VOV4.Sêdang - Kong tô ton hên khế hiăng hluâ hiăng pro lối chât rơpâu ha kơphế a mâu kong pơlê kơpong Tây Nguyên trâm tơdroăng ki ôh tá ai têa. Hên kơdrum deăng hiăng khăng khoăng ôh tá kâi ‘mâi mơnhông le#m xếo. Mâu [ăng tơnêi ki u ối ki dâi le#m xuân rế hía rế iâ, thăm nếo ối tơdjâk ton xo\n chiâng pá puât tung pêi pêt tơmeăm troh mâu rơnó kơ’nâi ah. Mơhé hiăng ai mêi apoăng rơnó la mâu roh kong tô mơdrăng ton xo\n pơla hdrối kố nah a mâu hdrê loăng pêt gá hên khât.

      Cheăm Phú Xuân, tơring Krông Năng, kong pơlê Daklak ai 25 to long têa, mê tung rơnó tô mơdrăng kố nah, tâi tâng mâu long têa ki mê pơrá hiăng siâ tâi. Têa kroăng Hnăng hiu tơkâ hluâ cheăm, mê nôkố hiăng chiâng têa kroăng hmốu. Têa hiăng siâ, têa mo\ng xuân siâ há, mâu klâng báu hlâ răng, lối rơpâu ha kơphế tung kơpong xuân dế ối hlo răng ho\n. Ngoh Trần Đăng Hùng, a thôn Xuân Lộc, cheăm Phú Xuân, tối: Liăn ngân ‘no hrê ăm tơdroăng ki tôh 8 sao kố tâi tâng 6 rơtuh môi hdroh. Á ‘no liăn rak dêi tơmeăm pêt ôh tá têa tôh ‘nâi pro tiah lâi, chiâng lôi gá xo xo tiah mê, kơphế ôh tá chiâng kơ’muăn plâi. Chiâ têa klôh, mê ah pong klôh xuân ôh tá hlo ai têa. Mê nôkố bu tơkôm to a kong prâi xo’.

           Mơhé hiăng hlo mêi apoăng rơnó, la tơdroăng ki kong tô mơdrăng khăng khoăng a kong pơlê Daklak xuân ối hlo tô ó khât. Hiăng ai 330 to rơchôa têa tung tâi tâng lối 700 to tơchôa têa ôh tá chiâng xúa xua têa hiăng siâ. Nôkố, Ko\ng ti pêi cheăng tiô rơnó kui chiâ long têa Daklak dế pơtối xing xoăng têa ăm tơtro ăm rêm hdrê loăng pêt, xúa têa athế kơd^ng. La xua kong tô ton, mê [ăng tơnêi ki pêt mâu hdrê loăng xuân trâm kong tô mơdrăng ó, malối cho [ăng deăng kơphế. Pôa Trần Thế Hoan, kăn pơkuâ Ko\ng ti, ăm ‘nâi: Ai mâu kơpong ki ‘nâ hiăng ai mêi, mê mâu kơpong ki kố ngin ôh tá tôh xếo. Mâu kơpong ki ê, môi tiah: }ư\ Mgar, Krông Pa], Ea Kar, Lak xuân ối tôh. Troh nôkố, kơphế xuân ối trâm tơdroăng ki kong tô mơdrăng khăng khoăng ó [ă tơdroăng ki ôh tá ai têa. Ngin tí tăng mâu têa ki u ối pơtối tôh kơd^ng ăm mâu hdrê loăng pêt dêi kuăn pơlê. ‘Na hnoăng cheăng hbrâ kum tôh têa ăm rơnó la ngiâ, ngin xuân hiăng tối tơbleăng ăm kong pơlê, khu ngăn ‘na chiâk deăng [ă mơnhông mơdêk thôn pơlê [ă mâu tơring athế pôi tá re#ng mơdâ pêt dêi mâu tơmeăm vâ rak tơniăn ăm rơnó kơ’nâi.

        Tiô khu ngăn ‘na chiâk deăng [ă mơnhông mơdêk thôn pơlê kong pơlê Daklak tối, nôkố hiăng ai dâng 70 rơpâu ha hdrê loăng pêt trâm kong tô, ki hên cho kơphế [ă tiêu, tâi tâng ki lu\p lối 2 rơpâu 100 rơtal liăn. Sap ing kơxo# liăn to\ng kum dêi Chin phuh, liăn ngân dêi kong pơlê [ă liăn ngân to\ng kum dêi mâu tíu cheăng, kong pơlê Daklak hiăng ‘no lối 80 rơtal liăn ăm hnoăng cheăng hbrâ ví [ă kong tô mơdrăng.

Mâu hâi achê kố, a mâu tơring tung kong pơlê Daklak hiăng hlo ai mê, veăng kum kơdroh ki tô ăm hdrê loăng pêt. Laga, tiô tối tơbleăng dêi kơ koan pơtâng tối ‘na hyôh kong prâi, tơdroăng ki kong tô mơdrăng xuân ối ton troh khế 6 la ngiâ. Vi [an hnê ngăn kong pơlê Daklak hiăng hnê mơhno ăm mâu tơring, cheăm [ă kơvâ ki ai tơdjâk pơtối xúa tơdâng tơ’mô mâu troăng hơlâ hbrâ ví kong tô mơdrăng. Jâ Phan Thị Thu Hiền, kăn pơkuâ [ơrô Khu hnê mơhno cheăng hbrâ ví khía mơhot têa kân lân lu kong pơlê Daklak, tối: Vì [an hnê ngăn kong pơlê pơkâ thế mâu tơring, cheăm tơtro\ng rak tơniăn têa ôú kâ hum, roh jiếo ăm kuăn pơlê, têa ôú ăm kơpôu, rõ chữ [ă têa tôh ăm mâu hdrê loăng pêt tồn hơnăm, mơhnhôk kuăn pơlê xing xoăng têa ôú kâ a mâu kơpong ki ối têa. Khứ kăn pơkuâ kông pơlê athế hbrâ tơnáu krâ ‘măn kơmăi hdoăng têa ôú kâ hum roh tơku\m ăm kuăn pơlê. Pơtối xing xoăng kơxo# liăn vậ pêi pro mâu troăng hơlâ tăng têa vầ tôh. Nôkố mâu long kị ‘măn têa krâ kơvâ [ă kuăn, kì hên têa hiăng siâ, ại mâu long ki ‘nấ têa hiăng siâ tâi krâ ‘măn kơmăi hrik sắp ìng têa ki hiăng siâ.

Gương prế Katarina Nga tơplôu [ă tơbleăng