VOV4.Sêdang - Hlo ki ôh tá tơniăn dêi pơreăng châi klêa chi châu Phi dế tâ tú troh a mâu kong pơlê tung lâp tơnêi têa, kơxê lơ 7/6 a tíu pêi cheăng Chin phuh, pôa Vương Đình Huệ, Ngế pro xiâm pho\ hnê ngăn tơnêi têa pơkuâ po rôh hôp [ă mâu khu xiâm, kơvâ cheăng [ă mâu kong pơlê tơbăng kroăng Hồng ‘na túa pơkâ to\ng kum liăn ngân tơnêi têa tung pơkâ tơleăng pơreăng châi klêa chu châu Phi.

Mơgêi rôh hôp, Ngế pro xiâm pho\ hnê ngăn tơnêi têa môi tuăn [ă kơxop hlá mơ-éa pơkâ dêi Khu xiâm ngăn chiâk deăng [ă mơnhông mơdêk thôn pơlê, tiah mê, môi tuăn [ă tơdroăng pâ thế troh Chin phuh, Ngế pro xiâm hnê ngăn Chin phuh ‘na to\ng kum tơmeăm păn ki prâu chôu, tâp kơđu ai 0% yă tê.

Ngế pro xiâm pho\ hnê ngăn tơnêi têa pơkâ thế kơxop hlá mơéa kố pơcháu ăm hnoăng cheăng pêi pro nhên ăm rêm khu xiâm vâ pơkâ tơleăng tơdroăng cheăng, tung mê, pơkâ thế Khu xiâm rak liăn ngân chêh pro hlá mơéa xo hdrối dâng 1.200 rơtal liăn ăm mâu kong pơlê vâ  kum kuăn pơlê ki ai chu tâ pơreăng, tung tuăn hiâm ki athế hbrâ mơdât pơreăng dêi Ngế pro xiâm hnê ngăn Chin phuh.

Katarina Nga tơplôu [ă tơbleăng