VOV4.Sêdang - Hiăng luâ 1 hơnăm rak vế, pêi pro tiô troăng hơlâ dêi Khu xiâm ngăn ‘na ko\ng an ‘na tơdroăng ki xing xoăng hnoăng cheăng ko\ng an xiâm ‘na troăng hơlâ ki kring vế inâi ko\ng an cheăm, khu râ ko\ng an cheăm a kong pơlê Dak Nông hiăng pơtối mơdêk hnoăng cheăng ki xiâm tung kring vế tơniăn pơlê pơla, hbrâ tơplâ mơdât tơdroăng pro xôi, kring vế tơniăn ing pơlê cheăm, Ing apoăng khế 12 kố, Ko\ng an kong pơlê Dak Nông pơtối pơkâ troăng hơlâ ‘’Á pro ko\ng an cheăm’’, hiăng to\ng kum tơdroăng ki ó rơdêi, trâu rơdâ hên tâ nếo tung mơjiâng khu râ ko\ng an cheăm ki xiâm, tơtro [ă tơdroăng ki pơkâ pêi pro hnoăng cheăng tung roh ki nếo.

Ko\ng an tơring Dak Mil cho tíu pêi cheăng ki apoăng dêi kong pơlê Dak Nông pêi klêi tơdroăng ki pơtroh ko\ng an xiâm vêh pêi dêi hnoăng cheăng mâu inâi ko\ng an a tâi tâng 9 to cheăm sap ing khế 7/2019. Khu ko\ng an xiâm vêh a cheăm hiăng re\ng mơdêk dêi ivá tung hnoăng cheăng, rak tơniăn tro kring vế, châ khu râ kăn Đảng, khu kăn pơkuâ rêm râ tơmâng xo, kuăn pơlê loi tơngah. Pôa Trần Xuân Toan, a cheăm tơkăng kong Dak Lao, tơring Dak Mil tối ăm ‘nâi:

‘’Mâu ko\ng an xiâm vêh mê tơdroăng kring vế tơniăn châ mơdêk khât, ai tơdroăng klâi ‘lo mê ngin krếo phôn vâi ai mâ tơdrêng hlối, pơkâ tơleăng tơdrêng hlối. Môi tiah tơdroăng ki ai mâu ngế ki hmâ ôu drôu, xah hêi mê hiăng hơ’leh khât. Má péa cho ‘na tơdroăng ki pơkâ tơleăng mâu hlá mơ-éa mê vâi pú mê pêi tro khât, pơkâ tơleăng re\ng, tơdrêng, ôh tá pro xơpá klâi ôh ăm kuăn pơlê’’.

Ko\ng an cheăm a Dak Mil achê [ă kuăn pơlê, mơdêk rak vế tung rơnó krí kơphế

Tiô pôa Thái Quang Cường, kăn hnê ngăn Vi [an cheăm Đức Mạnh, tơring Dak Mil, tơdroăng ki rơkê ple\ng mơhno tối tơdrêng hlối ing tơdroăng ki pêi cheăng, pơkâ tơleăng tơdroăng ki ôh tá tơniăn [ă hên tơdroăng ki ê dêi khu lêng ko\ng an xiâm vêh a cheăm hiăng pro chiâng tơdroăng ki loi tơngah tung kuăn pơlê:

‘’Hnoăng cheăng dêi mâu vâi pú ko\ng an xiâm lăm vêh a cheăm mê hnoăng cheăng vâi châ mơdêk khât, tơdroăng rơkê ple\ng mê hlo rak tơniăn tơ-[rê tâ’’

Ko\ng an xiâm vêh a cheăm mê hlo tơ-[rê khât, tiô Thươ\ng tă Đinh Văn Hiếu, kăn pho\ ngăn ko\ng an tơring Dak Mil, tâi tâng khu kăn Đảng [ă kăn pơkuâ ko\ng an tơring hiăng hriăn ngăn nhên tơrêm kơ pơlê cheăm xuân môi tiah mơdêk ivá cheăng dêi rêm ngế kăn [o# vâ xoăng vêh kum cheăm ăm tơtro. 1 hơnăm hdrối nah, ko\ng an cheăm hiăng pêi pro mâu tơdroăng ki xiâm tung rak vế tơniăn kring vế sap ing pơlê, cheăm, veăng kum mơhno tối mâu tơdroăng cheăng dêi kơvâ ko\ng an hlo tơ-[rê. Ki nhên gá cho kơxo# rôh pro xôi luât a Dak Mil kơdroh vâ chê 10% tâng vâ pơchông [ă hơnăm hdrối, kuăn pơlê pơcháu nâp xêh lối 100 toăng tu\m túa pháu hơnêa.

‘’Tơbleăng tơdroăng pơkâ kố mê ngin mơnhên tối krê ‘na hnoăng cheăng tơplâ mơdât mâu ngế ki pro xôi mê ngin hiăng hbrâ rơnáu hdrối, tung 1 hơnăm hdrối nah hlo tơ-[rê khât, châ kuăn pơlê môi tuăn, kum khu lêng ko\ng an. Malối cho tơring Dak Mil ai 2 to cheăm tơkăng kong [ă lối 45km troăng tơkăng kong, mê tơdroăng ki tơru\m [ă khu mố đo#i gak tơkăng kong [ă ko\ng an cheăm xuân môi tiah ai tơdroăng ki hnê mơhno dêi ko\ng an tơring mê hiăng mơdêk tơ-[rê a troăng tơkăng kong, hlo nhên má môi cho tung rôh hbrâ mơdât pơreăng Covid-19 pơla hdrối kố nah’’.

Môi hơnăm hdrối nah, ko\ng an Dak Nông hiăng mơhnhôk kuăn pơlê pơcháu nâp lối hr^ng toăng pháu tu\m túa

Tung môi hơnăm hdrối nah, Ko\ng an Dak Nông hiăng ăm kăn [o# lêng vêh pêi dêi hnoăng cheăng cho mâu inâi ko\ng an cheăm a tâi tâng 60 to cheăm tung kong pơlê. Tiah mê, rêm cheăm châ xoăng iâ hlái ai 6 ngế ko\ng an xiâm, mâu cheăm ki kal ‘na tơdroăng kring vế tơniăn mê châ xoăng troh 10 ngế. Maluâ ối ai hên tơdroăng xơpá ‘na hngêi trăng, tơmeăm khoăng, rơxế to, tíu pêi cheăng, khu ko\ng an cheăm xiâm hiăng pêi pro châ tơ-[rê hnoăng cheăng tơplâ mơdât mâu ngế ki pro xôi a pơlê, cheăm, rak tơniăn tơdroăng rêh ối, châ rêm râ kơvâ cheăng mơnhên tối, kuăn pơlê loi tơngah.

Sap ing khế 12/2020, Ko\ng an kong pơlê Dak Nông tơbleăng túa pơkâ pơtroh lêng ối tung mâu tíu pêi cheăng a râ kong pơlê ‘na tơdroăng ki pêi pro hnoăng cheăng a ko\ng an cheăm (khe\n cho túa pơkâ ‘’Á pro Ko\ng an cheăm’’). Kố cho túa pơkâ krê dêi Ko\ng an Dak Nông, vâ pro tơdroăng ki hơ’leh rơdêi, trâu hơngế tâ [ă tơdroăng ki pơkâ thế, hnoăng cheăng mơjiâng khu ko\ng an xiâm cheăm.

Đăi tă Hồ Văn Mười, kăn pơkuâ Ko\ng an kong pơlê Dak Nông, ăm ‘nâi, túa pơkâ kố châ tơbleăng pêi hên roh, rêm roh dâng 100 ngế kăn [o# pêi dêi hnoăng cheăng ko\ng an cheăm tung pơla 15 troh 30 hâi. Tơdroăng kố cho vâ mơdêk ki rơkê ple\ng ‘na hnoăng cheăng dêi ko\ng an cheăm, mơdêk tơdroăng ki hnê mơhno to\ng kum tơdroăng cheăng, mơdêk ki tơ-[rê tung tơdroăng cheăng ko\ng an a pơlê, cheăm, tơdrêng amê hnối veăng kum hriâm pât ‘na tơdroăng cheăng, pêi pro tơdroăng tung tơdroăng ki ai khât ăm mâu kăn [o#, lêng.

Đăi tă Hồ Văn Mười, tối nhên tâ:

‘’Pơxiâm păng ‘nâng tơbleăng túa pơkâ ‘’Á pro ko\ng an cheăm’’ mê hdrối mê Khu pơkuâ Ko\ng an kong pơlê hiăng pơkâ tơku\m [ă pơtroh 120 ngế chu troh a cheăm, ki hdrối tâ cho tơku\m to\ng kum ăm ko\ng an cheăm vêh tơdroăng pơkâ chêh ‘măn tung hlá mơ-éa tíu kuăn pơlê rêh ối tơnêi têa [ă theh căn cước kuăn pơlê. Ngin hiăng mơnhên tối pêi pro tơ-[rê mê gá hlo tơ-[rê khât. Xua mê, nôkố ngin dế pơtroh dâng 100 ngế nếo vêh troh a mâu cheăm. {ă klêi kơ’nâi rêm roh mê ngin pơrá mơnhên tối tơdroăng ki rơkê ple\ng mâu tơdroăng klâi ki tá hâi pêi pro klêi, vâ ‘mâi rơnêu, pro tiah lâi ăm túa pơkâ kố châ mot tung tơdroăng rêh ối’’.

Đăi tă Hồ Văn Mười, kăn pơkuâ Ko\ng an kong pơlê Dak Nông tơpui a leh tơbleăng túa pơkâ ‘’Á pro ko\ng an cheăm’’

Mâu tơdroăng ki hơ’leh ‘na kring vế, gak ngăn tơniăn a thôn pơlê Dak Nông ăm hlo, tơdroăng ki ăm ko\ng an xiâm vêh pêi dêi hnoăng cheăng cho mâu inâi ko\ng an cheăm cho troăng hơlâ ki tơtro [ă re\ng tơdrêng, mơdêk tâi tâng mâu hnoăng cheăng, rak tơniăn sap ing pơlê, cheăm. Khu ko\ng an cheăm [ă ivá khên tơnôu ‘na tơdroăng cheăng kal kí, tơdroăng cheăng [e\ng [eăn, kơhnâ [ă hnoăng cheăng hiăng pêi pro châ mâu tơdroăng ki pơkâ thế dêi hnoăng cheăng tung tơdroăng nếo, cho tíu ki loi tơngah dêi khu râ Đảng, khu kăn pơkuâ [ă kuăn pơlê Dak Nông.

Minh Huệ chêh

Katarina Nga tơplôu [ă tơbleăng