VOV4.Sêdang - Hlo tơdroăng ki ôh tá tơniăn dêi pơreăng Covid-19 tung lâp tơnêi têa [ă tơdroăng ki rơ-iô dêi túa nếo virus SASR-CoV-2, vâ rak tơniăn pêi pro kơtăng [ă tơdâng tơ’mô hnoăng cheăng hbrâ mơdât pơreăng tung kong pơlê, malối cho tung pơla kuăn pơlê vêh pơlê kâ Têt, Vi [an hnê ngăn kong pơlê Dak Lak nếo ai hlá mơ-éa pơkâ thế pêi pro mâu troăng hơlâ hbrâ mơdât pơreăng tung pơla Têt Lo hơnăm nếo.

Tiah mê, Vi [an hnê ngăn kong pơlê Dak Lak pơkâ thế mâu ngế ki vêh ing kơpong ai pơreăng cho Hải Dương, Quảng Ninh, mâu tơring, pơlê kong krâm Ia Pa, Ayun Pa, Krông Pa, Phú Thiện, Plei Ku [ă mâu tơring ki ai pơreăng ki ê a kong pơlê Gia Lai, kuăn pơlê athế lăm troh tíu khăm pơlât ki achê má môi vâ tơno dêi [ă châ pơkâ thế klâ ối krê a hngêi tung pơla 21 hâi.

Pơkâ thế pêi pro kơtăng 5 tơdroăng (truâ kên pâng môh rơkong, xôh pơkeăng, ối kơtăn hngế, pôi tá ối tơku\m hên ngế, tối ‘na ivá tơná) tung hbrâ mơdât pơreăng [ă hnê tối kơdroh tơdroăng ki prôk lăm. Kong pơlê Dak Lak xuân pơkâ thế pơtê pơtân mâu tíu ki tê mơdró hơdruê karaoke, tíu ki ôu drôu a kong măng, tíu ki kơ’nhon xuâng sap ing hâi lơ 5/2 troh lơ 25/2/2021.

Nga tơplôu [a\ tơbleăng