Pa kong mâu tíu ki tơmối hmâ mot ôm hyô tiah hmâ dêi Đà Lạt, kong pơlê Lâm Đồng, môi tiah xí Prenn, xí Datanla, long Than Thở, Thung lũng Tình yêu, Inúa Mộng mơ, kơdrum reăng dêi pơlê kong kơdrâm, pơlê Cù Lần, Thung lũng Vàng, Đường hầm đất sét [ă hía hế, mâu kơdrum ki pêt kơchâi, reăng, yâu [ok tiô túa ki pêi cheăng kơmăi dêi kuăn pơlê Đà Lạt dế chiâng tíu ki lăm pôu ngăn, xah  ôm hêi dêi kơdrâm mơngế tơmối tung mâu hâi apoăng hơnăm nếo 2017 kố.

Lăm pôu ngăn [ă ing kơpeăng ko\ng tơná mơhno\ng krí mâu plâi yâu [ok ki hiăng tum a mối tíu ôm hyô ‘na pêi chiâk pêi deăng, nâ Nguyễn Thị Lệ Hằng, mơngế lo ing pơlê kong kân Hà Nội tối:

‘’Á hiăng hmâ lăm ôm hyô hên tíu, hên kong têa vâi ê la troh akố á xuân ối tơviah ‘nâng, hlo kơdrum deăng tiah kố, pro hên ngế tơmối rơhêng vâ lăm ngăn, lăm tơhyô, ai hên mâu ngế hiăng krâ xuân môi tiah mâu ngế vâi hdrêng lăm troh ngăn. Tâng vâ tối păng ‘nâng, kố cho túa ki tơ’mot tơmối mot ôm hyô ki tơxâng vâ hriâm tâp, kal athế châ po rơdâ hên troh tí ê, ôh ti xê to a kong pơlê Lâm Đồng mê ối kal athế po hên tíu tiah mê tung lâp tơnêi têa’’.

Vâ tơniăn ăm kuăn pơlê châ lăm hyô ngăn a mâu kơdrum chiâk deăng [ă mâu ko\ng ti ki pơto chơ tơmối lăm ôm hyô tung mâu hâi apoăng hơnăm kố, Vi [an hnê ngăn pơlê kong kơdrâm Đà lạt hiăng chêh bro hlá mơ-éa [ă mơnhên tối 25 tíu kơdrum tung pêi chiâk pêi deăng, cheăng kơmăi kơmok ki rơkê ai tu\m têk kế tơmeăm vâ pro tíu ki tơxâng krip le\m ăm tơmối mot ôm hyô, lôu péa tơ’lêi hlâu ăm mơngế mot ngăn. Tơdrêng amê, tung dế pơlê kong kơdrâm, khu kăn pơkuâ akố ối ăm mơjiâng môi kơdrum deăng ki rơdâ um pái víu châ 5 sao vâ tơmối tơ’lêi châ mot ngăn, tơhyô [ă châ xup um tơbâ mâu tíu, tơmeăm ki krip le\m. Ngoh Nguyễn Văn Thông, mơngế ối a kong pơlê Bình Thuận troh a Đà Lạt tung hâi leh pro tơhmâ kố nah, tối:

‘’Á troh a Đà Lạt kố cho hiăng roh má 3.Á [ă mâu ngế pú hmâ troh akố châ hlo môi khu reăng ki nếo tiah kố le\m ro ’nâng. Ki rơhêng vâ tối cho tung dế pơlê kong kơdrâm tiah kố, achê tíu ki ngin ối, la ai môi kơdrum deăng ki rơdâ vâ rêm ngế châ xup um, mê rêm ngế ’ló sôk phiu păng ‘nâng’’.

Jâ Trần Thị Việt Hương, cheăng tung Ko\ng ti ôm hyô Viettravel tối ăm’nâi, tơdroăng ki po ôm hyô ’na chiâk deăng cho môi troăng prôk tro troăng dế châ mâu ko\ng ti pơkuâ ngăn ‘na ôm hyô mơnhên ngăn tơdroăng ki kal, hiăng chiâng môi tung mâu tơdroăng ki châ mơjiâng tơmeăm ôm hyô pro tơ’lêi hlâu, ôh tá xê iâ tung mơjiâng [ă tơku\m po mâu tour ki troh a Đà Lạt, Lâm Đồng. Xua mê, hnoăng pơkuâ ngăn dêi khu kăn pơkuâ ngăn a tíu kố ngăn nhuo#m khât tơdroăng ki mơnhông mơdêk tơdroăng ôm hyô ‘na pêi cihiâk pêi deăng, kố cho ki xiâm veăng kum kal khât tung mơnhông mơdêk ‘na tơdroăng ôm hyô akố vâ rế krá tơniăn hluâ tâ. Jâ Trần Thị Việt Hương tối ăm ‘nâi:

‘’Ki á hiăng châ hlo, châ ‘nâi mê cho mâu tíu ki ôm hyô mê cho krip le\m păng ‘nâng, pơrá cho mâu tơmeăm ki nếo ai tơdjâk troh tơdroăng pêi chiâk pêi deăng. {ă tơdroăng ki kố kô chiâng ai túa cheăng ki nếo, cho tíu ki krip krih ăm kơvâ ôm hyô dêi kong pơlê Lâm Đồng tung la ngiâ’’.

Tiô tơdroăng riân ngăn dêi kơvâ ngăn ‘na ôm hyô kong pơlê Lâm Đồng, sap ing Têt Lo hơnăm nếo troh nôkố, mâu tíu ki ôm hyô kơvâ chiâk deăng dêi pơlê kong kơdrâm Đà Lạt hiăng pro lối hr^ng rơpâu ngế tơmối mot ôm hyô, tí tăng ‘nâi ple\ng. Tơdroăng kố ăm hlo, hnoăng ki ngăn nhuo#m [ă mơdêk ôm hyô ‘na kơvâ chiâk deăng cho môi tung mâu troăng prôk ki ‘ló khât, veăng kum mơdêk ăm kơvâ ngăn ’na ôm hyô, kơvâ ki pêi cheăng kâ ki xiâm dêi Đà Lạt thăm châ xông tơtêk hên tâ tung la ngiâ.

Quang Sáng chêh

Nhat Lisa tơplôu [ă tơbleăng