Apoăng hơnăm kố, châ môi ngế pú hmâ tơbleăng tối, ngoh Lê Văn Hồng (hdroâng Mông), ối a thôn Noh Prông, cheăm Hòa Phong, tơring Krông Bông, kong pơlê Dak Lak hiăng ăm dêi 2 ngế kuăn cho Lê Văn Cải, 10 hơnăm [ă Lê Văn Khương, 15 hơnăm chu troh a pơlê kong kân Hồ Chí Minh vâ cheăng pơchoh hmân ếo. Phá hlêk tơ ê ‘na tơdroăng ki hiăng tơkêa môi tiah hdrối nah, pêi ôh ti tơbrêi la châ kâ liăn hên, bu kơ’nâi 2 khế, xua ôh pá kâi chân [ă tơdroăng cheăng pêi ki hngăm hngo, mê prế kuăn ngoh krếo phôn hên hdroh tối dêi pâ to\ng kum. Ngoh Hồng athế mung liăn lăm chu a pơlê kong kân Hồ Chí Minh tơdah xo dêi prế kuăn prếo. Ngoh Hồng tối:

‘’Mâu vâi krâ-nho\ng o tung pơlê lăm pôu, êng á ti lâi ăm dêi prế kuăn lăm pêi cheăng, la nôkố hiăng prếo nếo, xua pêi cheăng u châm ga hngăm luâ kơ ivá, mê á mung liăn tơdah xo prế prếo a hngêi, troh nốkố tá hâi ai cheăng pêi vâ tăng liăn mơdrếo che\n, pá ó ‘nâng’’.

Xuân xua ing tơdroăng kơtiê, ngoh Lê Văn Tỏa, ối a thôn Noh Prông, cheăm Hòa Phong, tơring Krông Bông ăm dêi kuăn kơdrâi, 13 hơnăm pơtê hriâm lăm pêi cheăng a hơngế, la ngoh ti ‘nâi dêi kuăn tơná dế kố pro ki klâi, ối ulâi, bu to ton tâng dêi kuăn krếo phôn tối tơdroăng rêh kâ ối xơpá ó ‘nâng a tơnêi tíu vâi kong kân ki phá [ă tơdroăng rêh ối a pơlê tơná. Ngoh Lê Văn Tỏa hơ’muăn tối:

‘’Tâng tối pêi cheăng lối hơngăm ó ‘nâng, pêi cheăng plâ hâi ôh ti ai chôu pơtê. Pêi ing 6 chôu kơxo troh a 11 chôu kơhâi dế, ing 12 chôu hâi dế troh a 7 chôu kơmăng, klêi kâ hmê pêi cheăng troh a 12 chôu kơmăng, ôh tá ai chôu pơtê, thăm nếo liăn mơhá rêm khế xuân iâ há thâp’’.

Tiô pôa Nguyễn Văn Tâm, Kăn hnê ngăn cheăm }ư\ Pui, tơring Krông Bông tối, maluâ tơnêi têa hiăng ai troăng hơlâ to\ng kum ăm kuăn ‘ne\ng cháu chái hdroâng kuăn ngo, la xua tơdroăng rêh ối xơpá ó, hên rơpo\ng xuân ăm thế dêi kuăn lo pơtê hriâm, tăng pêi cheăng vâi. Pôa Tâm tối:

‘’Ki hên, hdroâng kuăn ngo akố tơdroăng rêh ối trâm hên xơpá, xua kuăn pơlê pin pá ó khât mê tơdroăng lăm pêi cheăng vâi tăng liăn mê nôu pâ, rơpo\ng hngêi xuân ăm thế há, vâ vâi o, vâi muăn chía pêi lo liăn ngân che\m mơdrêh dêi châ. La drêng ngin hiăng châ ‘nâi, tơdroăng ki vâi o lăm pêi cheăng [ă ai mâu vâi o ki k^ tơkêa tơdroăng cheăng a mâu tíu ki xo cheăng mê, vâi pro ôh ti tro, mê ngin khoh mơhnhôk mâu rơpo\ng ki mê, mâu nôu pâ vâi, krếo phôn dêi kuăn ‘ne\ng vâ tơdah xo vâi prếo vêh a pơlê, xua tơdroăng pêi cheăng kâ a pơlê xuân trâm pá, ôh tá kâi pêi lo liăn mê hên nôu pâ tá hâi châ lăm tơdah xo dêi kuăn ‘ne\ng prếo vêh’’.

Pôa Trần Ngọc Hùng, Kăn pho\ [ơrô ngăn ‘na cheăng pêi, mô đo#i tro rong [ă rêh ối pơlê pơla tơring Krông Bông tối ăm ‘nâi, tơdroăng ki vâi ‘ne\ng lo pơtê hriâm lăm pêi cheăng a mâu kơpong hngêi kơmăi, lơ pêi viâ mâu tơdroăng cheăng a hngêi kâ koi ối pơtê hiăng hlo sap ing mơ’nui hơnăm 2014. Maluâ kơvâ cheăng hiăng tơru\m [ă khu kăn pơkuâ, mâu khu râ, kơvâ cheăng ki hnê tối, mơhnhôk, hnê mơhno tối. Thăm nếo ngăn tiô kơ tơdroăng ki ai xôi ‘na luât drêng tí tăng rah xo mơngế pêi cheăng cho vâi ‘ne\ng tá hâi teăm tro hơnăm pêi cheăng vâ tơleăng mơnhên la xuân tá hâi teăm kâi châ mơdât tơdroăng kố. Bu riân sap apoăng hơnăm troh nôkố, lâp tơring ai 135 ngế vâi hdrêng (sap ing 12 troh a 16 hơnăm) lôi hriâm. Tung mê, ai 42 ngế vâi ‘ne\ng pơtê hriâm lăm pêi cheăng a pơlê kong kân Hồ Chí Minh.

Vâ mơdât tơdroăng ki vâi ‘ne\ng pơtê hriâm lăm pêi cheăng, tiô pôa Trần Ngọc Hùng tối, pá k^ng tơdroăng ki thăm hnê tối i hloh klê nhên mâu tơdroăng ăm mâu nôu pâ, rơpo\ng hngêi ‘na hnoăng rêh ối dêi vâi ‘ne\ng mê kal athế ai tơdroăng ki pêi kơtăng khât dêi rêm kơvâ cheăng, ki malối kal athế ai troăng hơlâ kum ‘na cheăng kâ, pêi lo liăn ngân ăm mâu pơlê cheăm ối kơpong hơngế hơngo, kơtiê xơpá.

‘’Vâ kơdroh tơdroăng ki kuăn ‘ne\ng pơtê hriâm lo lăm pêi cheăng tá hâi tro hơnăm mê kal athế ai troăng hơlâ ‘no liăn vâ mơnhông mơdêk pêi cheăng kring vế tơniăn ăm tơdroăng rêh kâ ối dêi kuăn pơlê. ‘Na troăng hơlâ pơtối mơnhông mơdêk pêi cheăng kâ, troh nôkố hlo hiăng ai hên la vâ kuăn pơlê châ mung liăn, pêi cheăng kâ tơ’lêi hlâu, cho ối trâm hên tơdroăng ki xơpá păng ‘nâng. {ă mâu khu râ kơvâ cheăng kal athế séa mơnhên ngăn ‘na tơdroăng kố, vâ ai troăng hơlâ mơnhông mơdêk pêi cheăng kâ a dêi tơring, cheăm, pơlê tơná. Malối, Krông Bông cho môi tơring kơtiê pâ thế mâu kơ koan, khu râ, kơvâ cheăng kal ai túa cheăng, troăng hơlâ hên tâ nếo vâ tơ’lêi hlâu iâ ăm tơdroăng cheăng kâ rêh ối dêi mâu rơpo\ng hngêi, kuăn ‘ne\ng tung tơring kố.

Hương Lý chêh

Nhat Lisa tơplôu [ă tơbleăng