Veăng trâm mâ, tơpui tơno mê cho mâu ngế ki rơkê kơhnâ khât, mâu ngế ki djâ troăng le\m ahdrối [ă ai hên túa pêi ki tơtro, rơkê ple\ng ‘na hên mâu kơvâ cheăng. Tung mê, ai mâu ngế ki rơkê tung tơru\m môi hiâm mơno [ă pêi pro mâu tơdroăng cheăng, vâ pơtối tơdjâ hnoăng ki tâi tâng kuăn pơlê veăng kring vế, gak ngăn tơnêi têa dêi Ko\ng an tơring Triệu Phong, kong pơlê Quảng Trị tơru\m cheăng [ă mâu jâ ch^ng, [ok xối, mâu yao phu a mâu tơring khôp. Ing túa, cheăng ki kố hiăng thăm mơdêk hnoăng tơ’noăng tơdroăng cheăng mơjo pâ tơnêi têa, veăng kum pro hơ’lêh hên pơlê cheăm ki hdrối nah ôh tá tơniăn tung tơdroăng rêh ối.

Trâm mâ, tơpui tơno [ă khu ngế ki rơkê kơhnâ

Tiô Đăi tă Nguyễn Ngọc Minh, Kăn hnê ngăn Ko\ng an tơring Triệu Phong tối, khoh chiâng ai tiah kố, cho tơdroăng ki kơdo mơ-eăm hriâm tâp, pêi pro [ối tiô hiâm mơno, tuăn tơmiât, túa cheăng dêi Pôa ‘na mơhnhôk mơdêk ivá ki rơdêi dêi khu tơru\m cheăng pơla hdroâng kuăn ngo.

‘’Pêi pro tiô rơkong hnê tối dêi Pôa hiâm mơno mơjo pâ tơnêi têa [ă tuăn loi dêi tơdroăng khôp ga môi tiah dêi pó, [ă hnoăng cheăng ngin cho tơdjêp pơla tuăn loi tơdroăng khôp [ă mơjo pâ tơnêi têa vâ rơtế pêi pro, môi hiâm môi mơno tung mơjiâng pro pơlê pơla Triệu Phong. {ă tơdroăng ki ai pơxúa mê, ngin hiăng mơjiâng mâu túa cheăng ki rơkê tơtro ‘na kring vế, gak ngăn tung tơdroăng Khôp Phop, tơdroăng khôp Pâ Xeăng rơtế tơru\m veăng kring vế, rak tơniăn ăm pơlê pơla’’.

Pôa Võ Văn Thưởng, Ngế cheăng tung Khu xiâm kal kí tơnêi têa diâp Medai ăm mâu ngế ki rơkê kơhnâ

Môi tơdroăng hơ’muăn tối ki le\m tro pro hiâm mơno mơngế chiâng phoih hơ-ui pâ, mê cho tơdroăng ‘nâi hơ-ui, khíu pâ dêi pó, hiăng châ mơjiâng pro ing Hngêi păn rak vâi hdrêng inâi Tín Thác a cheăm Lộc Thanh, pơlê kong kơdrâm Bảo Lộc, kong pơlê Lâm Đồng, cho tíu ki păn roăng, rak ngăn lối 100 ngế vâi hdrêng ki tro mơhrâm lôi klêi kơ’nâi kot mâ, xua ing hiâm mơno mơjo pâ, păn roăng, rak ngăn, veăng kum dêi khu jâ ch^ng. Teăng mâ Hngêi păn roăng-rak ngăn Tín Thác, jâ ch^ng Nguyễn Thị Hường tối tiah kố, Pôa Hồ Chí Minh krếo thế rêm hdroâng mơngế, mâu khu khôp rơtế tơru\m, rêh tro ‘na châ le\m ‘na mơhúa, hơ-ui pâ dêi pó. Rak vế, pêi pro rơkong hnê tối mê, plâ 10 hơnăm hiăng luâ, Hngêi păn roăng-rak ngăn Tín Thác đi đo po rơdâ tơdroăng veăng kum ăm hên vâi hdrêng ki tro mơhrâm lôi mê.

‘’Rơkong pơchân tối dêi Pôa Hồ cho vâ tâi tâng vâi krâ-nho\ng o pin đi đo châ phâi niên, hơniâp le\m, mâu kuăn ‘ne\ng cháu chái châ hriâm rơkê. Ki ngin châ hlo má môi, mê a hâi lơ 12 khế 6 hơnăm 2009, drêng á prôk drô troăng trâm hlo môi ngế muăn ki vâi hvât lôi ga a k^ng troăng, á hnhâ ché ki vâi lu\m mê a hlo kuăn ngá krôu xua kơklêa, ối lông hông, bu ai môi plâ bung khêi la hiăng kơmô chiâng mơngiơk prăng tâi tâng. Drêng mê, tung hiâm mơno á hlo hơ-ui pá kâi tối, mơjo pâ kơ kuăn ngá ki mê ‘nâng, á pá ‘nâi u pro ki klâi, ngin cho mâu ngế ki pêi cheăng ‘na mơhúa bu ai to kơpeăng ko\ng tê, mê nôkố djâ kuăn ngá mê prôk troh tíu lâi? La ai môi rơkong ki tơpui tối tung hiâm mơno á ‘’tơdroăng ki mơhúa mê hiăng troh [ă kuăn’’, xua mê á hiăng khên tơnôu pin xo kuăn ngá ki mê, á tơpui xêh môi ngế tiah kố ‘’Ô kuăn! Ôh tá ai kơbố xo păn roăng, mê hâi kố cho kuăn dêi jâ ch^ng hôu’’.

Pôa Nguyễn Thế Kỷ, Kăn xiâm pơkuâ Rơ’jíu Việt Nam [ă kăn pơkuâ kong pơlê Lâm Đồng pleăng reăng ăm khu ki veăng tơpui tơno

Hơnăm kố, tâi tâng đảng, tâi tâng kuăn pơlê, tâi tâng khu lêng koh tơbâ 50 hơnăm hâi Pôa Hồ hiăng prôk hơngế. Xua ti mê, tơdroăng trâm mâ, tơpui tơno thăm vâ mơdêk hnoăng cheăng hnê mơhno tối ‘na ki tơ-[rê dêi tơdroăng pêi pro tiô pơkâ 05 dêi Khu xiâm ngăn ‘na cheăng kal kí, pơtối veăng mơhnhôk hriâm tâp [ă  pêi pro tiô hiâm mơno, tuăn tơmiât, túa pêi cheăng dêi pôa Hồ Chí Minh, koh tơbâ 50 hơnăm hâi rak vế, pêi pro Rơkong pơchân tối dêi pôa Hồ Chí Minh, Kăn xiâm hnê ngăn tơnêi têa hneăng ki apoăng nah.

 Kố cho roh ki trâm mâ, tơpui tơno cheăng kal kí ki kân [ă kal păng ‘nâng vâ rêm kong pơlê, pơlê kong kân, mâu kơ koan, mâu tíu pêi cheăng, rêm ngế kăn [o#, đảng viên, rêm ngế kuăn pơlê vâ vêh séa ngăn dêi tơná, kơdo mơ-eăm mơhriâm tiô Pôa, pêi pro tiô Pôa tơdroăng mơjiâng pơlê pơla, tơnêi têa kro mơdro\ng, tơtêk niân. Mâu ngế ki djâ troăng ahdrối ki tơpui tơno a chôu phut trâm mâ, tơpui tơno mê hiăng mơnhên tối tơdroăng ki pơtối djâ mơhno troăng bâ eăng dêi hnoăng ki kơnía git tiô kơ hiâm mơno, tuăn tơmiât, pêi cheăng tiô Pôa Hồ Chí Minh.

Quang Sáng chêh

Nhat Lisa tơplôu [ă tơbleăng