VOV4.Sêdang - Vi [an kong pơlê Dak Nông nếo tơku\m po Hneăng hôp kheăn kơdeăn tơdroăng pêi pro hnoăng cheăng mơnhông mơdêk cheăng kâ – rêh ối pơlê pơla, tơniăn cheăng lêng – gâk kring. Tiah mê 6 khế kố nah, tâi tâng tơmeăm tung kong pơlê Dak Nông châ lối 8.600 rơtal liăn, kơlo tơtêk cheăng kâ tiô xêo châ lối 8%; xo hnoăng liăn mơhá châ vâ chê 1.500 rơtal liăn. Pak^ng mâu tơdroăng châ tơ-[rê, tung mơnhông mơdêk cheăng kâ – rêh ối pơlê pơla dêi kong pơlê xuân trâm hên pá puât xua yă mâu tơmeăm pêi lo ing chiâk deăng môi tiah: plâi hôt, kơphế, tiêu, kơxu pơtối kơdroh. Pơrea\ng a loăng plâi, mơnăn păn, ki rơhêng vâ tối pơrea\ng châi klêa chu châu Phi xông tâ tú ó. A hneăng hôp, Vi [an kong pơlê Dak Nông pơkâ mâu khu cheăng, kơvâ cheăng, kong pơlê pơtối mơ-eăm hơ’lêh pro mơ-éa; tơku\m pêi tơtro tơdroăng xăm tối, xăm tơkêng; kho\m pêi pro tơdroăng pơkuâ kế tơmeăm khoăng tung kơdâm tơnêi, kơdroh pơrea\ng xông tâ túa a mơnăn păn [a\ hía hé.

A Sa Ly tơplôu [a\ tơbleăng