Mâu hâi ki hiăng vâ troh Têt lo hơnăm nếo 2017, tung toăng hngêi ki 90 met karê mơjiâng dêi on veăng ngoh Hoàng Trung Hiến, hdroâng kuăn ngo Tày, a thôn 12, cheăm Tân Hòa, tơring tơkăng kong {uôn Đôn tâng hlo to tơdroăng ki sôk ro. Ngoh Hiến tối, xo on veăng châ vâ chê 16 hơnăm kố la têt hơnăm kố kô cho têt ki hơniâp ro má môi, ki chôu pâ má môi.

Kơtăn kố tá hâ châ 3 khế, rơpo\ng athế rêh ối tung môi toăng hngêi ki pơtân, bu 20 met karê, gá hiăng tơ’nhiê tâi tâng, kuâ xhi kơchoh. Hlo tơdroăng rêh ối xơpá, khế 9 hơnăm 2016, Liên đoàn Lao động tơring {uôn Đôn to\ng kum rơpo\ng 50 rơtuh liăn sap ing tơdroang ‘’ ’Hngêi ối dêi công đoàn tơru\m pro ăm’’ vâ mơjiâng pro hngêi. Sap ing kơxo# liăn to\ng kum kố, tơ’nôm [ă kơxo# liăn ki iâ ‘măn d^ng dêi rơpo\ng, mê rơpo\ng ngoh hiăng mơjiâng châ môi toăng hngêi ki le\m, krá kâk. Ngoh Hiến sôk ro tối:

‘’Mâu hơnăm hdrối nah, rêh ối tung hngêi ki pro [ă tâl, xhi kơchoh, mơnât tâl gá hiăng tơ’nhiê tâi, trêi [ă tơnêi mê gá tơpá khât. Hdrối kố nah, châ mâu khu râ kông đoàn tơmâng ngăn to\ng kum rơpo\ng mơjiâng pro châ hngêi ki nếo krá kâk kố, mê hơnăm kố kô tơdah têt tung hngêi ki nếo kố rơpo\ng kô hlo tơdroăng ki phâi tơtô, ai tu\m tơmeăm [ă sôk ro hên tâ’’.

Xuân châ to\ng kum 30 rơtuh liăn sap ing tơdroăng ‘’Hngêi ối dêi công đoàn tơru\m pro ăm’’ dêi Liên đoàn Lao động tơring {uôn Đôn, rơpo\ng nâ Lê Thị Bích Phượng, ối a thôn 15, cheăm Tân Hòa hiăng mơjiâng pro hngêi ối ki le\m, krá kâk, rơdâ lối 70 met karê. Nâ Phượng ăm ‘nâi, xo in veăng châ 7 hơnăm kố, kơnốu ôh tá ai cheăng pêi tơniăn, môi ngế nâ pêi lo liăn ôh tá bê tu\m vâ păn roăng 4 ngế tung môi rơpo\ng hngêi. Vâ mơdêk pêi lo liăn, nâ athế pêi tơ’nôm cheăng pá gong vâ ai liăn xúa tung rêh ối. Păn péa ngế kuăn tơx^n hriâm hiăng tơpá, mê ôh tá khên tơmiât trh tơdroăng ki mơjiâng pro hngêi. Nâ Phượng ăm ‘nâi:

‘’Hdrối nah, on veăng nâ pêi bu bê tu\m tơdroăng ki păn roăng kuăn xo, ôh tá khên tơmiât troh tơdroăng ki mơjiâng pro hngêi môi tiah kố. Kơnôm ing tơdroăng ki tơmâng ngăn dêi Công đoàn [ă khu mâu pú hên hiăng to\ng kum ăm rơpo\ng nâ 30 rơtuh liăn veăng tơ’nôm vâ mơjiâng pro hngêi ối môi tiah kố. Têt hơnăm kố, ai hngêi ki nếo tá on veăng [ă kuăn ‘ne#ng kâ têt sôk ro khât yoh, ôh tá tơmiât klâi xếo, nôkố hmiên tuăn pêi cheăng kâ’’.

Nôkố, Liên đoàn Lao động tơring {uôn Đôn, kong pơlê Daklak ai 53 công đoàn a pơlê, cheăm, [ă vâ chê 2.000 ngế ko\ng nhân viên chưk, mâu ngế pêi cheăng, kơxo# rơpo\ng kơtiê trâm pá ‘na hngêi ối a tơring dâng 8%. Tiô mơnhên tối dêi Liên đoàn Lao động kong pơlê Daklak, {uôn Đôn cho tơring ki djâ troăng ahdrối tung hnoăng cheăng mơhnôk veăng tơlo liăn mơjiâng pro hngêi ’Hngêi ối dêi công đoàn tơru\m pro ăm a tơring. Bu riân to sap ing hơnăm 2006 troh nôkố, khu ki tơlo liăn ‘’ ’Hngêi ối dêi công đoàn tơru\m pro ăm hiăng veăng tơlo châ lối 5 rơtal 200 rơtuh liăn vâ pro ki nếo dâng 150 toăng hngêi ăm lối 150 đoân viên tơniăn tung rêh ối vâ hmiên tuăn pêi cheăng. Jâ Mai Lin, kăn pho\ kuâ Liên đoàn Lao động tơring {uôn Đôn ăm ‘nâi: Tơdroăng ‘’Hngêi ối dêi công đoàn tơru\m pro ăm’’ cho tơdroăng ki ai pơxúa khât, ai hên tơdroăng rơkê ple\ng kum kăn [o#, viên chưk mâu ngế pêi cheăng ki xơpá ‘na hngêi ối ‘’Pêi cheăng tơniă’’.

‘’Mâu đonà viên công đoàn ki châ to\ng kum hngêi ối ’’Hngêi ối dêi công đoàn tơru\m pro ăm’’ mê vai sôk ro khât xua châ công đoàn rêm râ tơmâng ngăn, vâi kô hmiên tuăn pêi tro hnoăng cheăng châ pơcháu. Tung hơnăm 2017, pák^ng kơxo# liăn ki mơhnhôk dêi đoân viên công đoàn mê Liên đoàn Lao động tơring kô ai troăng hơlâ nếo cho mơhnhôk tơ’nôm mâu khu mơdró kâ ki ai tíu cheăng a tơring to\ng kum vâ pơtối pro hngêi ối ‘’ Hngêi ối dêi công đoàn tơru\m pro ăm’’ đoàn viên’’.

Katarina Nga tơplôu [ă tơbleăng