VOV4.Sêdang - Kơxê lơ 17/7, Vi [an hnê ngăn kong pơlê Dak Lak hiăng tơku\m po hneăng hôp tối tơbleăng ‘na hbrâ mơdât pơreăng tơngê lo mơheăm. Troh nôkố, lâp kong pơlê Dak Lak hiăng châ hlo lối 4 rơpâu 900 ngế ki tro tâ pơreăng tơngê lo mơheăm, tâi tâng ai 162 tíu, la ôh tá ai ngế ki hlâ.

Tung mâu khế hiăng luâ, Khu hnê mơhno hbrâ mơdât pơreăng a rêm tíu hiăng pơkâ pêi pro hên hnoăng cheăng, môi tiah: Lăm troh a tơrêm pơlê vâ hnê tối, xúa pơkeăng xôh kơdê oâ, tri trôu; hnê tối ăm kuăn pơlê hlê ple\ng troăng hơlâ ki vâ hbrâ ví tro tâ pơreăng tơngê lo mơheăm [ă hên mâu hnoăng cheăng ki ê.

Dak Lak, Dak Nông kơdo mơ-eăm vâ mơdât pơreăng tơngê lo mơheăm

Maluâ ti mê, tơdroăng ki vâ tối pơtâng tơdroăng nếo ai, tơdroăng lăm ngăn a tơrêm thôn pơlê, tơdah khăm pơlât mâu ngế châi tamo, tá hâi châ khu râ pơkuâ pêi pro teăm tơdrêng; kuăn pơlê ối tơkôm kơnôm to tơdroăng khăm pơlât ti hâi ‘nâi hbrâ ví xêh hdrối, môi tiah ôh tá vâ tâm pơkeăng kơmung, xôh pơkeăng a tơmeăm xúa a hngêi trăng tơná.

Vi [an hnê ngăn kong pơlê Dak Lak hiăng pâ thế mâu khu râ, kơvâ cheăng, tơring, cheăm pơtối tơru\m cheăng [ă Khu pơkuâ ‘na pơkeăng pêi pro i kơtăng khât tâ nếo tung hnoăng hbrâ mơdât pơreăng lo mơheăm xông tâ tú.

Hơnăm kố, lâp kong pơlê Dak Nông ai vâ chê 1.800 ngế tâ pơreăng tơngê lo mơheăm a tâi tâng 8 tơring, pơlê kong krâm, tâk lối 15 ngế tâng vâ pơchông [ă khế kố hơnăm nah. Kơxo# ngế tâ pơreăng tơngê lo mơheăm rế tâk pro ăm mâu tíu ki pơlât đi đo tung tơdroăng ki ai hên luâ râ mâu ngế ki koi pơlât. Vi [an hnê ngăn kong pơlê Dak Nông hiăng ai hlá mơ-éa pơtroh ‘na tơdroăng ki mơdêk mâu hnoăng cheăng hbrâ mơdât pơreăng tơngê lo mơheăm.

Tiah mê, mâu tíu khăm pơlât mơdêk tâ nếo hnoăng cheăng hnê mơhno tung tơdroăng ki tí tăng ‘nâi ple\ng ăm khu kăn pơkuâ tơring, cheăm mâu túa pơkâ hbrâ mơdât pơreăng, malối cho mơnhên tíu ki ai pơreăng, kơpong ki mơni kô re\ng tâ tú vâ hbrâ mơdât tung pơla 48 chôu.

Mâu tơring, cheăm tối tơbleăng tơ-[rê tơdroăng ki xôh pơkeăng kơdê tri trôu, kiâ ngu nge#ng troh rêm rơpo\ng. Mâu tíu khăm pơlât, hnê hriâm ăm mâu ngế cheăng ‘na khăm pơlât ‘na hnoăng cheăng mơnhên ngăn, pơlât, rak tơniăn tu\m kế tơmeăm, pơkeăng vâ hbrâ rơnáu tơdah, re\ng pơlât ăm mâu ngế ki tâ pơreăng tơngê lo mơheăm, kơdroh iâ tơdroăng ki hlâ rong. Tơdrêng amê, hnối mơdêk tối tơbleăng, mơdêk ki hlê ple\ng dêi pơlê pơla, hlê ple\ng dêi kuăn pơlê ‘na hnoăng cheăng hbrâ mơdât pơreăng tơngê lo mơheăm.

Nhat Lisa - Katarina Nga tơplôu [ă tơbleăng