Maluâ trâm mâ roh kố pôa Vũ Ngọc Luyện, kăn pho\ pơkuâ kal kí, cheăng tung Khu xiâm pơkuâ lêng kong pơlê Gialai hiăng 70 hơnăm, pơtê cheăng sap hơnăm 2002, pôa pơtối mơhno dêi hnoăng cheăng mơngế kăn khu lêng tung kơvâ mơjiâng cheăng kâ drêng re\ng châ ‘nâi khoa ho\k kih thua#t pêi chiâk pêi deăng, châ tơ-[rê [a\ tơdroăng pêi pêt tiêu, pêi lo liăn tơniăn lối 1 rơtal liăn môi hơnăm. Pôa xuân mơ-eăm hnê mơhno túa pêi ki rơkê dêi tơná ăm kuăn ‘ne\ng cháu chái, kum hên ngế a kơpong rêh ối, rơtế [a\ châ tơ-[rê [a\ túa pêi chiâk deăng [a\ châ kuăn pơlê loi tơngah rah xo pro kăn hnê ngăn Kâu la\k [o# khu mô đo#i hneăng hdrối nah rơkê pêi chiâk deăng, rơkê tê mơdró a kong pơlê Gialai. Pôa Vũ Ngọc Luyện tối:

‘’Ing túa ki rơkê tơtro, mê á pêi cheăng kâ xuân pro tơ’lêi hlâu kum kuăn pơlê, klêi mê, tơpui tơno hnê dêi pó túa ki rơkê tơtro tung mâu khu mô đo#i hneăng hdrối nah vâ pêi cheăng kâ a kơpong kong prâi, tơnêi tơníu ki lâi tơtro [a\ loăng plâi ki lâi, păn mơnăn mơnôa ki lâi. Tơpui tá hiâm mơno [a\ dêi pó, mê xuân hiăng kum khu mô đo#i hneăng hdrối nah, kuăn pơlê mơnhông mơdêk cheăng kâ, chôa ‘lâng pro kro mơdro\ng’’.

A tíu tơku\m trâm mâ

Veăng roh trâm mâ, pôa Vũ Hồng Sáu, kăn pho\ tơbleăng cheăng lêng Khu xiâm pơkuâ lêng kong pơlê Gialai – Kontum ton nah, pro hên mâu kăn rơrêk tung hiâm mơno, drêng tung plâ mâu hơmăm pơtê cheăng, hiăng lăm a hên tíu tơplâ a kơpong Tây Nguyên vâ tăng chiâ kơxêng kiâ mâu mô đo#i. 25 hơnăm kơhnâ pêi cheăng, pôa Sáu hiăng ti tăng chiâ xo tâi tâng châ 71 kơxêng kiâ mô đo#i, djâ ‘mé a pơlê. ‘Na tơdroăng cheăng ki dế pêi, pôa Vũ Hồng Sáu tối ăm ‘nâi:

‘’Khu râ kăn kơpêng xuân hlâ tung tơplâ xâ, pú hmâ á xuân hlâ tung tơplâ xâ, mâu ngế ki pêi cheăng pá suâp á xuân hlâ. Hlâ tung tơplâ xâ mê nah. Pâ dêi kuăn, kơdrâi hía kơnốu. Ing tơdroăng mê, á lăm ti tăng nho\ng o. Nôkố hơnăm hiăng krâ, ivá ôh tá pá hro, laga xuân ối chiâng prôk. Vâi ối pâ pin lăm ti tăng, mê á hbrâ tơnáu lăm tăng; prôk lăm [a\ rơpo\ng hdroâng hdrê, drêng lâi xuân prôk. U ối ivá ối prôk’’.

Pơtối mơhno hiâm mơno le\m tro dêi Mô đo#i Pôa Hồ, hiăng ối tung rơxông hơniâp le\m, mô đo#i hneăng hdrối nah a Gialai xuân kơhnâ veăng mơjiâng Đảng, mơjiâng khu kăn pơkuâ a pơlê pơla. Rơtế amê, hên mâu mô đo#i hneăng hdrối nah đi đo veăng mâu roh tơpui tơno ‘na khôi túa [lêi trâng tung mâu hngêi trung. Nôkố, lâp kong pơlê ai lối 2000 khu tê mơdró, kơdrum păn, kơdroăng păn ai mâu mô đo#i hneăng hdrối nah pơkuâ, tăng cheăng pêi ăm rơpâu ngế. {a\ mâu ngế ki mê, ai cheăng pêi tơniăn, mâu ngế lêng mô đo#i Pôa Hồ hơnăm mê nah xuân pơtối mơnhên tơkêa [a\ hlá kơ Đảng: hnoăng cheăng ki lâi xuân pêi kêi đeăng, pá puât ki lâi xuân tơkâ hluâ. Pôa Hoàng Xuân Khoát, kăn pho\ hnê ngăn mô đo#i hneăng hdrối nah kong pơlê Gialai tối:

‘’Mô đo#i hneăng hdrối nah dêi Gialai tung tơplâ xâ xuân hiăng pleăng dêi mơheăm a tíu tơplâ xâ xua vâ châ tơleăng le\m hdroâng mơngế. Tung tơdroăng rêh ối nôkố, hên mô đo#i hneăng hdrối nah khên tơnôu tung pêi cheăng kâ rơkê, pro kro mơdro\ng ki tơtro ăm dêi rơpo\ng [a\ dêi châ tơná. Ing mê hiăng ru\m môi tuăn, pêi cheăng kum dêi pú khu mô đo#i, mâu rơpo\ng ki dế trâm pá. Mâu mô đo#i hneăng hdrối nah xuân pơtối pêi dêi hnoăng cheăng tơná, [a\ khôi túa le\m tro dêi Mô đo#i Pôa Hồ tung hneăng nôkố’’.

A Sa Ly tơplôu [a\ tơbleăng