VOV4.Sêdang - Pôa Vũ Đức Đam , Ngế pro xiâm phŏ hnê ngăn Chin phuh nếo kĭ pơkâ kơxô̆ 128/NQ-CP dêi Chin phuh pơkâ pơtâ “hmâ hlối tơniăn, rơkê ƀeăn, kâi tơplâ mơdât pơreăng COVID-19’’. Ing tơdroăng ki hlo ai khât, tơdroăng hnê tối nhên dêi mâu khu cheăng khoa hok, khu ki rơkê, veăng hnê tối dêi mâu kong pơlê ƀă Khu hnê mơhno Tơnêi têa hbrâ mơdât COVID-19, Chin phuh pơkâ nhên tơdroăng hbrâ mơdât pơreăng cho hnoăng cheăng pêi ki kal vâ kring vế tơniăn ivá kuăn pơlê, ‘mâi mơnhông cheăng kâ - rêh ối pơlê pơla, rak tơniăn tơdroăng rêh ối, tơniăn tung pơlê cheăm, ƀĕng ƀĕn, kâi mơdât tơƀrê pơreăng COVID-19”". Tơdroăng pơkâ rak tơniăn ‘na ivá, châ chăn dêi kuăn pơlê, kơdroh iâ má môi kơxô̆ mơngế tâ pơreăng, mơngế ki râ ó djâ pơtroh pơlât, kơxô̆ mơngế hlâ xua COVID-19; ‘mâi mơnhông cheăng kâ - rêh ối, tơniăn kring gak pơlê pơla; pêi pro tro péa hnoăng cheăng, djâ dêi tơnêi têa pơ’lêh rĕng  tiah hmâ nếo.

Gương tơplôu ƀă tơbleăng