntâu lênhx nênhs cơưv têx luk heik, ntơưr sâu, txux chi vênhx huôv, paz côngv thôngx nênhs Cho pâuz txos zuk heir nênhs têx ntơưr sâu thâuv ntêx chiê sơưr đơưk sik đros por hưv, tuôr tsês tsi chiê pôngz plox. Zơưv Đức heik pâuz, iz hâur têx txux chi vênhx huôv jông muôx đros đreiv tsôngv box Cho cêr nênhx xênhz huôx chênhr zos ntơưr Cho, chor ntơưr lâul thâuv ntêx tâu zôngv sâu trâu nênhs Cho têx txux chi cêr nênhx vênhx huôv, sâu đaz nênhs, cxênhx cxênhv chei đaz kruôk:“Zos nênhs Cho, cur tưz pâuz thôngz pâuz cxix lok têx ntơưr sâu, kriê sơưr đơưk cêr uô nênhx jông, tsiv txiêx thiêz cur xar, tsuv kriê trâu cxênhx hluôk cơưv shâuv chiê lơưr heik trơưk, đros por hưv tsês zuk heir nênhs Cho têx txux chi vênhx huôv tsi chiê pôngz plox”.

Đros trâu nênhs Cho têx ntơưr sâu, txux chi hu gâux, heik cưr cxiêx cux zos txux chi vênhx huôv thâuv tưs tưz zuôr tsuv muôx hâur luz nênhx xênhz huôx niêx hnuz. Têx suôz gâux Páo Dung, têx txux chi đhiê uô si lov jêv tưz muôx đros đreiv nênhs Cho, yênhx iz kro thâuv tưs tưz zuôr tsuv muôx hâur têx ntênhs hội, nox yôngz cok thiêz nthuôr uô cêr lov jêv. Txux chi vênhx huôv no tâu nênhs Cho por hưv thiêz uô đreiv đhâu têx paz tuz nxeik hluôk hâur jok, hâur xã nthuôr uô lov jêv. Tix lâus Bàn Văn Phong nhoz xã Vân Hồ, huyện Vân hồ heik: “Cur thêz tsôngv pêx xênhv hâur jok Suối Lìn lok six nhiêv nênhs Cho têx txux chi vênhx huôv, cêr lov jêv, ntơưr sâu, cur zuôr sir jos cơưv chiê đros por hưv thiêz tuôr tsês têx txux chi ntơư trâu cxênhx hluôk tov kaz no pâuz txos”

Tsôngv box Cho, iz hâur têx côngv thôngx heir nênhs uô nênhx nhoz ntêr yax ntơưv huyện Mộc Châu, lar heik zos têx txux chi vênhx huôv, cêr nênhx phôngz cxưx thiêz ntênhs hội cxôngx nzor, tsi tiêk paz ngênhx vênhx huôv tỉnh Sơn La muôx nzir ntâu zav txux chi jông, tsênhv chênhr zos nênhs Cho cêr shir phaz thiêz jông siêz.

Têx ntênhs hội tsi so tâu tsôngv pêx xênhv por hưv tsês thiêz nthuôr uô li: Cxênhx cxênhv txi jôngr, txux chi nox tsiêz đhiê lok sik đơưk bê trâu iz tuz hluôk thâuv hloz tiêr nênhx..... Hâur co, phênhv ntâu nênhs Cho têx txux chi vênhx huôv cxôngx nzor cux li tsưr ziv xar lok luz nênhx xênhz huôx, têx cxênhx cxênhv chei đaz kruôs, txux chi uô si lov jêv, tsưr ziv choz kriê cêr uô nênhx tsiv txiêx, yênhx nênhs jông....puôr lênhx tâu nthuôr uô đhâu hâur ntênhs hội Púng Hiéng. Zơưv Lý Trọng Sinh, nhoz jok Suối Khem, xã Phiêng Luông, huyện Mộc Châu heik pâuz:“Đros thiêz pêz nênhs Cho, ntênhs hội no zos ntênhs hội lox đuô hur si hâur shông, pêz lok six shir phaz thiêz jông siêz viv tsênhv por hưv thiêz tuôr tâu tsês txux chi co. Hâur ntênhs hội no, pêz chor iz chuôz xênhv 3 shông iz jiês, shông tiv 4 pêz tror nthuôr uô đuô, kriê đuô têx txux chi đhiê uô si lov jêv, cxênhx cxênhv chei đaz kruôs, kriê hu gâux, sênhr chêr, ntâuk đruôk....hur si puôr lênhx cik txos nênhs Cho txux chi vênhx huôv”.

Têx shông đhâu, ntâu tsaz yênhx paz max tưz tâu tỉnh Sơn La fuô uô chiê por hưv tsôngv box Cho luk heik, ntơưr sâu thiêz têx txux chi vênhx huôv jông thâuv nzor. Iz chas co, yưv pênhr cxiv kho têx côngz trênhx vênhx huôv, nthuôr uô têx cêr lov jêv thiêz hội thảo chiê kruôs txos têx txux chi vênhx huôv. Chor nênhs pâuz cxuô pâuz tsênhz têx txux chi vênhx huôv, txơưx sênhr chêr nthuôr uô lov jêv tâu cxơưz cxiz thiêz paz max hâur kriê ntơưr sâu, txux chi vênhx huôv trâu cxênhx hluôk. Têx sir jos li heik sâuv tưz uô muôx iz tênhx qơư jông chiê heir nênhs Cho têx txux chi vênhx huôv tâu por hưv tsês tsi chiê pôngz plox. Pos Nguyễn Thị Hoa, Phưv Chủ tịch Ủy ban huyện Mộc Châu, tỉnh Sơn La heik pâuz:“Nhiv no Mộc Châu tưz muôx 11 ntênhs hội tâu côngk nhav zos di sản vênhx huôv jông cấp têz qơưk, hâur co muôx tsôngv box Cho 7 ntênhs hội jông, pêz cux xav tinhv, niêx shông txix tsôngv box têx txux chi muôx nhiv no, pêz zuôr paz max chiê sđ tror cxiv uô đuô, por hưv, tuôr tsês tsi chiê pôngz plox”.

Luôs hâux lưv por hưv, tuôr tsês heir nênhs Cho têx txux chi vênhx huôv tưz paz gra siêz luz nênhx xênhz huôx, zos qơư cxơưz chiê tsôngv box sir jos hla đhâu phiv liv, cxiv tsa jêx jok, qơư nhoz ziv hnuz ziv huôv tsar jông thiêz vav mênhx đuô /.

                                                                            Trấn Long-Riê Lâux cxeik, nhênhv

               Ndis shuôk têz qơưs

Festival Kênhx thiêz ntênhk hội pax txir đuôx jôngr huyện Mù Cang Chải shông 2024

          Hêik txos Mù Cang Chải, tsôngv kruô puôr lênhx xar txos blêx liêx tơư ntêir jông jav, tâu tsôngv kruô xav zos iz thax tsav qơư jông jav tiv iz nhoz pêz têz qơưs VN, txuôk đros tsôngv px hâur thax tsav tsênhv huôv tsar truôx tâu têx txux chi, vênhx huôv jông cxôngx nzor, co zos vênhx huôv kênhx Hmôngz, sir zôngv chiêz mur sâu cok trâu têx ntâuz txêix pax jông jav đros trâu ntâu ntênhk hội, muôx chôngz lênhx kruô tuôx sêiz shuôk.

          Tsôngv kruô tuôx txos trâu Mù Cang Chải hâur têx hnuz muôx ntux no njiv co, tsôngv kruô cux tâu sêiz têx pax txir đuôx jôngr tơưs yiêz jông jav huv đros siêz nhiêv. Zav pax no muôx nhoz trâu têx har jôngr siêz iz cxênhz thiêr pir li niêv đêx hiêr. Đhâu iz shông khưr sâu tâu ntâu kôngz cux zos hla trâu chêix ntux yiêz, pax txir đuôx jôngr tơưs yiêz, cux chênhr zos tsôngv tuz nxêik hluôk Hmôngz hâur thax tsav qơư co hnar têx tsôngk tiêz, tsôngk yo jông jav đros trâu têx suôz kênhx kriz nthuôr uô cêr lov jêv, por poz hêik cưr cxiêx hâur têx hnuz shôngk shông yiêz.

          Tuôx txos trâu Mù Cang Chải hâur têx hnuz no, iz chas sêiz têx pax txir đuôx jôngr tơưs yiêz; tsôngv kruô cux tsênhv tâu sêiz ntênhk hội Festival kênhx Hmôngz txuôk đros kriz uô ntâu cêr lov jêv hâur chêix ntux yiêz.

          Ndax trâu ntu no, (Bộ Vênhx huôv) tưz muôz ntơưr côngz jênhv cxuô ntênhk hội cxôngx nzor huyện Mù Cang Chải zos têx vênhx huôv tsiv grê; Co zos ntênhk hội tuôr nduôr blêx; ntênhk hội pax txir đuôx jôngr tơưs yiêz; ntênhk hội Festival chêix câuk za "sêiz shuôk têx tox trôngz câuv har jông jav”.

Đros co, Ban tsưr tsix cux muôz huv puz trâu chor tưr sâu đuôz huyện Mù Cang Chải thiêz cxêik đuôz ntông tuôz ziz; tok txêik Việt Nam ntơưr côngz jênhv 4 zav ntông tsiv grê, co zos iz tsoz ntông chiêz; 3 tsoz ntông Thiết sam ntơưv jos Nả Háng, xã Chế Tạo.../.

                                          Tsu cxêik nhênhv-Đinh Tuấn-Tòng Anh BT