A Pơlê kong kơdrâm Buôn Ma Thuột, rêm khế, pôa Lê Ngọc Hải ối a bêng Ea Tam xuân đi đo kơto rơxế hon đa lối 4km, lăm troh a tíu pêi cheăng dêi Ko\ng ti on tơhrik Dak Lak vâ nâp liăn on tơhrik.

Pak^ng tơdroăng xúa tung rơpo\ng hngêi, rơpo\ng pôa Hải ối xúa on tơhrik vâ hrik têa tôh kơphế, báu, prá, alâi, tâng riân rêm khế athế nâp dâng 400 troh 500 rơpâu liăn on tơhrik. Maluâ tơvâ tơvân, hên tơvâ xua ngăn dêi chiâk deăng, piu nâp liăn on tơhrik tro hâi khế, mê hiăng tro khu ngăn on tơhrik tơpâ on, la pôa Lê Ngọc Hải xuân ối nâp liăn tu\m a Ko\ng ti ngăn on tơhrik.

‘’Troh hâi khế a thế lăm nâp liăn. Ngăn tiô kô pin xúa hên lơ iâ, la tâng vâ riân rêm khế xúa on sap 400 -500 rơpâu liăn. Vâi pơkâ thế nâp sap a hâi lơ 19 mê hiăng thế nâp. Tâng lơ hrá, pin oh tá nâp vâi kô tơpâ on tơhrik.

Mê ti lâi pôa ôh tá po tài khoản vâ nâp liăn ăm tơ’lêi hlâu? -Ôi tơpá ‘nâng! Tơbriât llêi, pin oh tá hlâu vâ châ pơtroh dêi liăn a tài khoản ti lâi ga hlâu?

Tung pơlê kong kơdrâm hiăng môi tiah mê, tơdroăng nâp liăn xúa on tơhrik ing tài khoản a kơpong thôn pơlê, tâi tâng mơngế ki xúa to kuăn pơlê ki pêi chiâk pêi deăng, tơdroăng mê thăm rế pá tâ.

Pôa Nguyễn Văn Sỹ, Kăn pơkuâ ngăn On tơhrik Ea Súp tối ăm ‘nâi, tơring cho kơpong ối tơkăng kong, bú ai môi to hngêi rak liăn tê, bú môi to tíu tơpui phôn tê veăng pêi. Xua mê, tơdroăng nâp liăn on tơhrik thế nâp [ă liăn păng ‘nâng, pá ‘nâng vâ nâp tiô tài khoản.

‘’Tơdroăng nâp liăn on tơhrik a tơring Ea Súp kố ga pá. Malối xo ing hngêi rak liăn a kố bú ai môi to hngêi rak liăn Agribank. Tíu xo liăn ATM xuân pá há, bú ai 2 tíu xo liăn ATM. Mê tơdroăng kuăn pơlê vâ po tài khoản xuân pá há.

Tíu ối pá puât, kuăn pơlê ối preăng prêh mê khu tơru\m cheăng lăm xo liăn xuân pá puâti. Akố bu ai môi tíu tơpui phôn tê’’.

Hngêi rak liăn kum ăm mung ‘na chiâk deăng [ă mơnhông thôn pơlê  dêi kong pơlê Dak Lak nôkố ai dâng 130 rơpâu ngế kuăn pơlê tơru\m [ă hngêi rak liăn, tung mê, ai dâng 60 rơpâu ngế cho liăn mung, 70 rơpâu ngế cho liăn ki pơtroh, cho ki tơ’lêi hlâu tung nâp liăn ing tài khoản. Tiah mê, tâi tâng mâu tíu nâp liăn nôkố ai pá xôp 30 rơpâu ngế kuăn pơlê nâp liăn ing tài khoản.

Pôa Phan Thông Thái-Kăn pho\ pơkuâ hngêi rak liăn kum ăm mung ‘na  chiâk deăng [ă mơnhông thôn pơlê dêi kong pơlê Dak Lak tối ăm ‘nâi, tíu pêi cheăng kô pơtối pro tơ’lêi hlâu tâ vâ kum kuăn pơlê xúa nâp liăn tiô túa ki nếo kố.

’’Ngin sôk ro khât, môi tuăn [ă tơdroăng ki nâp liăn on tơhrik ho\ng hngêi rak liăn. Ngin hiăng tối tơbleăng troh tâi tâng mâu tíu cheăng, pro tiah lâi vâ kuăn pơlê po tài khoản nâp liăn on tơhrik ho\ng hngêi rak liăn.

Pák^ng mê, ngin ối pơtroh ăm Tơnêi têa môi tơdroăng pơkâ ăm mung [ă mâu rơpo\ng kuăn pơlê pêi chiâk pêi deăng ai tơru\m cheăng [ă Hngêi rak liăn to\ng kum pêi chiâk pêi deăng dêi kong pơlê Dak Lak sap ing 1 troh 2 rơtuh vâ kơxo# liăn nâp liăn on tơhrik kố.

 Tâng ngế ki lâi ai tài khoản mê rêm khế ngin kô xo dâng 6 hdroh. Drêng lâi kuăn pơlê ai liăn mê ngin xo tơdrêng’’.

Ko\ng ti on tơhrik Dak Lak pơkuâ ngăn, tê on tơhrik ăm lối 500 rơpâu ngế kuăn pơlê, tung mê, ai 440 rơpâu ngế kuăn pơlê xúa on tơhrik rêm hâi. Ko\ng ti hiăng k^ tơkêa tơru\m tơdroăng xo liăn nâp on tơhrik [ă 14 to hngêi rak liăn, 6 tôh nâp liăn tung pơla tơdế hơnăm.

Pôa Lê Hoài Nhơn, Kăn pho\ pơkuâ Ko\ng ti On tơhrik Dak Lak tối nhên,  tơdroăng ki nâp liăn on tơhrik ho\ng tài khoản hngêi rak liăn lơ ing tơdroăng nâp tiô rơpo\ng kum kơvâ ngăn on tơhrik kơdroh ki hên ‘na mâu ngế cheăng, nâp liăn on tơhrik tiô túa ki re\ng, tơdrăng mê nếo ối pro ăm kuăn pơlê tơ’lêi hlâu tung nâp liăn, kơdroh tơdroăng ki tơpâ on tơhrik drêng tá hâi nâp liăn.

‘’Chin phuh xuân pơkâ troăng hơlâ kơdroh yă liăn ki nâp, mê ngin xuân tơru\m [ă mâu hngêi rak liăn vâ kuăn pơlê ai tơdroăng ki vâ po tài khoản, drêng nâp liăn ăm ngin kơmăi kô nâp xêh ing tài khoản mê.

{ă mâu khu tơru\m ki nâp tiô rơpo\ng mê tung hlá mơ-éa tơkêa [ă ngin, khu tơku\m po mâu tíu nâp liăn on tơhrik châ xing xoăng a mâu kơpong kuăn pơlê rêh ối ki achê má môi, [ă ki xiâm cho vâ pro tơ’lêi hlâu ăm kuăn pơlê lăm nâp rêm khế’’.

Ki nhên, tơdroăng nâp liăn on tơhrik tiô túa ki pơtroh ing tài khoản lơ ing tơdroăng ki lăm nâp cho môi tơdroăng ki pơxúa kal châ mơhnhôk pêi pro. Maluâ ối ai hên tơdroăng ki pá puât, la Ko\ng ti On tơhrik Dak Lak pơtối mơdêk hnoăng cheăng tối tơbleăng vâ tơmối pêi pro, mơ-eăm pêi pro tiô troăng hơlâ pơkâ kố dêi Chin phuh, [ă ki xiâm pơkâ troh tâi hơnăm kố kô ai dâng 60% tơmối nâp liăn on tơhrik tiô túa ki pơtroh ho\ng tài khoản lơ ing tơdroăng ki lăm nâp ê.

Quốc Học chêh

Gương tơplôu [ă tơbleăng