Êng: Ô poâ Nguyễn Văn Nghiêm, Daklak mot tung Têt hơnăm kố [a\ kong prâi gá phá tơ-ê. Hơnăm kố kong mêi ton hâi, hên [a\ng tơnêi pêi chiâk deăng kơchâi plâi pôm tro răng hlâ. Mê tơdroăng kố hôm tơdjâk ki klâi troh kơchơ dêi kong pơlê.

Pôa Nguyễn Văn Nghiêm: Kong prâi hơnăm kố tơdjâk hên ó troh têt, ki má lối cho kơchâi drêh, reăng, plâi kâ pơrá to kơnâ. Laga klêi kơ’nâi séa ngăn a mâu khu tê mơdró ki xiâm dêi kong pơlê mê tơmeăm xuân ối tơniăn le\m. Mâu khu tê mơdró hiăng hbrâ tu\m tơmeăm, roê ing pơlê kong kơdrâm [a\ mâu kong pơlê ki achê mê vâ tê ăm kuăn pơlê. {a\ kơxo# kế tơmeăm kố bê tê ăm kuăn pơlê tung kong pơlê.

Êng: Ô pôa! Sap ing mơ’nui khế kố, Ngế pro xiâm hnê ngăn Chin phuh hiăng ai tơdroăng pơkâ, tung mê, pơkâ kơvâ kơmăi kơmok [a\ tê mơdró hbrâ ai mâu túa hơ’lêh kơchơ tê mơdró. Mê kơchơ têt hơnăm kố châ Daklak hơ’lêh môi tiah lâi?

Pôa Nguyễn Văn Nghiêm: Pêi pro hnê mơhno dêi Chin phuh, Vi [an kong pơlê hiăng tơbleăng pơkâ tơniăn yă mâu kế tơmeăm khoăng ki má môi, roh má mơ’nui hơnăm 2016 [a\ Têt Lo hơnăm nếo 2017. Tiah mê mâu tơring, pơlê kong krâm [a\ pơlê kong kơdrâm {uôn Ma Thuột thế đi đo séa ngăn tơdroăng, yă kế tơmeăm khoăng tung kơchơ tê mơdró. Drêng châ hlo hơ’lêh tung kơchơ tê mơdró mê thế tơbleăng teăm tơdrêng ăm Khu pơkuâ kơmăi kơmok [a\ tê mơdró. {a\ mâu khu tê mơdró veăng rak tơniăn yă thế ‘măn kơd^ng kế tơmeăm khoăng a hnôu dêi khu tê mơdró, drêng ai tơdroăng ôh tá tu\m kế tơmeăm khoăng mê pơto tơmeăm dêi tơná troh a tíu dế ôh tá tu\m kế tơmeăm khoăng tung 24 chôu. Tơdrêng amê, kong pơlê thăm hnê mơhno mâu kơ koan cheăng dêi kong pơlê, pơkuâ kơchơ tê mơdró, tơleăng kơtăng mâu ngế ki ‘măn kơtôa tơmeăm, pro mơdêk yă vâ châ pơxúa ăm dêi tơná ôh tá tro luât. Tá xôi ‘na tê mơdró kế tơmeăm khoăng ki ôh tá xê khât, kế tơmeăm khoăng ki rôe ing kong têa ôh tá tro luât, lu lêa tung tê mơdró.

Êng: Xuân tiô pơkâ dêi Ngế pro xiâm hnê ngăn tơnêi têa, mâu kong pơlê thế mơdât kế tơmeăm khoăng ki ôh tá krúa le\m châ tê tung kơchơ. Tiah mê, Daklak hôm tơniăn há, tơdroăng kố ôh tá ăm ai hlo a kong pơlê tung roh têt kố, troh leh mơd^ng kơphế {uôn Ma Thuột a khế 3 la ngiâ?

Pôa Nguyễn Văn Nghiêm: Cho khât kế kâ cho tơdroăng ki tô tuăn má môi, ôh tá xê kuăn pơlê mê mâu kơ koan cheăng, khu pơkuâ Tơnêi têa ‘na kơvâ kố. {a\ Khu pơkuâ kơmăi kơmok [a\ tê mơdró ngin hiăng tơru\m [a\ mâu kơ koan cheăng, Vi [an mâu tơring, pơlê kong krâm, pơlê kong kơdrâm, séa ngăn, pơkuâ kơchơ tê mơdró krá tơniăn tâ vâ rak tơniăn ‘na kế kâ a mâu tíu mơjiâng pro, tê mơdró. Tá inâi, tíu mơjiâng pro, kế ki pro tơmeăm kâ mê, hâi khế ăm phêp xúa … Maluâ tiah mê laga xuân ai kế kâ ki ôh tá krúa le\m châ tê. Xua mê, ngin xuân pơkâ mâu kơvâ, mâu khu râ cheăng, mâu tơring tung kong pơlê, thăm pơkuâ, séa ngăn, tâng châ hlo kô tơleăng kơtăng tâ nếo.

Hôm mơnê kô pôa

A Sa Ly tơplôu [a\ tơbleăng