Sap apoăng khế 3 troh nôkố, rơpo\ng nâ H’Nhip Niê, ối a [uôn Kbu, cheăm Hòa Khánh, pơlê kong kơdrâm Buôn Ma Thuột đi đo ai lối chât ngế đoan viên droh rơtăm veăng pêi mâu tơdroăng cheăng, môi tiah: po tơnêi, pôu djiân gât, tơvât xơmong, prêi, hmốu vâ me\n hngêi. Nâ H’Nhip Niê tối ăm ‘nâi, tơná nâ cho mơngế ki trâm pá, châ chăn ôh ti dâi, nâ ai hên kuăn ‘ne\ng mê tơdroăng rêh ối đi đo trâm pá puât, pá ai bê kế kâ, ôh tá la lâi nâ khên tơmiât troh tơdroăng mơjiâng pro hngêi trăng. Apoăng khế 3 kố, Khu pơkuâ ngăn Đoân pơlê kong kơdrâm Buôn Ma Thuột hiăng mơhnhôk veăng tơrá liăn châ lối 30 rơtuh liăn vâ mơjiâng môi toăng hngêi rơdâ châ lối 60 m2, kum rơpo\ng nâ ai hngêi trăng ối tơniăn. Nâ H’Nhip Niê hâk phiu hơ’muăn tối:

‘’Á mơnê kơ mâu đoân viên [ă khu kăn pơkuâ ngăn Đoân droh rơtăm pơlê kong kơdrâm hiăng to\ng veăng [ă kum mơjiâng hngêi trăng ăm rơp\ng á. Dế kố, mâu đoân viên xuân ối kum me\n pro trêi hngêi tá hâi klêi, tơná á ôh ti mo dâi to lâi mê ôh ti chiâng pêi. Hmê kơchâi kâ rêh hâi xuân ti ai bê, rêm hdroh kuăn ‘ne\ng tamo châi, á lăm tăng pêi cheăng ăm vâi vâ ai liăn híu rôe pơkeăng, tơnêi tíu xuân tá tí ai vâ pêi chiâk deăng vâ pêt mơjiâng tơmeăm. Á pói rơhêng vâ khu kăn pơkuâ Đoân droh rơtăm pơlê kong kơdrâm pơtối to\ng veăng [ă kum ăm rơpo\ng á hên tâ mê nếo’’.

Khăm tamo [ă hbruô pơkeăng

A tơring Krông Ana, nâ Lê Thị Thanh Thảo, Kăn pơkuâ hnê ngăn Đoân droh rơtăm tối ăm ‘nâi, klêi kơ’nâi leh mơhnhôk pêi pro tơdroăng cheăng a khế droh rơtăm, tâi tâng mâu Chi ho#i a pơlê cheăm hiăng pơxiâm pêi mơjiâng mâu tơmeăm khoăng, cho tơdroăng cheăng dêi khu droh rơtăm pơkâ pêi dêi xêh. Troh nốkố, hiăng ai lối 850 ngế đoân viên droh rơtăm mơhno\ng pleăng dêi mơheăm to\ng kum vâi ki po pơlât, châi tamo châi, lối rơpâu ngế đoânviên droh rơtăm veăng ‘no dêi hnoăng cheăng pêi, kum mơjiâng pro hngêi tơru\m, mơjiâng pro kông tơkâ luâ têa kroăng, troăng prôk tơkoh pơla mâu thôn pơlê, trâ, po nhâ loăng, kơpuih văng sok drô troăng hơlâ, tung pơlê cheăm, pêt mơjiâng loăng [ă ki ê hía. Tơdrêng amê, cho veăng mơhnhôk khu mơdró kâ, mâu ngế ai hiâm mơno ‘nâi to\ng kum veăng tơlo liăn ngân, kế tơmeăm kơnâ châ vâ chê 200 rơtuh liăn, mơnhông iâ ‘na tơdroăng rêh kâ ối ăm kuăn pơlê. Nâ Lê Thị Thanh Thảo tối ăm ‘nâi:

‘’Pêi pro hnoăng cheăng dêi khế droh rơtăm hơnăm 2017, ngin hiăng pơxiâm mơjiâng 1 to plông peăng [along a [uôn Ktăl, cheăm Ea Bông kơnâ lối 12 rơtuh liăn. Klêi mê, cho tơku\m po hneăng mơhnhôk mơhno\ng pleăng mơheăm a hơnăm 2017, tơdrêng [ă mâu tơdroăng ki mê, tơku\m pêi mơjiâng mâu tơmeăm khoăng ki ê ki tá hâi klêi tung hơnăm 2017. Pâ ing khu mơdró tung tơring ai 59 ta#n xơmong vâ mơjiâng troăng prôk thôn pơlê nếo, vâ tối tơchuâm, tâi tâng mâu đoân viên pơrá veăng pêi kơhnâ khât’’.

Pleăng mơheăm hơ-ui kum vâi tamo

Troh a mâu hâi ki kố, mâu khu pơkuâ ngăn Đoân droh rơtăm kong pơlê Daklak hiăng kêi pêt châ dâng 100 rơpâu xiâm loăng, tu\m túa hdrê, pêi kơhnâ tơdroăng cheăng a ‘’Hâi tơdrốu ki mơhno\ng pleăng hnoăng cheăng’’, ‘’Hâi t^ng pêt loăng’’, ‘’Mơhnhôk ‘nâi kơd^ng on tơhrik a hâi chôu lâp plâi tơnêi’’, klêi mê mơgêi hnoăng cheăng ‘’Hnhnâng troăng kơxái on tơhrik troh a tơrêm thôn pơlê’’ ai 50 km troăng on tơhrik a mâu pơlê cheăm, hnê tơdjâ hok tro prôk lăm, rêh kâ ối, hỉâm [ai tơ’noăng a rơnó tơ’noăng, hnê tối ‘na tơdroăng cheăng. Ki rơhêng vâ tối, tung Hneăng pêi pro hnoăng cheăng dêi khu droh rơtăm mơhno\ng pleăng tơdroăng cheăng, khu droh rơtăm kong pơlê Daklak hiăng pêi pro klêi 4 tơmeăm khoăng râ kong pơlê, mê cho: Mơjiâng pro tíu ki kơhleăng têa ôu krúa, chiâ kui trâp, po văng nhâ drô hno, thông têa tôh tung klâng chiâk, mơjiâng pro hngêi ối ăm vâi o ki kơtiê xơpá, mơjiâng pro 15 plông peăng [along a 15 tơring, pơlê kong krâm, lăm pôu, hbruô tơmeăm khoăng ăm mâu rơpo\ng ai hnoăng tơnêi têa, mô đo#i tro rong, tâi tâng mâu tơmeăm mê tâng riân liăn kơnâ lối 1 rơtal 200 rơtuh liăn; lối 123 rơpâu ngế đoân viên a mâu kong pơlê veăng mơhno\ng pleăng dêi mơheăm [ă ki ê hía. Ngoh Y Nhuân {yă, Kăn pơkuâ hnê ngăn Đoân droh rơtăm kong pơlê Daklak tối ăm ‘nâi, khu droh rơtăm cho khu ki xiâm tung pêi mâu tơdroăng cheăng, đi đo djâ troăng ahdrối tung mâu hneăng mơhnhôk djâ pêi pro ‘’Ulâi kal kô ai khu droh rơtăm troh klê - tíu lâi pá kô ai khu droh rơtăm veăng kum pêi pro’’. Ngoh Y Nhuân {yă tối mơnhên tiah kố:

‘’Sap apoăng hơnăm kố nah, Khu pơkuâ ngăn Đoân droh rơtăm kong pơlê hiăng hbrâ pêi pro tơtro mâu hnoăng cheăng vâ pơkâ pro tung lâp kong pơlê, Đoân cho khu ki pêi cheăng xiâm. Troh a mâu hâi ki kố, tâi tâng tơring, pơlê kong krâm, Khu pơkuâ ngăn Đoân droh rơtăm pơlê kong kơdrâm, Khu pơkuâ ngăn Đoân droh rơtăm tơring, cheăm xuân hiăng pơkâ pêi pro hnoăng cheăng tâi tâng. Klêi kơ’nâi pơkâ thế pêi pro, mê hên khu pơkuâ ngăn Đoân hiăng mơjiâng pro tơmeăm khoăng ki ai pơxúa păng ‘nâng, môi tiah mơjiâng pro hngêi hơ-ui kum, mơjiâng pro hngêi ối ăm vâi o ki kơtiê xơpá, pro troăng prôk me\n [ê tong a mâu thôn pơlê [ă hên h^n tơdroăng ki ê hía’’.

Kông ki châ mơjiâng pro a thôn 1C

Tâng vâ tối, mâu hnoăng cheăng ki djâ troăng ahdrối mê, cho ing hiâm mơno mơhno\ng pleăng pêi pro dêi khu đoân viên, droh rơtăm kong pơlê Daklak ing mê, hiăng to\ng veăng ăm kuăn pơlê a kong pơlê thăm rế loi tơngah hên tâ khu rơxông nếo ki rơkê ple\ng, [e\ng [eăn, pêi mơjiâng mâu tơdroăng ki nếo, pêi cheăng tro tiô pơcháu [ă tơ-[rê, plâ rơxông rêh ối cho pleăng dêi tâi hnoăng cheăng tơná ăm pơlê pơla, tơnêi têa. Tơdroăng ki veăng tơchuâm ivá mơno dêi khu rơxông nếo a Daklak hiăng châ hlo nhên cho mâu tơmeăm khoăng, hnoăng cheăng ki xiâm hiăng rơtế veăng [ă khu kăn pơkuâ, kuăn pơlê pêi pro, mơhno mơjiâng mâu tơmeăm khoăng ki tơxâng dêi thon pơlê chal nếo nôkố.

Tuấn Long chêh

Nhat Lisa tơplôu [ă tơbleăng