VOV4.Sêdang - Ô vâi krâ - nho\ng o [ă pú hmâ! Mâu hâi ki kố, a mâu thôn pơlê dêi kong pơlê Dak Lak, tơdroăng koh tơdah T^ng kân Noel hiăng hơniâp ro, phiu niu. Hên mâu troăng prôk, kơpho# a mâu tíu khôp, kuăn khôp hiăng hơ’leh nếo, eăng kơnhéa le\m ro. Tâng to idrâp tơdrá hơdruê Noel hơniâp ro, mâu mơngiơk on, tơmeăm khoăng ăm măng t^ng kân Noel eăng kơnhéa tung lâp lu kơpho#, tung hên hngêi trăng [ă tuăn hiâm ki sôk suâ dêi vâi krâ-nho\ng o xuân pêng păm to tơdroăng le\m ro. Nam Trang, Ngế chêh hlá tơbeăng cheăng tung Rơ’jíu Việt Nam a kơpong Tây Nguyên hiăng lăm troh a Tơring Khôp Quỳnh Ngọc, tơring Krông Ana, kong pơlê Dak Lak - tíu ki ai 700 rơpo\ng kuăn khôp dế rêh ối, pó vâi krâ-nho\ng o kô tơmâng.

Lăm troh a kơpong Khôp Pơtáu Kritô, ối tung Tơring Khôp Quỳnh Ngọc, rêm ngế pơrá hiăng hlo nhên ki hơniâp ro dêi rơnó koh tơdah T^ng kân Noel dêi kuăn khôp a tíu kố. Tâng vâ tối, hngêi trăng ngế ki lâi xuân rơnuâ pro loăng hngó Noel, kơxái on mơngiơk, kơxái pul on ki kơnhéa [lâ [lât, [ă hên mâu um Pâ Xeăng, tơmeăm khoăng ki pro rơnuâ, hên túa, hên mơngiơk pơrá phá dêi pó. Ngoh Trần Văn Đỗ, ối tung tơring khôp Quỳnh Ngọc tối:

‘’Ngin dế mơjiâng pro kiâp hmốu tíu ki Pâ Xeăng chu a ro\ng tơnêi chiâng kuăn mơngế, hbrâ ăm rơnó tơdah T^ng kân Noel, ngin hiăng lăm ko kơlá vâ pro túa. Tiô tơdroăng ki hiăng hbrâ, tơdah T^ng kân Noel hơnăm kố phiu ro kân tâ hơnăm nah’’.

Khu kăn pơkuâ lăm pôu, tơpui tơno, rơkâu tơring khôp Quỳnh Ngọc tung rơnó Noel hơnăm 2020

A hngêi khôp kân dêi Tơring Khôp Quỳnh Ngọc, tơdroăng ki hbrâ koh tơdah T^ng kân Noel hlo ai kơdrâm kơdre\ng kuăn khôp dế hbrâ pêi pro. Hên ngế dế kơhnâ khât hriâm hơdruê xuâng, ai mâu ‘nâ dế rơnuâ tơmeăm khoăng, tâp reăng, pro kiâp hmốu, on tơhrik ki [lâ [lât, blu nhêp blu nhêp [ă hên h^n mâu tơdroăng ki ê. Tâi tâng pơrá pói tơngah môi Măng T^ng kân Noel hơniâp ro, tơniăn le\m. Giuse Nguyễn Văn Lung, ối a [uôn Ea Na, cheăm Ea Na, tơring Krông Ana, kong pơlê Dak Lak tối:

‘’Vâ chê troh T^ng kân Noel, á [ă rơpo\ng hngêi hâk ro, phiu niu, veăng pêi mâu tơdroăng cheăng dêi hngêi khôp. Rơpo\ng ngin xuân pro kiâp hmốu dêi a hngêi krê tơná, a hngêi khôp, troăng prôk xuân hiăng châ krâ bâ eăng tung lâp pơlê. Vâ tối, hơnăm kố koh tơdah T^ng kân Noel hơniâp ro, phiu niu kân’’.

Mâu kuăn khôp dế thâ pêi pro tơdroăng ki rơnuâ hngêi khôp xiâm dêi tơring Quỳnh Ngọc

{ok xối Nicôla Lưu Nhất Tâm, pơkuâ tơring Quỳnh Ngọc, tơring Krông Ana, kong pơlê Dak Lak ai tối tiah kố: Măng t^ng kân Noel ti xê to T^ng kân ki kân krip dêi kuăn khôp Pâ Xeăng ngin xo, mê ối cho roh ki vâ ăm rêm ngế tung rơpo\ng hngêi, pú hmâ châ trâm, tơpui tơno [ă xah hêi hên he\ng mâu tơdroăng ki ro rih. Vâi krâ-nho\ng o kuăn khôp hiăng [ă dế pêi pro hên mâu hnoăng cheăng ki ai pơxúa kân khât, hbrâ ăm roh ki vâ chê tâi hơnăm ton, koh tơdah lo hơnăm nếo [ă tơdroăng ki pói rơhêng vâ tung la ngiâ kô ai tơdroăng rêh ối, pêi cheăng pon mơhúa hên tâ. Kố xuân cho roh ki vâ ăm kuăn khôp [ă mâu ngế ki ôh tá khôp châ trâm, tơpui tơno, tơru\m [ă dêi pó hên tâ:        

‘’Vâi krâ-nho\ng o dế hbrâ mơjiâng pro kiâp hmốu, kơtúa mâu on hơlo\ng vâ koh hâk, phiu niu Pâ Xeăng chu a ro\ng tơnêi chiâng mơngế. Tơdroăng ki hơniâp ro ti xê to [ă kuăn khoop Pâ Xeăng, mê ối ai mơngế pá kong kuăn khôp, mâu nho\ng o rơtế lăm pôu ngăn Pâ Xeăng tung kiâp hmốu, hnối hrăng kơmăng vâ koh tơdah Măng t^ng kân Noel a hâi lơ 24 [ă kơxo gâ lơ 25 khế 12 tung tơdroăng ki hơniâp ro, sôk suâ kân koh tơdah Pâ Xeăng chu a ro\ng tơnêi chiâng mơngế’’.

T^ng kân Noel hơnăm kố, tơring khôp Quỳnh Ngọc ối tơku\m po hên tơdroăng ki hơ-ui, to\ng kum mơngế kơtiê xahpá. Pak^ng tơdroăng lăm pôu, bruô kế tơmeăm ăm rơpo\ng kuăn khôp ki xahpá, hdrối vâ troh T^ng kân Noel, mê tơring khôp Quỳnh Ngọc hiăng mơ’no 50 rơtuh liăn vâ pro hngêi ối ăm môi rơpo\ng ki xahpá. Pôa Phan Ngọc Liệu, Kăn hnê ngăn Ho#i đong tơring khôp Quỳnh Ngọc ai tối:

‘’Ti xê to ‘na mâu tơdroăng ki mơjiâng thôn pơlê, mơjiâng pro troăng prôk, mê rêm hơnăm, vâi krâ-nho\ng o drêng troh a T^ng kân Noel lơ roh Têt vâi krâ-nho\ng o akố pơrá ai to\ng kum ăm mơngế ki kơtiê xahpá, mơjiâng pro hngêi trăng ăm mâu rơpo\ng ki hliăng tiâ’’.

Rơnó Pâ Xeăng chu a ro\ng tơnêi chiâng kuăn mơngế hiăng vâ chê troh, vâi krâ-nho\ng a Quỳnh Ngọc pơrá rơnuâ le\m ro, krip krih ‘nâng a mâu hngêi khôp, tơring khôp, hngêi trăng dêi kuăn pơlê vâ koh tơdah Noel. Tâi tâng pơrá tung tơdroăng ki hbrâ koh tơdah môt rơnó Pâ Xeăng chu a ro\ng tơnêi chiâng kuăn mơngế, rêm ngế pơrá tơniăn le\m, hơniâp ro, sôk suâ.

Nam Trang chêh

Nhat Lisa tơplôu [ă tơbleăng